الكشف عن أسماء المستشفيات التي تم إغلاقها بالخرطوم ؟؟؟؟؟؟؟؟؟

مميز عدد الرسائل : 2317 تاريخ التسجيل : 10/10/2007

مختصر المقال نقلاً عن صحيف الخرطوم بتاريخ : 29 / 02 / 2009 م

كشف وزير الصحة بولاية الخرطوم برمينا اوريال عن المستشفيات الخاصة التي تم غلاقها لعدم مطابقتها للمواصفات :

( 1 ) مستشفى الميمنة بشارع القصر بالخرطوم

أ / ( الصرف الصحي )

ب / (أدوية منتهية الصلاحية )

ج / ((غرف العمليات + العيادات + المعمل )

( 2 ) القبطي بأمدرمان حي المسالمة جوار الكنيسة

أ / غرفة المرضى

) ب / ( غرف العمليات + المعمل

ج / ( وجود مشاكل في الصرف الصحي )

( 3 ) مستشفى امونة الطبي بامدرمان المهندسين

أ / ( وجود ادوية منتهية الصلاحية بغرفة العمليات )

ب / ( ونقص معدات أساسية بغرفة العمليات ) اجهزة الانعاش والمتابعة

ج / ( ونقص الكوادر بالعملية )

( 4 ) مركز آسيا لغسيل الكلى بالخرطوم بمنطقة جبرة جوار مسجد رابح

أ / وجود محاليل منتهية الصلاحية

( 5 ) مركز الملكي لغسيل الكلى بالخرطوم بشارع عبيد ختم شمال محطة البلابل

أ / وجود محاليل منتهية الصلاحية

( 6 ) مستوصف الواحة الجراحي بالخرطوم شرق جوار المجلس البريطاني

أ / غرفة المرضى

ب / غرفة العمليات

ج / عدم وجود معمل

د / عدم وجود الطبيب المقيم

( 7 ) مستوصف النوال بأم درمان الشهداء

أ / غرف العمليات + المعمل

ب / وجود مشاكل في الصرف الصحي

Admin عدد الرسائل : 982 تاريخ التسجيل : 10/10/2007

لا حول ولاقوة ،،،،،، اذا كان كدة طيب الوزارة البيحاسبا منو؟؟؟ لأنو الخطأ الأول منها هي في عدم المتابعة والرقابة اللصيقة ( كما هو منصوص في القانون بوجوب ارسال تقارير بشكل دوري للوزارة ) ،، نعم قد تكون بترفع تقارير كاذبة ،، ودي في حد زاتها مخالفة كبيرة لا يستهان بها ولا يغفر لها (التسوية) ولا الغرامات ،،، كان الله في عوننا ويرحم شهداء الاهمال

مميز عدد الرسائل : 2317 تاريخ التسجيل : 10/10/2007

دي زي تعال نكتلك أحسن كتله عزيز مكرم و تحميك فلبينية كمان ؟

خالص التحايا للسيد وزير الصحة لولاية الخرطوم علي الهمة و المتابعة و الحرص ( الشديد ) و سهر الليالي علي راحة و مراعاة صحة سكان الولاية ،

في الزيارة الأولي حسب ما ورد في الخبر أوضح معالية أمام المجلس التشريعي للولاية بأنه تم زيارة ( 97 ) مستشفي خاااااااص ( 25 ) بس كانوا المخالفين يا أخي لا سلام منك و لا منك تحية ، تصوروا و تابعوا كيف عالجها سعادة الوزير و المجلس التشريعي (( توجيه بمعالجة المخالفات )) بالله شوفوا الضمير الصاحي ؟؟؟ و جينا للزيارة التانية و المرة دي الظاهر زولك كشر ، ما كانوا ( 25 ) المخالفات ( 18 ) عدلوا أوضاعهم ، بس ما عارف ال ( 7 ) ديل مع العدد ولاه حالة تانية ؟؟ كده نجي عليهم ، تم توفيق أوضاع ( 3 ) مستشفيات ( القبطي – النوال – الواحة ) كيف يا سعادتك ؟؟؟ الجماعة كتبوا تعهد و قالوا أدونا ( 6 ) شهور و بننتقل لمكان تاني ، مساكين ؟ إنشاء ( 60 ) سنة في كوبر تكسر ضهوركم تتاجروا في أرواح الناس و بعدين ناس زي ديل عندهم عهود عهد شنو العندهم بس نقول شنو من ناس ديل وآسفاي ، و من زي ديل و آسفاي ، و مستشفيين ( أسيا و الملك ) كمان إتعهدوا و حلفوا أنهم تاني ما يعملوا كده ، و كمان طعموها بغرامة يا سلام ناس بتفهم ( الفهم الليفخ روسينكم ) ، و تعالوا شوفوا المقدرة الظاهر الجماعة مشاركين و مخاوين الله يجعل كلامنا خفيف عليهم ( مستشفي المدينة – و مستشفي أمونة ) المدينة يأخوانا حرام عليكم لسة بتاجروا بالدين و بعدين أمونة دي أكيد و حتماً ما بتشبه ( مريم ) لأنه ( الوالدة مريم ) ما بتجيب البلعب بأهلها ، أجيك ليهم ديل عديل كدة لا كشيرت الوزير و لا حتي كان قلع عيونه و سواهم خضر ما بتعمل حاجة ما قلته ليك ناس خترين ( حرنوا و عنقدوا ) و ما عملوا أي حاجة ؟؟؟

سعادة الوزير لك الشكر يا مغمض أما مجلس الولاية دي حكاية تانية ؟ و حأجيكم و بالبراهين خلاص فاض بينا لما دكاترتنا الأجلاء و أكيد نسبه بسيطة منهم العندوا مستشفي خاص و قطعاً و حتماً ما أظن مستشفياتهم ضمن المستشفيات دي ، بس المشكلة إنه في بعض منهم بساهم في مهزلة زي دي ، و من الدكاترة الكبار ( كبار الجيوب ) الجبه المقطعة فوقكم إنشاء الله ، عموماً نسأل الله العفو العافية وربنا ما يحوجنا ليهم قولوا إنشاء الله .

» السجن (3) أشهر لطبيبة مزيفة بإحدى المستشفيات
» الكشف عن إزدياد حالات زواج السودانيات من أجانب
» تجارة الارصفة بالخرطوم
» اليوم امتحانات الأساس بالخرطوم
» ارتفاع جنوني فى اسعار العقارات بالخرطوم ..