دعوة للاحتفال بالحرية

كدة الموضوع ماش عال العال،،
المكان: حديقة الرقعي
الزمان: الجمعة ٢٣ مايو ٢٠٠٨
سكان الجابرية وحولي يتصلو بالأخ كمبلاوي 7126656
سكان السالمية يتصلوا بالأخ حسين الرفاعي٦٤٦٩٥٥٠

هل من متبرع ـاخر لبقية المناطق؟؟؟؟
العندو أي رأي في ازمان أو المكان يقولو هسي وفي خلال ثلاثة أيام فقط بعدها سيتم التثبيت حتى نلتفت للأمور الآخرى مثل البرنامج المصاحب والمأدبة ،،،إلخ
هناك مقترح من ود الشريف كل أسرة تجهز أي نوع من أنواع الطعام بدلا من دفع القيمة المالية،، أما آحاديي المعيشة (زينا) يلتزموا بالدفع ،، والبرنامج الثقافي مفتوح للجميع

نسمع آرائكم

أخونا الفنان منتصر،،، لك مني دعوة خاصة لتشريفنا في هذا اليوم بابداعك
،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،

كل من يأنس في نفسه إبداعا نرجو أن لا يبخل به علينا ولا على نفسه

ومن هسي يا نزار ومبلاوي جهزوا نصوصكم ( الشعرية)

الاخوان أزهري - كمبلاوي - عبدالوهاب
لكم عاطر التحايا علي ماتقومون به من سعي وجدية واتمني أن تتحقق نتيجة مجهوداتكم
وتخرج بالشكل المرتجي ...
الحمدلله خطوة مهمة اتحسمت وهي المكان والزمان
بس عندي ملاحظات أرجو أن تسمحو لى بها : أولا بالنسبة لمسألة انو الناس تتصل سوا أن كانو الجابرية أو السالمية أو غيرو فالناس ماكلها بتخش المنتدي دا والبخشو شوية شديد فلو مثلا الناس تعمل حصر للناس فى كل منطقة (ودا طبعا على كل زول والحته الساكن فيها ) ويحاول انو يتصل بالناس ويكلما (وممكن عشان القصة لو بقت مكلفة تخصم قيمة كرت الاتصال من الاشتراكات ) كدا الموضوع بكون سريع وأسهل وأجدي لكن لو قلنا ننتظر اى زول يتصل فحننتظر كتير فيللا شوفو منو فى الجابرية ممكن يحصر ناس الجابرية فى قائمة وهكذا بقية المناطق .. وبي كدا الصورة بتوضح وبيتبين عدد الناس الحيشاركو وعليه بتكون الميزانية واضحة ومحددة والناس تبنى عليها البرنامج .
ثانيا : تبليغ السيدات (ودا طبعا عند الاتصال بالطريقه الزكرتها ) بإعداد مايمكنها إعداده من طعام لانو برضو لو اعتمدنا على ناس المنتدي زى ماشايفين العنصر النسائي بسيط جدا ...
وللا الراي شنو ؟

الاخت الفـــه
انت ما لاحظت عنوان المنتدى اتغير فى لجنه تستلم الاشتراكات للرحله والله نحن ما عارفين عنها اى حاجة ؟؟؟؟؟؟؟؟؟؟؟؟؟؟؟ وما كتبوا لنا فى الموضوع دا عبر الموقع اى حاجـــة

[quote="AZHARI"]الاخت الفـــه
انت ما لاحظت عنوان المنتدى اتغير فى لجنه تستلم الاشتراكات للرحله والله نحن ما عارفين عنها اى حاجة ؟؟؟؟؟؟؟؟؟؟؟؟؟؟؟ وما كتبوا لنا فى الموضوع دا عبر الموقع اى حاجـــة[/qu

الأخ ازهري مساء طيب
لاحظت طبعا للعنوان بس مافهمت البرنامج شكلو شنو يعنى هل كما تم ذكره سابقا بالاعتماد على انو الناس تتصل وخالنها مفتوحة ( وهذا ما فى اعتقادي ) أعتبره غير مجدي وانه سيضيع ماتبقى من زمن فى الانتظار أم ان هناك لائحة باسماء ا الناس محددين من كل منطقة ومعروف عددهم كم والميزانيه هل وضحت ومن هذه اللجنه التي تقوم بإستلام الاشتراكات ؟؟ وشكل البرنامج شنو ؟
يعنى المسأله بقت واضحة وللا لسه عايمة هذا ما أردته ..
عموما أرجو التوفيق والنجاح للفكرة.....

مادا هو الأنا خايفة منو زااااتو انو الناس تتكاسل لكن ياأخ كمبلاوي المشكلة دى حلها شنو طيب ؟؟
ماكل الناس بتخش الموقع دا ...

WALEED BABKIR كتب:

هل الدعوة تشمل طيور الظلام - ام لا للحريه

والله الدعوة عامة لكل السودانيين فى الكويت ... أما طيور الظلام وأمثاله من كل من تسوّل له نفسه بالتخفي والاستتار لأغراض (سقيمة ) برأسه حتما لن يضرنا بشي بل ستخجله تصرفاته ( هذا إن كانت فيه بقية من صفات الإنسانيه ) ..
فمرحبا بالجميع ... المهم الآن كل مانتمناه هى الإستجابه من الناس