موضوع: توضيح زيارة الوفد وكتاب المغتربين الخميس 16 ديسمبر - 1:39
الاخوه والاخوات اريد ان اطرح هذا الموضوع للنقاش ومعرفة الخفايا ..
تحياتى خاصه الى اللجنة التنفذية للجالية الم نرى استعجلنا فى حكم كتاب المغتربين الاخير ؟ علما فى الكتاب لم يذكر اللغاء الاسبوع الثقافى بل يتحدث عن تاجيل الى بداية العام الجديد 2011 بمعنى القرار يكون فى شهر يناير 2011 سوى كان الاول منه او الاخير ثيان لا فرق بينهما . البيان ركز على الاسبوع الثقافى وتجاهل الوعود التى ذكرتموها لنا عقب زيارة وفد الكويت لجهاز المغتربين وهى تبرع جهاز المغتربين وعلى لسان الدكتور كرار التهامى وكما نقلتم لنا وهى 10 الاف دولار لاصلاح صالة ومسرح الجالية بالسفارة والتبرع لعمل حفل العيد الوطنى وحصة جالية الكويت من الذكاة للاسر المجتاجه اين هذا من البيان الذى صدر اليس هذه الوعود اهم من الاسبوع الثقافى ؟ لماذا ركزنا على الاسبوع الثقافى وتجاهلنا الموضوع الثانى وهو الاهم لان فعلا توجد اسر مجتاجه لهذه المبالغ ؟؟ نريد نقاش صريح وواضح . شكرا للجميع ..
ودالشريف مميز
عدد الرسائل : 2317 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين الخميس 16 ديسمبر - 14:01
الأخ العزيز مختار
لك التحية على طرح هذا الموضوع الهام للنقاش و الذي أتمني فيه الموضوعية دونما أي إنفعال ،و الإفادة الصريحة و الواضحة كما تفضلت و أضيف من كان وراء التأجيل الأول ثم الثاني الذي جر وراه ترحيل الأسبوع للعام 2011 م ا من قبل جهاز
المغتربين الترحيل وليس الإلغاء حسب فهمي ، أي بعد إنتهاء الدورة الحالية لمجلس الجالية المنتهية في أبريل 2011 م ؟؟؟؟؟؟؟؟
تخريمة
أدعوا لتجديد الثقة بالمجلس الحالي للجالية
الزعيم عضو نشط
عدد الرسائل : 269 تاريخ التسجيل : 14/10/2010
موضوع: رد: توضيح زيارة الوفد وكتاب المغتربين الخميس 16 ديسمبر - 16:27
الشقيق مختار صباح الخير الاسبوع الثقافى السودانى الذى طرحناه هو كان الهدف منه ان نعكس الصــورة المثالية للسودان ارثــه وفنه وثقافتة وحضــارته وكما تعلم اخى الفاضل ان الفنان يرسل رســالته الى كل الشــعوب فى اقل من عشـــرة دقائق اما الســياسى يحتاج الى عشــرة او عشــرين سنه لارسال رســالته والهدف من هذا الاســبوع الثقافى هــى فى الاول رد الجميــل لشعب الكويت المضــــياف الشعب الكريم فهى ذات طابع بدبلوماســـيه شـــعبيه افضـــل من الدبلوماســـية الرســميه الواطــى الجمرة ما زى الانســـــان الما واطيها ولذا ركز البيان او الرســـالة الى الامين العام ذات المعنــى الــى الاســبوع الثقافى الذى كانت الفكرة فيــه قــد نبعت من اللجنــه التنفيــذيه بل وفوق كل هذا بذلت اللجنة التنفيذيه قصــارى جهدهــا فى الامــر لتعكس وجــه السودان المشرق وان كان جهــاز المغتــربيين لن يدرج الجالية السودانيه بالكويت ضـمن الجاليات الاخــرى التى اقام فيها الجهاز عدة اسابيع ثقافيه من نيجيريا الى اوربا ودول الخليج باستثناء الكويت ودول شرق اسيا اصبحت الجاليه السودانيه بالكويت نسيا منسيه تنظيم الاسابيع الثقافيه خارج البلاد من جهاز المغتربيين تضع له ميزانيه لا تقل عن خمسين الف دولار تقريبا ولكن يعتمد الجهاز على الجاليات التى يقيم فيها الاسبوع باقامة الوفد مع اسر السودانيين او العزابه ولا يفكر حتى فى استئجار فندق او ايجار شقة لاعضاء الوفد فى اى بلد حتى يتم الاستفادة من الميزانيه ما كل واحد عاوز يغنى وبس واذا ما طلعوا حقهم ما بهتموا بالاسبوع الثقافى اما جالية الكويت فلقد قامت بعلاقاتها ان تستضيف كل اعضاء الوفد من 40 الى 50 شخص فى افخم الفنادق مجانا ثانيا كل المسارح وكل صالات العرض مجانا مع الترحيل مجانا وتناول ثلاث وجبات مجانا بل ان الجالية ساعدت جهاز المغتربيين باصدار تذاكر سفر الوفد بخصم 50% من القيمه ليصح سعرها حوالى 250 دولار ذهابا وايابا وكل هذا لا يعجب الجهــاز لاننا قللنا المصرفات اكثر من 75% من التكلفــه الاساسيه وغيرنا لهم حساباتهم اذن لابد من التاجيل الى اجل غير مســمى ؟؟؟؟؟؟؟؟؟؟ وما هو الفرق بين الالغــاء وبين التاجيل الى اجل غير مســمى ؟؟؟؟؟؟؟؟
اما عن مســاعدة الجهاز بخصوص بتوضيب الصالة او الاحتفال بعيد الاستقلال او منحنا الزكاة المقررة 3% لحل مشاكل السودانيين والاسر المتعففه اسوة بالجاليات الاخرى كان من المقرر ارسال المبلغ عبر السفارة السودانية بالكويت حسب النظم واللوائح والقوانيين ولكن لن ينفــذ حتى الان وحسب وعد الامين وخطابه المرسل زيارته الى الكويت فى 7 ديسمبر 2010 وهنا كان هناك وعدا مع السيد الرئيس باحضــار المبلغ معه ليسلم الى السفارة فى لقاء الامين العام مع الجالية وهذا ما اتفقنا عليه ولكن تاجلت زيارة الامين الى اجل غير مسمــــى ولذا كان لابد من اصدار البيان فى اصل الموضوع وهو الاسبوع الثقافى السودانى الاول الذى قتل بايد سودانيه واذا المؤؤدة سئلت باى ذنب قتلت ؟؟؟؟؟؟؟؟ ولذا نحن يهمنا ان نعكس الوجه المشرق للسودان السودان اولا واخيرا اما عن المساعدات من الجهاز نحن نجوع ناكل اصابعنا ولا نضيع قضيتنا
Abdlwahab Admin
عدد الرسائل : 982 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين الخميس 16 ديسمبر - 19:49
يا ابوالزهور , والمتداخلين, تحياتي,,, مجرد اقتراح
هل يمكن أن نوجه اهتمامنا حاليا لعيد استقلال مجيد في موعده الرسمي المعروف ,, أي بعد اسبوعين؟ وبعدين نرجع لي شكلة ناس المغتربين ؟؟؟ وهل يمكن الاستفادة من العرض المقدم من المجلس الوطني بتوفير صالة لاحتفالات الاستقلال 2011؟؟؟؟ وهل يمكن البدء في توفير مال مناسب لتغطية هذه المناسبة الأهم من الأسبوع الثقافي في الوقت الحالي؟؟ وهل يمكن أن تتوحد جمعية الفنون مع مجلس الجالية مع رابطة المرأة في انجاح هذه المناسبة لتكون ردا قويا على جهاز المغتربين وغيره ,,, ؟؟
الزعيم عضو نشط
عدد الرسائل : 269 تاريخ التسجيل : 14/10/2010
موضوع: رد: توضيح زيارة الوفد وكتاب المغتربين الخميس 16 ديسمبر - 22:47
كلام فى الصميم يا محمد عبدالوهاب نحن فى الاجتماع قفلنا موضوع الاسبوع الثقافى ونتطلع الى عيد الاستقلال المجيد وكل عام وانتم بخيـــر
mukhatar عضو نشط
عدد الرسائل : 474 تاريخ التسجيل : 25/05/2008
موضوع: رد: توضيح زيارة الوفد وكتاب المغتربين الجمعة 17 ديسمبر - 2:33
ودالشريف كتب:
الأخ العزيز مختار
لك التحية على طرح هذا الموضوع الهام للنقاش و الذي أتمني فيه الموضوعية دونما أي إنفعال ،و الإفادة الصريحة و الواضحة كما تفضلت و أضيف من كان وراء التأجيل الأول ثم الثاني الذي جر وراه ترحيل الأسبوع للعام 2011 م ا من قبل جهاز
المغتربين الترحيل وليس الإلغاء حسب فهمي ، أي بعد إنتهاء الدورة الحالية لمجلس الجالية المنتهية في أبريل 2011 م ؟؟؟؟؟؟؟؟
تخريمة
أدعوا لتجديد الثقة بالمجلس الحالي للجالية
الاخ الغالى ود الشريف تحياتى حسب علمى التاجيل الاول هو نفسه الاخير الموعد الاول كان شفهيا والموعد الثانى لم يحدد من من الاصل كل مافيه المغتربين رسلو كتاب ويسالو هل موعد 23ديسمبر مناسب ام لا ولم يحددو الموعد اصلا والتاجيل الاخير قالو الى بداية العام القادم اى 2011 . والزعيم ما رده على السؤال يعنى متين حيدونا القروش القلت عليها بتاع الاحتفال بالعيد الوطنى بعد الاحتفال ام بعده
تخريمه... انت ماحضرت يوم لقاء دكتور مصطفى لمن المذيع المخضرم قال الكويت محتاجه جاليه قويه وحتى لو تشتروها ؟؟وذكر اسماء فى وقتها... انتظر شويه الجاليه المستورده جايه قريبا |||||||.....
mukhatar عضو نشط
عدد الرسائل : 474 تاريخ التسجيل : 25/05/2008
موضوع: رد: توضيح زيارة الوفد وكتاب المغتربين الجمعة 17 ديسمبر - 2:50
الزعيم كتب:
الشقيق مختار صباح الخير اما عن مســاعدة الجهاز بخصوص بتوضيب الصالة او الاحتفال بعيد الاستقلال او منحنا الزكاة المقررة 3% لحل مشاكل السودانيين والاسر المتعففه اسوة بالجاليات الاخرى كان من المقرر ارسال المبلغ عبر السفارة السودانية بالكويت حسب النظم واللوائح والقوانيين ولكن لن ينفــذ حتى الان وحسب وعد الامين وخطابه المرسل زيارته الى الكويت فى 7 ديسمبر 2010 وهنا كان هناك وعدا مع السيد الرئيس باحضــار المبلغ معه ليسلم الى السفارة فى لقاء الامين العام مع الجالية وهذا ما اتفقنا عليه ولكن تاجلت زيارة الامين الى اجل غير مسمــــى ولذا كان لابد من اصدار البيان فى اصل الموضوع وهو الاسبوع الثقافى السودانى الاول الذى قتل بايد سودانيه واذا المؤؤدة سئلت باى ذنب قتلت ؟؟؟؟؟؟؟؟ ولذا نحن يهمنا ان نعكس الوجه المشرق للسودان السودان اولا واخيرا اما عن المساعدات من الجهاز نحن نجوع ناكل اصابعنا ولا نضيع قضيتنا
تحياتى يازعيم انت قلت الى اجل غير مسمى طيب السؤال يعيد نفسه مرة ثانية لماذا لم تذكروا موضوع القروش فى البيان ولا انتم واثقين من القروش دى والله يا الزعيم عدم ذكركم هذا فى البيان ليها معانى كثيره نرجو الايضاح ياعمنا نحن حوشنا قروش الاراضى الجماعة ديل جاين متين ولا الاسبوع الثقافى عاداهم الله يستر ولا حاجه واحده ما دايره تتحقق
شكرا يا امير
mukhatar عضو نشط
عدد الرسائل : 474 تاريخ التسجيل : 25/05/2008
موضوع: رد: توضيح زيارة الوفد وكتاب المغتربين الجمعة 17 ديسمبر - 3:01
تحياتى يا وهبه
شكرا لك للاقتراح الجميل واتمنى ان يحدث ما تتمناه والناس الان فى مساعى لهذا الامر اتمنى لهم النجاح يارب..
Abdlwahab Admin
عدد الرسائل : 982 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين السبت 18 ديسمبر - 17:36
البيباري جهاز المغتربين بوديهو الكوشة,,, وهذا ماحدث ,, لأن جمعية الفنون انشغلت بي الخطابات الطايرة من وإلى السودان والاجتماعات التي أخذت الكثير من وقت الناس والنقاشات حول اختيار الفنانين والكثير من الحواشات التي آملنا في أن نحصد ثمارها لكننا للأسف اكتشفنا أننا كنا قاعدين نحش بي دقونا,,, ونحمد الله وفي وسط هذه الزغللة استطاعت الجمعية اقامة ندوة عن الفنون التشكيلية ناجحة وبهيجة وقلة الحضور لم ينقصها حقها,, فالعبرة ليست بمن حضر ولم يحضر ,,,,, شكرا أزهري ومختار ,, محتاجين نقيف شوية من (جهاز المغضوب عليهم ) ده,, نعمل حاجاتنا وبنرجع ليهو تاني ,, وما حا نسكت لحدي ما يغيرو العقليات الفيهو دي ,,,,
NIZAR عضو نشط
عدد الرسائل : 1187 تاريخ التسجيل : 04/03/2008
موضوع: رد: توضيح زيارة الوفد وكتاب المغتربين الأحد 19 ديسمبر - 14:48
"mukhatar" كتب: تخريمه... انت ماحضرت يوم لقاء دكتور مصطفى لمن المذيع المخضرم قال الكويت محتاجه جاليه قويه وحتى لو تشتروها ؟؟وذكر اسماء فى وقتها... انتظر شويه الجاليه المستورده جايه قريبا ))) ـــــــــــــــــــــــــــــــــــــــــــ يا زووول !! أولاً أحييك يا مختار على نباهتك والتقاطك المبدع لكلام المذيع المخضرم، والذي يبدو أن الحاضرين من سودانيي اكويت مروا عليه مرور الكرام، واحتمال يكونوا قعدوا يصفقوا كمان للزول العايز يشتري (رجال!؟) ويجيبهم يسيروا جالية السودانيين بالكويت!!!!! وأكيد ناس السفارة كانوا بيتبسموا ساااااي ويفركوا في ايديهم من فرط الغتاتة وأشغال المديدة.
الله يدينا العمر ونشوف الجالية المستوردة. يعني أزهري بقى سكند هاند وللا كيف؟؟
Gawasma عضو نشط
عدد الرسائل : 506 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين الأحد 19 ديسمبر - 17:58
NIZAR كتب:
وأكيد ناس السفارة كانوا بيتبسموا ساااااي ويفركوا في ايديهم من فرط الغتاتة
دي قوية يا نزار ... ما بصدق ..
NIZAR كتب:
يعني أزهري بقى سكند هاند وللا كيف؟؟
ودي أقوى
الزعيم عضو نشط
عدد الرسائل : 269 تاريخ التسجيل : 14/10/2010
موضوع: رد: توضيح زيارة الوفد وكتاب المغتربين الأحد 19 ديسمبر - 18:35
ولكن بقى الســــؤال يا نـــزار لماذا لا تعطى الفرصــــة لى فى اللقاء بعد حديث الاخ خوجلى ؟؟؟؟؟؟؟ اســــــــــــــــــالوا الاخ عبده طه ايوب الرجال لا يشـــتروا بالمال ولكن يا نزار السكند هاند (( قطع غيارة اصليه)) من الاصــــــــــــــــــــــل مع تحيــــــــــــاتى قواسمــــــه مالك بتولع فى النيران ؟؟؟؟ اوعـــى تكون من جمــــــاعة المحتجيين على مقدمة البيان (( السلام على مع اتبع الهدى))
Abdlwahab Admin
عدد الرسائل : 982 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين الأحد 19 ديسمبر - 18:43
رفقا بالزعيم يا شباب,, والله ابدا ما قصر ,,, لكن كلنا عارفين ملابسات فشل قيام الأسبوع الثقافي,,, ثم بعدين ياخ لييييه الناس تتعب التعب ده كلو مع ناس الجهاز ,,وهم عارفين (المفروض) انو العمل ده بيخدم السودان بصورة مباشرة,,,
أبو الزهور أحيي فيك جلدك وصبرك والجاتك جاتك من الأرض ماجاتك من تال السما
ياعديلة الليل ويا عديل الليل
NIZAR عضو نشط
عدد الرسائل : 1187 تاريخ التسجيل : 04/03/2008
موضوع: رد: توضيح زيارة الوفد وكتاب المغتربين الأحد 19 ديسمبر - 19:01
الزعيم ما قصر يا وهبة، لا أنا ولا قواسمة قال إنه قصّر. القال كده (المذيع المخضرم) وأزهري أكد أن هذا الكلام قيل فعلاً في اللقاء المحضور داك. ويا زعيم، في الحالات الـ زي دي ما تنتظر يدوك إذن عشان ترد ... طواااالي تجوط المسألة وتقيف رافع يدك فووووق وتكورك وانتَ ماشي على المسرح وصاري وشك : هوي يا زول هوي يا مذيع هوووي اقيف اقيف ده كلام شنو الـ بتقول فيهو ده؟ تشتروا منو؟ وتبيعوا منو؟ وعيك عاك عيييك عاااك تبوظ المداخلة بتاعته. مش تنتظر وتتكلم معاه وراء الكواليس. انت ما اشتغلتَ سياسة في أركان نقاش الجامعات وللا شنو؟؟؟
Abdlwahab Admin
عدد الرسائل : 982 تاريخ التسجيل : 10/10/2007
موضوع: رد: توضيح زيارة الوفد وكتاب المغتربين الأحد 19 ديسمبر - 19:54
تاني نرجع ليكم لي سيرة البحر
قالو واحدة عاملة غناية وكرهت ليك ناس البيت,, وماسكة ليهم في غنية وااااحدة بتقول ,,, جيتو ومالقيتو وجاني وما لقاني جيتو ومالقيتو وجاني وما لقاني ,,, أبوها زهجان منها قال ليها يابتي هسي بدل الكلام الكتييير ده ما تقولي اتعاقبنا وتسكتي تريحينا,,,,,,
أها هسي بدل خطاب المغتربين جا وخطاب المغتربين مشى ,, وقالوا وقلنا ليهم ,,, ياخ قولو الناس ديل زاغو من الالتزام وخلاص
mukhatar عضو نشط
عدد الرسائل : 474 تاريخ التسجيل : 25/05/2008
موضوع: رد: توضيح زيارة الوفد وكتاب المغتربين الثلاثاء 21 ديسمبر - 0:47
Abdlwahab كتب:
لكننا للأسف اكتشفنا أننا كنا قاعدين نحش بي دقونا,,, ونحمد الله وفي وسط هذه الزغللة استطاعت الجمعية اقامة ندوة عن الفنون التشكيلية ناجحة وبهيجة وقلة الحضور لم ينقصها حقها,, فالعبرة ليست بمن حضر ولم يحضر ,,,,,
تحياتى لك يا محمد اما عن موضوع الندوة كانت رائعة جدا واهم بمافيها ارتياح الزوار بالاستقبال الرائع من هذه الجمعية الوليده واكد لك بان هذه الجمعية سوف تحصد ثمارها ما دام العاملين بها ناس مخلصين لعملهم . الى الامام باذن الله . __________
NIZAR كتب:
"" : الله يدينا العمر ونشوف الجالية المستوردة. ؟؟
تحياتى لك نزار ايدنا بايدك يا زووووووووول بس عاوزين ناس امثال جمال الوالى عشان نرتاح من التبرعات وكل شهر اسبوع ثقافى مضمون ولا كييييييييف
__________
NIZAR كتب:
"": ـــــــــــــــــــــــــــــــــــــــــــ يعني أزهري بقى سكند هاند وللا كيف؟؟
والله الزول ده شاف الحضور ضعيف جدا وافتكر الحاضرين اعضاء الجالية فقط لان الحضور لا يتعدى عددهم ولمن قال الكلام ده قاعد يقول ليهم وين الجاليه يييييييييياناس ووراهم كيف يلموا الجاليه وحتى لو سكند هاند ماقصر تب
__________
تحياتى لك Gawasma رسع الزول ده مابقى سكند هاند بس قرب .... فى الدورة الجايه اذا عينوه سكرتير نقول له .....
الزعيم كتب:
ولكن بقى الســــؤال يا نـــزار لماذا لا تعطى الفرصــــة لى فى اللقاء بعد حديث الاخ خوجلى ؟؟؟؟؟؟؟ اســــــــــــــــــالوا الاخ عبده طه ايوب ))
NIZAR كتب:
ويا زعيم، في الحالات الـ زي دي ما تنتظر يدوك إذن عشان ترد ... طواااالي تجوط المسألة وتقيف رافع يدك فووووق وتكورك وانتَ ماشي على المسرح وصاري وشك : هوي يا زول هوي يا مذيع هوووي اقيف اقيف ده كلام شنو الـ بتقول فيهو ده؟ تشتروا منو؟ وتبيعوا منو؟ وعيك عاك عيييك عاااك تبوظ المداخلة بتاعته. مش تنتظر وتتكلم معاه وراء الكواليس.؟؟؟
الزعيم فى وقتها الممرى كان واقف بس ضربت فى راسه لمن راح البيت وشرب كاس ليمون ضرب راس وقال كييييييف انا ما عملت زى كلام نزار ...