فرفور: يا عبد العزيز المبارك (المهرج) فنان والدنيا رمضان

مميز عدد الرسائل : 2317 تاريخ التسجيل : 10/10/2007

رفض المطرب جمال فرفور الرد على الفنان عبدالعزيز المبارك الذي وصفه بالمهرج، وقال فرفور: لن أرد احتراماً لشهر رمضان الكريم لأنه شهر مغفرة ورحمة معرباً في ذات الوقت عن سعادته بوصف عبدالعزيز المبارك له بالمهرج، وقال أن المهرج يعتبر فناناً.
وكان الفنان عبدالعزيز المبارك قد شن هجوما كاسحا على برنامج أغاني وأغاني وقال أنه أصبح عبارة عن كرت محروق، وطالت سهام نقده الفنان جمال فرفور واصفاً إياه بالمهرج، فيما قال إن مقدم البرنامج السر قدور لا يملك غير الضحكة العجيبة والصوت القبيح بحسب قوله.
وقال عبدالعزيز إن مغنيو البرنامج رددوا أغنياتي بدون اذني مؤكدا إنه لن يدع الأمر يمر مرور الكرام، وتابع: أنا موجود في الدنيا غناي ما بغنيهو زول غيري. مشيراً إلى أن الواسطة تلعب دور كبير في ما أسماهم بالشفع الذي يرددون أغنيات ليست ملكهم في أغاني وأغاني، وقال أنهم يشوهونها ويبشتنوها على حد وصفه، مؤكدا إنهم في حاجة لفترة حتى يصبحو فنانين.

سلامات يا ود الشريف

اتفق جزئياً مع عبد العزيز المبارك حول تهريج فرفور ، ولكن استغرب هجومه المتأخر على البرنامج ومقدمه والفنانين المشاركين فيه .. فعبد العزيز ده كان ضيف على البرنامج في الموسم الماضي وقال كلاما جميلا جدا جدا عنه .. مالو غير رأيو هسة؟ وابدى في وقتها اعجابه الشديد بالسر قدور واثنى عليه ،، هسة يادووووب عرف إنو السر قدور صوتو شين؟

الحاجة التانية ، قال إنو ما دام هو حي ما بخلي زول يغني غناهو ويبشتنو ليهو .. صح؟
أها ، هل هو بيقدر يغني غناهو هسة؟
والله ما في زول بيبشتن غناويك يا عبد العزيز المبارك إلا إنت ذاتك .. صوتك خرب خراب ما معقول ياخ

وعلى قول صاحب دنيا دبنقا (كان الله في عوننا جميعا)..

» حفلة جمال فرفور وماااا إدراك ما فرفور
» رحبوا معى بالأخ العزيز / يحي
» عبد العزيز عثمان رئيساً لمجلس إدارة سوداتل
» جدل في العالم الإسلامي حول تحديد أول أيام عيد الفطر المبارك
» عامر المبارك( أهدى نجاحي إلي وطني السودان )