بعزيمة الرجال جهاز ساوند جديد للجالية السودانية بالكويت

بسم الله الرحمن الرحيم
وبه نستعين
نعم
انها عزيمة الرجال شراء جهاز ساوند جديد للجاليه السودانية بالكويت كوكبه من رجال الجاليه وعلى راسهم حتى الان اللذين التقيناهم او تم الاتصال بهم وجدنا دعما لا محدودا من رجال الجاليه البروفسر على عبدالقادر على الوكيل فى المعهد العربى للتخطيط والدكتور عابدين شريف المدير فى الجامعه المفتوحه والدكتور عبدالباقى نائب المدير العام الجامعة المفتوحه ولا انسى الاستاذ محمد عبدالوهاب الجامعة المفتوحة
ومن اعضاء اللجنة التنفيذيه حتى هذة اللحظة الاستاذ عبده طه ايوب وشخصى الضعيف ازهرى محمد سليمان
والان بدانا فى الشروع تجهيز الصاله الخاصة بالجاليه وتنظيم مكاتب الجاليه فى داخل السفارة وتزويدها باجهزة كمبيوتر وجهاز انترنت وتلفونات خاصة بالجالية بل تنظيم المسرح بصورة تليق بالجالية وفوق ذلك بدانا فى تنظيم قاعة الاجتماعات خاصى بالجالية (( قاعة الاجتماعات))
نعم انها عزيمة الرجال وبدات الحمله الكبرى استعداد للدعم المادى من رجال الجاليه واجرى الاخ الاستاذ عبدة طه ايوب اتصالات مكثفه للاستعداد للاسبوع الثقافى الذى ينظمة جهاز شئون العاملين بالخارج هدية للجالية السودانيه فى الكويت فى ديسمبر 2 الى 8 /12/2010 فى اكبر انجاز تاريخى للجالية السودانية بالكويت //// يا رجال الجالية التفوا نحو جاليتكم جالية موحدة تستعد لاستقبال الامين العام دكتور كرار التهامى ووفد الاراضى الف قطعه للجاليه

اتمنى من الجميع زيارة الصاله الخاصة بالجاليه ومشاهدة الجهاز الجديد

ولا انسى الد كتور بكرى حسن طنون بدعمه[b] الكبير

والله يا نزار يا ودالشريف لوصبر القاتل لمات المقتول
عارفك يا نزار عاوز تطردنى من المنتدى تانى حسب اتصال هناى بيك

يا اخونا دور جمعية الفنون كان وهو مسك الختام للبوست دا لا احد ينكر ان الفكرة نبعت من جمعية الفنون وانا اكن لها تقديرا خاصا بل اعتبر نفسى داعم رئيسى لها للدور الكبير الذى تقوم به
ودالشريف نبهنى ببكرى طنون وذكرته ورغم ايمانى الكبير بان شهادتى مجروحة الى ودالشريف ونزار وسيد الاسم لكننى كنت اود ان اشكركم فى الختام لدوركم الكبير فى النهوض بالصاله بس اصبروا شوية نزار ضرب تلفون الى ودالشريف
يا نزار بلش الضرب تحت الحزام كان عندك موضوع امشى الكرسى الساخن
تحياتى ومودتى

?????

دة ملاح شنو يا جماعة افتونا وورونا الرأس من الرجلين وين؟؟

الاخوة الاعزاء
عند نهاية كل دورة من دورات الجالية يكثر الحديث وموضوع الساوند هذا كنت من احد المؤجرين للجهاز للسفارة وللجالية ولم استلم مبلغ خمسون دينار فى حياتى الا اذا كانت هناك اكثر من فاتورة وبخصوص مبادرة الاخوة فى السفارة وعلى راسهم الاخ والوالد يوسف فضل فى احضار هذا الجهاز الى السفارة لتغطية الاحتفالات التى تقام وتقليل التكلفة ولقد رحبنا بذاك اما بخصوص التغيير فان الاخوة الذين يعرفون بالموضوع هم من يدركون ذلك ويا ود الشريف فى انتظار الفواتير ومعرفة المبلغ الاجمالى للمشروع وباقى المشاريع الاخرى التى سوف تقام ولكم التحية والاجلال