بنت هندسة

اانا راسي جاط ما بين هواك والدبرسة .....الفت عشرين الف بيت سبعين قصيدة مؤسسة ....................عشان اقدر الفت انتباها ومرة اقدر احسسة ..ويا حلوة يا بت هندسة .. ياحلوة يا زينة البنات ,, يا نجمة الليل والمسا ....... انا رغم اشكال الشتات ,, حاضن عواطفك وحارسا .....انا في هواك بقيت فتات ,, ودخلت عشرين مدرسة .....جنيت مع كلمات هواك ,, بقلبي قاعد اتنفسا .. ويا حلوة يا بت هندسة ..........اكان شفتي يا بت هندسة ,, خطواتي دايما بالغلط ,, واموري ديمة معكسة ............ يوم داك مساهر في الهدوم وكويتا جت شان البسا لقيتا الصباح حقت اخوي وهدومي قاعدة مكرفسة ,,, كان للهدوم ما مشكلة بشوف لي نصيبة البسا ,,, لكن هواك اعملوا ايه ,, دشدش عضامي وهرسا ........داير لي فرصة اكون قريب ,, طبلة قليبك افلسا ......عشان تشوفي هواكي كيف بهدل عواطفي ودحفسا ,,,,, حتى الشعر الكان زمان كلماتوا حلوة مملسة ,, هسي اتلخم بقى كيف كده ,, ما فيهو كلمة مهندسة ........ انتي السبب في كل ده ,, يا احلى اسباب الاسى ..... انا ياخ بريدك اعمل ايه ,, وريني يا بت هندسة .......امشي اكورك في الزلط يا ناس بريد بنت هندسة يا ناس بريد بت هندسة ............... كم مرة قلت اقوم براي اقعد معاها واونسا ,, لكني ما بقدر عديل ما بقدر انضم اونسا ,, خليك من اشرح ليها حالي وحبي ليك والدبرسة ............. وياهناية داير اقول ليك كلام ,,, انا يا ملاك انا بعشقك ,, وما اظن بلاك ارجى المسا ....... دايرك تكوني لي حبيبة ,, وابقى ليك حبيب قسى .................................وياربي كل عاشق نبيل تديهو زي بت هندسة ,, وترعاها من عين الحسود ,,, وياربي تحفظا تحرسا ,,,, وياربي تحفظا وتحرسا .