رابطة المرأة... وماادراك ماهى

ضربة البداية موفقه
من اول لقاء (رغم انى ماحضرتة) لكن كان مبشر
بمجموعه نشيطه ومهتمه وفعالة...

الشي التانى اتوقعنا منكم نشاط ما في يوم المرأة العالمى
لقاء ... محاضرة... اىىىى نشاط المهم يقول (نحنا هنا)
واليوم (ابتدع) من اجلنا ليكون مختلف
امره مرور الكرام وماقلتو (بقم) ... وبعد شهر

اعلنتو عن حفل ومافى علاقة بالمناسبة الاولى لكنه فعالية
وفعالية (ممتازه ) جدا" ...
وانصاف مدنى مرررررررره واحده
اختيار موفففففففق جدا" جدا"

ليكم تصفيقة بحجم اهتمامكم وتعاونكم وتعاملكم مع انسان الجالية
وللأمام

تخريمة
لكن مواعيدكم ماحلوة
نهاية الاسبوع مناسبة للجميع
بزات دوامات المساء ...

مساء الخير ام اشرقت
نمسك وحده وحده
واااادى قعده عشان الكلام يكون مقعد لووول
اولاً بالنسبه ليوم المرأة العالمى 8-3 ده نفس اليوم الذى خططت له رابطة المرأة ليكون حفل انصاف مدنى
بس الظروف حالت دون ذلك نسبه لموضوع الفيز
وياريت ما تعتبريه قد مر مرور الكرام لاننا كرابطه بذلنا قصارى جهدنا لقيام النشاط فى موعده بس الظروووف والله
اما بالنسبه للتخريمه او المواعيد
فعلاً هى ما حلوه بس الرابطة قد قامت بحجز انصاف من 6-3 الى 10-3 لتصادف الحفل يوم المرأة العالمى
وفعلاً لم ترتبط الفنانه انصاف نسبه لارتباطها بالرابطه
وكنا قد اضعنا من وقتها 4 ايام هدراً لعدم تمكننا من استخراج الفيز فى الوقت المحدد
وعندما حظينا بالفيز والحمدلله وجدنا الفنانه انصاف وللاسف الشديد قد ارتبطت الى شهر مايو وهذه هى الايام التى لم ترتبط بها
حظنا كده يا ام اشرقت وان شاءالله يارب تبتهجو وترضو عننا يااااارب

السلام وعليكم اخواتى الافاضل
التحية لرابطة المرأة على هذا المجهود الرائع ..
انا اراهن على نجاح الحفل قبل اقامته لان رابطة المرأة معروفة بالعمل الجماعى المدروس لكما التحية .
اختنا سكينه .. بما انت المتداخله معنا وتمثلى الرابطه وعضوه فعاله فيها نرجوا منك ايضاح عنوان هذا الحفل مثل القطعه والشارع لان معظم السودانيين لا يعرفون منطقة اليرموك ممكن توضحى لنا ذلك ؟
تحياتى لكى ولام اشرقت

تسلم اخى مختار
بالنسبه للعنوان يمكننى رفعه هنا غداً بأذن الله تعالى للتأكد من تفاصيل العنوان بالكامل
واشكرك كل الشكر على هذه الثقه فى الرابطه واتمنى من المولى عز وجل ان نكون على قدر ثقتكم بنا

اختنا سكيننه تسلمى علي الشرح والمرور
مبرركم واضح لالبس فيه وانشالله العام القادم لو حيين
تبدو من بدرى عشان توافق اليوم (8 مارس)
الشي التانى المواعيد ... وكونكم وفقتم دي زاتا ماساهله
مجرد التحرك والنشاط وكونكم تقولو (نحنا هنا) تحسب ليكم

وبالنسبة لي ولو في غيرى بكونو قلة فالجايات
انشالله نكون معاكم حضور

ومن هسي مبروك لنجاحكم واتفق مع مختار

» رابطة المرأة دعوة و فاء للأديب الطيب صالح
» رابطة المرأة تهزم الموت
» منتدي رابطة المرأة السودنية بالكويت
» رابطة المرأة فخر للسودانيين بدولة الكويت
» رابطة المرأة السودانية ومعرض مستشفى الراشد