نازك ..سارة.. نعمات.. ودالشريف ... مصطفي

جمعتنا الغربة ولقيناكم اخوان واحباب ولأشرقت خالات واعمام بحق
بتفرحو بعيد ميلادها بصدق وبتحتفلو بيهو كمان
لانه معدنكم اصييييييل وانقياء ... اليوم عيد ميلاد بتكم اشرقت
حبيت اهنيكم انتو واهديكم صورتا واقول ليكم
ا
مازال طعم جمالكم وفوح نقائكم يعبقنا كل عيد ميلاد
لأشرقت او اي منا ... لكم محبيتنا بلا انتهاء

نازك ..سارة.. نعمات.. ودالشريف ... مصطفي 756679206

مميز عدد الرسائل : 2317 تاريخ التسجيل : 10/10/2007

يا سلام عليك أم أشرقت و عليكم أهل الروائع

بوست يشرح القلب و النفس ذاتها تنشرح

امس المزيونة اشرقت احتفلو بيها اصدقاءها في الروضه
ولا يطوفك اليوم كمان طلعو رحلة كمان يعنى الاخت مستانسه جدا"
وبينى وبينك ثبتنى ابوها كنت ماشا لاحقاها
وكلمة سر
ماوقفت تلفونات يدووب هم راجعين

Happy Birthday Ashraqat <3<3<3
كل سنه واشرقت طيبه يا ام اشرقت وعقبال 100 شمعه يارب

sakina كتب:: Happy Birthday Ashraqat <3<3<3
كل سنه واشرقت طيبه يا ام اشرقت وعقبال 100 شمعه يارب

تسلمى كتيييييير ياسكينة وانشالله تفرحى بولدك يارب
تحياتى

ياابو ابرار
مشاركتك اسعدتنى ايما سعاده
فشكرا" نـــبــيلا" ياحقاني علي الكلمات اللطيفات
لك ولبنياتك وامهن السعاده الدائمة يارب

Admin عدد الرسائل : 982 تاريخ التسجيل : 10/10/2007

أم أشرقت ,, غايتو غشيتينا بي عنوان البوست المعنون بأسماْء محددة,,,
وأنا والله شاهد على فرحة من ذكرتيهم بالإسم بميلاد وأعياد ميلاد الآنسة اشرقت,, لكن والله كلنا بنفرح ليها وبيها,,, عقبال ألف شمعة

يااخونا عبدالوهاب تسلم والله وانت قلتها شاهد عليهم
عشان انا عارفاهم وانت معاهم بتفرحو بيها وليها
وتحديدا" نازك سنت لينا سنة وبعدها ناس سارة ونعمات ماخلوها
وهي مشاركتنا اعيادنا بصورة (شدة مانبيلة) لمن يعقدو
البريد نزار واشرقت ورسيل غير اريدو وازيد في محبته وادعى ليه
بالخير في السر والعلن ماعندي
ودا حالي مع ناس نازك

مشاركة بمحبة وفرحة من جوة تحسها في عيونم وفي سلامهم
الغربة ورتنا برضو الناس المعدنهم اصيل ونقيين وانت منهم
فلك العتبي اخى
وعارفاك مابتقصر (مايفقدوك في شينة)

العزيزة أم أشرقت ورسيل عاجزين عن الشكر عن طيب كلامك وطيب معدنك وأشرقت بتنا وحبيبتنا بنفرح ليها وليكم لو كنا معاكم أو بعيدين انتو في قلوبنا دايما وربنا يديم المحبة والاخوة إنشاء الله .
*********************************

خارج الموضوع عيد ميلاد شيري إنتهي بالنسبه لرسيل الغيرتي صورتها وماصدقتي دي رجعيها سريع[b] Suspect

أحلي صورة لأحلي أشرقت ماشاء الله

مبروك ميلادكم ألف ومليار أزف لكم تهاني يا احلي اشرقت
من كل قلبي أهنيكم وعقبال 100 شمعه يارب
كل عام وكل شهر وكل اسبوع وكل يوم وكل ساعه وكل دقيقه وكل ثانيه
واشرقت بخيــــــــــــر و كــل عـــام وانــتــم بخـيـــــر[img]

نازك ..سارة.. نعمات.. ودالشريف ... مصطفي Hh7.net_13043677791

[/img]

كل سنة وأشرقت مشرقة ومبسوطة ومتفوقة ومحققة الآمال.
وكل سنة وانتو ذاتكم يا شباب بخير وسعادة وفرح دائم..

nazik كتب:: خارج الموضوع عيد ميلاد شيري إنتهي بالنسبه لرسيل الغيرتي صورتها وماصدقتي دي رجعيها سريع[b]

يانازك.. سلام وأشواق، ليك وللعزيز بوسطيف

وقفني كلامك المقتبس فوق.. وبالمناسبة، نحنا في البيت الأيامات دي عاملين حلفين.. أشرقت وأمها حلف، ورسيل وأنا حلف. وبيني وبينك نحنا حلف المشاكل، يعني عادي ممكن تسمينا حلف الناتو. رسيل ماشاء الله زولة حربية جدا، بتضرب وتطبز في العين وتجر من الاضان وتصرصر ليك وشها وتنهرك .. أما ناس أشرقت ديل فناس مساكين ساكت (ناس همس، وكده، على قول ود الشريف) .. نحنا طواااالي هارشينهم وداقينهم وقالعين قروشهم وألعابهم . عشان كده ما شغالين بحكاية صورة البروفايل دي كتير ، حقنا بنخلصه بعدين دق Very Happy

بالله التحيات لبوسطيف، وقولي ليه ياخ فاتك فيلم كمبودي هنا: الزول وديناهو المخفر وبقى زي فار العجين، يتراجف كله وعيونو مليانات دموع، يكورك للضابط (ومرات تحس بيهو بيعوعي) : جيبوا لي موية، كااااااااااك عايز اشرب موية، لو سمحتوا انا عطشان ، ..
ياريت لو كان لصوير مسموح من داخل المخافر.
بلمناسبة، ما يفوتك البوست بتاع محمد عبد الوهاب عن الديوك السودانية ..

آل أشرقت .. كل عام وأنتم بخير و في إشراق وفي صحة وعافية .. وعقبال تطفوا الشمعة المية

والله يانزار فرحتني ياخ اشرقت ليها حق تتمسكن امها ماخده حقها واكثر من حقها لكن المسكينة رسيل دي حقوقها كنت فاكراها مهضومة لكن مدام مكون معاها حلف ماعندها عوجة أبدا

والله بوسطيف دا برة الشبكة مع جري السودان دا بقي مامركز لكن بوصل ليهو تحياتك انشاء الله تحياتي للأسرة الجميلة ربنا يحفظها انشاء الله

حباااااااااابكم جميعا" وسعيدين بيكم
وبجيكم راجعه

الفيين مبروووك ... وكل 1000 سنه واشرقت بألف خير

شكرا
نبيـــلاٍ استاذ ابوبكر ومشكور علي المرور

om ashragat كتب:: حباااااااااابكم جميعا" وسعيدين بيكم
وبجيكم راجعه

ياأم أشرقت منتظراك تجينا لي اسبوعين الشاغلك شنو الزبادي عدم في الكويت ولاحافلتك انتي واشرقت مهزومة من نزار ورسيل خاااااااااااااااااااااااااااااااانم santa

هههههههههههههههه زبادي برضو
والله يانزاكة ليك وحشه

مارجعت لاني غايبه لي فترة طويله
مامن الملتقي بس
من الاسافير عموما
رسيل عيانه طولت Sad

بس هسي الحمدوالشكر لله احسن
فدخلت لكن برضو (علي سبيل التحيه )