نزار

مميز عدد الرسائل : 2317 تاريخ التسجيل : 10/10/2007

لينا زمن نفتش ليك
نورت يا زول يا فهم

ازيك يا رفاعي ،
أمــّــا مشتاقين والله ، والنور نوركم يا صاحب ..
وخاتيني في الاعلانات مالك ؟ وكمان جايب صورتي كمعروضات؟؟
ياخ والله انت ما بقدر عليك إلا ازهري ، قدس الله سره ، ونفع به البلاد والعباد .
عموماً شكرا يا حبيب على الترحيب النوعي ده ،
ومردودالك في الافراح ، وابقى اظهر ..
ليك ولنعمات تحياتي وتحيات اميمة

بسأل عليك لما السؤال يصبح سفر
يلقاك فى طيف الامانى الزايبة فى رنة وتر
مطوية فى حضن النسيم مخفية فى صدف البحر
بسأل عليك لاملت اشواقى السؤال لا ارتاحت الخطوة الحزينة من السفر
انا من زمااااااااااان بفتش عليكم الاثنين الحاصل شنو واحد مابرد على التلفون والثانى مغير رغمو وما ادانا الرقم الجديد بس نحمد الله على هذا الصرح العظيم حينما لجأنا الية وجدناكم
نزار قلنا حسين دا وصلو نصيبو من ال 120 دينار وانت يا اخونا لقيت شنو اختفيت بيهو مننا حتى تلفونك انقطع عننا

زائر

رد ليك يا نزار
منو القال بقدر على حسين
غار المساء والكون صبح عشاق جمال اتاملو
حتى القمر حولو النجوم اتلفوا فيك واتغزلو
قالوا الجمال يا نزار بيك كانت نهايتو واولو
نحن فى هواك يا نزار لا بنطيق لا بنحملو
اصلو المحبين الحنان فى الكويت لا بنسو لا بتحلو

صورتك حلوة
بس
عيونك حمر ونظراتك لهيب

وزى ما قلوا
عينو حمرة وشرارة
مع تحياتى
ازهرى

زائر

اليك يا نزار
خطوات دلال فيها ابتهال ترسم صور من كل لون
ارجع اقول احلى الكلام لغـــــــــــــــــة العيــــــون
انا والعيون ضمانا كـــــــــــــــــــــــــــــــــــــــــون
احلى الكلام لغة العيــــــــــــــــــــــــــــــــــــــــــون
ابدع ود الشريف فى الصورة للاخ نـــــــــــزار نرجو من ود الشريف يعمل صورة الى عثمان عابدون
لانو عيون عثمان عابدون
زى سحابة صيف تجافى بلاد وتسقى بلاد
مع تحياتى

ازهرى سليمان

زائر

عزيزى عثمان عابدون
كيف صحتك ان شاء الله تكون بخير وعافيه
شنو قاطع الاخبار
كنت عايش طول سنينى فى دروب مليانه هم
كنت بشعر يا عثمان انى مخلوق للالـــــــــــم
لو تصدق انو عمرى اصلو فى يوم ماابتســـم
الا
يوم
ما شفتك انت انت وكنت لى اجمل نغــــــــم
سلامات
نرجو
الاتصال
مع تحياتى
ازهرى

محمد التاي ، سلامات
وتقبل اعتذاري على تأخري في الرد على مداخلتك السابقة ،

بخصوص الانقطاعة ، وبعيد عنك ، تلفوني ضاع للمرة التانية في خلال فترة وجيزة ،
وأول ما اروّض لي واحد جديد ح اتصل بيك وألاقيك كمان ..
سيدنا حسين الرفاعي تغيان من يومو ، وما هاماهو الـ 120 (ما ملاحظ إنه ما قاعد يطنطن مع الباقيين الـقالوا 120 دي زاتها شوية ؟)
تحيات زاكيات يا حبيب ،
وارقد عافية

Admin عدد الرسائل : 982 تاريخ التسجيل : 10/10/2007

انتو يا أخوانا أزهري ده مالو؟

الرئيس الوالد / أزهري سليمان ـ قدّس الله سرّك ـ
كيفنك يا زول ؟ ماك طيب !!
مقبولة منك ـ كل الاشعار المخستكة الفوق دي ـ

سيبك من حمرة عيني (ده شعر ما عندك ليهو رقبة) وخش هناك في موضوع منتصر عن الاحزاب السياسية والعسكر ، وقول رايك فيهو .. وبالمرة نوّرنا عن اتفاق المهدي والبشير .. وهل الدور جايي عليكم ؟

مشكور على الترحيب ،
تحياتي