NIZAR عضو نشط
عدد الرسائل : 1187 تاريخ التسجيل : 04/03/2008
| موضوع: (ورونا عرض اكتفاكم).. جديد تاني للأب محجوب الخميس 28 يونيو - 14:21 | |
| قصيدة جديدة لشاعر الشعب، الأب محجوب شريف.. عرض أكتافكم
عرض اكتافكم روحوا يالا
شعبنا أصبح أمسى وظل
كترتوها عليه الطله
اكلتوهُ زمانك ممَّ
ولبستوهُ كذلك ممَّ
عدمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولع
طَول منها نار الحله
عِشنا وشفنا تب ماخفنا
العايزكم لمن جرب كنتو اضلَّ
تلك مآذن ولا مخازن ؟!
خمَّ ولمَّ فساد الدنيا
ثم إتنحنح …هي لله
كبر وصلى
لما رفعتو السيف والمصحف
ولافي المتحف بقي حق الله
باسم الدين والدم والدمعه
وباسم الخالق عزَّ وجلَّ
اتعذبنا … وماكذبنا
حليلو الفات … المات وإتشل
بيوت اشباح وجراح ومذله
دم الشهدا رصاصه رصاصه
وحبل المشنقه داك وإدلى ومع ذلك حتي اللحظه
ماإتربصنا …ولا فجرنا
إلاكذلك ما اتحجرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلم سِلم
مابنسلم وشعب مُعلم
مابتخلى
حاشا وكلا مابنتخلى
غُبننا أكبر من تتصور
وحكم الفرد زمانك ولى
القذافي وأصبح مافي
حسني مبارك …وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرب هدم وجرب عَلا
مابالصدفه ولاها لعلَّ
فيكم ريحه من الشبيحه
خلو البلطجه روِحو يا اللا
كل العالم عين بتاوق
صوره وصوت وكتاب ومجله ــــــــــــــــــــــــــــــــــــــ
( التحيه للشعب السوداني )
والامنيات لشاعر الشعب بالشفاء .
| |
|