أمثال سودانية

الما دارك ما خربشك

جارك القريب ولا ود امك البعيد

كان كترت عليك الهموم ادمدم نوم

دار ابوك كان خربت شيل ليك منها شيلة

اتنين كان قالوا ليك اضانك مافى اهبشها

خربانة ام بناياً قش

لالوب بلدنا ولا تمر الناس

بليلة مباشر ولا ضبيحة مكاشر

الجمرة بتحرق الواطيها

البباري الجداد بودي الكوشة

الخيل تجلقب والشكر لي حماد

مساك الدروب ضهاب

سواي القلوب كضاب

ركاب السروج وقاع

الما شاف البحر تخلعو الترعة

الطشاش فى بلد العمى شوف

الماعندو قديم ماعندو جديد


والنسا قديمو تاه

دقانى وبكا سبقتى اشتكا


رزقا تكوسو رزقا يكوسك

عدو عاقل خير من هلالبى جاهل

الهلالاب ديل مزعلنك ليه اعمل حسابك انا هلالابية!!!!!!!!!!!!!!!!!!!!!!!

شئ جميل الاخت نازك واشكرك على الامثال القيمة
ارجو ان تتقبلى تعليقى على احد الامثال بقولو مساك دربين ضهاب وراكاب سرجين وقاع

ميت يشهد للعروسة يا ود التاى امها طبعا ونشاركم الراى عدو عاقل خير من هلالابى جاهل ان وجد عذا الجاهل بين الاهلة بس اخوتى الموضوع امثال سودانية واصحح ود التاى المثل بقول \ مساك دربين ضهيب وركاب سرجين وقيع اما ان اردت ان تتحنكش يا ود البطانة فالمثل كما ذكرت يليق بمريخى يشجع الوصيف للسنة السادسة اما الاخت صاحبة الامثال فاتت بها من الواقع

والله يا ازهري حيرتنا بردودك الما عندها علاقة ابدا بالموضوع

أقترح مراجعة قواعد اللغة العربية باحدي المراكز التدريبية

بالتاكيد مراجعة علي حسب علمي انت قريت مدارس ولاشنو!!!!!!!!!!!

اسال ولبيسال ما بتهوه يا حليل ايام زمان يا حليل ايام تعليمنا يا حليل الناظر حسن العبيد استاذ محمد ميرغنى استاذ مخير استاذ الحاج فى الاوليه- وفى الثانوى يا حليل طه حسب الرسول وعلم الدين حامد واستاذ عبدالنبى واستاذ بشرى واستاذ صلاح بشرى وحسن محمود (استيف) ةاستاذ بدر الدين وفى العالى استاذ عفان مصطفى واتاذ عبدالرحمن الشيخ واستاذ الصلحى
ويا حليل اساتذ مارك داسبرو - اسناذ جون لوكس - استاذ جورج انتطونى
يا سيد الاسم ممكن تشك فى كل شى الا دراستى والحمدلله

ومنو الشكك في دراستك براك شككت فيها انا بقول تراجع قواعد اللغه انت بتسال دراسه ولامراجعه

ما بترد ليه شوف تلفونك

لانشغالي بموضوع بالعمل سارد عليك بعد قليل

اخ ازهرى تحياتى على راى سيد الاسم ردودك تبعد عن الموضوع وهو طبعا ماهو عارف ليه؟ تسمخ اجيب عنك؟ ولا اقولك البساط احمدى سيد الاسم الزول دا مريخابى دايو يختار شنو ؟