اسلوب التدليل الذي تعاملتم به، وثقتكم الممنوحة لمن لا يستحقها من أعضاء مجلسكم، ممن ينفذون مخططات لا تخفى عليكم وترمي إلى اصابة مجلسكم بالشلل؛ هو مربط الحمار الذي ح يوديكم في ستين داهية..
لو وقفتم وقفةصلبة في وجه جهاز المغتربين ، كان عمل ليكم حساب. الموديكم تجيبوا ليهم سكن وترحيل وإعاشة مجاناً شنو؟ أها ، ما صدقوكم وافتكروكم دجالين ، لأنه ما في جالية عملت ليهم حاجة زي دي من ما الله خلق الجهاز ذاتو. المسألة بقت عايرة ساكت ، والسفارة طبعا ما مقصرة ، شايلة سوط العنج وتدي العايرة جلدة. ومندوبكم يشيل ويدي النقارة عصا بهناك مع كرار وكرم الله .
مصطفى عثمان منو؟؟؟ مش ده الزول اللي شتم الناس وقال عليهم شحادين؟؟ يعني هسة بدل ما ترسلوا للناس رسائل تطالبوهم يقاطعوا لقاء مصطفى عثمان ، تقوموا تتجاروا عشان تتمسحوا فيهو؟ ياخي اخجلوا ... إنتو عندكم أوراق ضغط في ايدينكم وما عارفين تستخدموها .. أو ما عايزين تستخدموها. أخجلوا . اخجلوا.
موضوع الاسبوع الثقافي مات ، شوفوا ليكم جثة تانية تعالوا اشبعوا فيها لطم.
سلاماً سلاما..
ده طرفي.
موضوع: رد: مؤامرة إفشال الأسبوع الثقافي .. الأيام بيننا 
الإثنين 29 نوفمبر - 16:23
