كيف حالة البلد صارت
يازول كيف حالك والبلد منهوبة بهمباتت ناس السالف علي ودعتمان وناس ودنافع باعو ا الحلة وحتى شجيراتها وفضلت بس زريبة العمده والعمده معانا ومره مع المستعمر شعب كل حيكومه دقون داخل كومر عسكر وجوها غبشه من كتاحة سافل فى وجيهات نسوان حلتنا لابسات خرق مارقات من ضحوة فزوع لقصب الويكاب العاول كتير دافقن بشفع كان بزيدوا امة محمد وعمر السموا عليه كبير ناس السالف .شفعنا عريانين واقفين في ضهر ترعة العطش الطول .رجالا مشمرين غبش من تعب العيشه المره هين عيش ومرقة ماجى وتلات تاواق سكر ويجوك عشا كتف اضوقوا المويه حنضل .انهد الزمن الكعب يا مرمرى اب امنه والنعمه من الورده بترجف لاشفخانه ولا تمرجى ايديك حبة سلفه مطرا مسنينن علية الخالق والنجامى ود النمير قال فشلت كل العين حتى الطرفة لاخضرة ولاموليتة تتعالج بيها النعمة.وماتت معيزات اللبنة الفاطمين عليها الشفع ,والشفع عضيمات ضهرهن بانت وشراب ناس الحلة على السانية الملحة لا بابور دور والضنبية ضقلوبها يشلوح والمستعمر ردم البحر وقال للناس الموية عليكم تحرم ودا مشروع يصب فى المشروع الحضارى بعناهوا للمستثمر ومين هو المستثمر دايرين نشرب موية وناكل كسرة وبهيماتنا الفضلت ترعى وين نحن من المشروع الحضارى ودولة الاسلام الكبرى دولة ناس قنوشى وبن لادن وناس شكرى .
نحن متوكلين على الخالق والخالق عينوا بترعى لكل السوهوا ناس السالف اخنق فطس . بقدرت قادر كبروا الشفع لا مدرسة لا شهادة عليا سابوا البلد للخرطوم هجوا شغالين حمالة وفراشه وماخلوهم وطردوهم بالالزامية ومرة حرامية حكاية تعجب .
دفنوا اولاد الغبش وقروا اولادهم فى بلاد برة ياحليل اولاد البلد الجاعوا وهم فقارة الحال هجروا وسابوا البلد بالصحارى واحدين دخلوا بلود محرمة بقانون المستعمر وحكايتنا نحن حكاية تحير دخلنا فى جوغة السفر لبلاد بره مطرودين من بلدنا ورغم العيشة المرة ما بالخاطر من دورنفارق بلد السمحه السره دغيش اتوكلنا على الخالق ركبنا قطر الهم مجبورين عشان شرف اللقمة ونعلين للشايب وكمان عمة وتوب لبنت امحمد فاطمة السمحه تتقنع بية وهى شايلة هم كل الناس تتوزع على يديها الرحمة الجاية من الخالق وتفضل الدنيا هى دولاب مر عليك ومرة فى فريق التاية بنت اصفر واللة شمسك مابتغيب وطاطم هم بضلم ناس السالف حالفين صبيانا عليهم يلاقوهم ضحا فى غابة قنعنا والطير منهم يشبع
منقول