نسأل الله الشفاء للأخ نزار

Admin عدد الرسائل : 982 تاريخ التسجيل : 10/10/2007

الأخ نزار يمر بوعكة صحية خفيفة ،،، نتمنى له عاجل الشفاء ،، وربنا يواليه بالعافية

ويا أم أشرقت عليك بالشوربة التقيلة فإنها للبرد شفاء،،،،

سلامات نزار .. وكفارة ليك يا زول .. شدة وتزول ..أبو أشرقت .. الظاهر دا من تبعات الأزمة الاقتصادية العالمية Laughing

ومن كثرة السهر في تحليل أسبابها

أسال الله العظيم ورب العرش الكريم أن يشفيك ويعافيك

كفارة وسلامتك

واهل الكويت كلهم كرامتك

مميز عدد الرسائل : 2317 تاريخ التسجيل : 10/10/2007

شدة و تزول

نسأل الله الشفاء للأخ نزار 17144810

كفارة وحمد الله على السلامة

ان شاء الله ماتشوف شر

اجر وعافية

الف مرة قلت ليك شيل حسابك من بنك الخليج

سلامات يازول يارائع
أوع تكون بضارب في البورصة ياأبو النيز
وإنشاءالله ماتشوف شر
lol!

الله يعطيك الف عافيه والله يشفيك من مكروه تحياتي العطره الي ام اشرقت

اجر وعافية

الف لا باس عليك وتقل الغطاء يا ابو اشرقت
الظاهر عليك عجزت
ربنا يديك الف عافية باذن الله

(كنا دايرين من ود الشريف أغنية ود الأمين لكن خلينا نقولها ياخي بعد الشر علييييييك ،،الحبيب نزار ألف كفارة ولا بأس عليك وما تشوف شر

عدد الرسائل : 28 تاريخ التسجيل : 27/12/2007

يا أبو النيز باين دي عين قويه.. سلامات وكفاره

اجر وعافيه إنشاءالله

ألف سلامة ليك ابوأشرقت وربنا يشفيك ويعافيك أنشاء الله والعتب برضو علي رقبة أشرقت بالعدوه Laughing

gahan كتب:: الله يعطيك الف عافيه والله يشفيك من مكروه تحياتي العطره الي ام اشرقت

ربنا يعافيك يا أم أبرار..
شاكر لكِ لطفك

[size=18]

nazik كتب:: ألف سلامة ليك ابوأشرقت وربنا يشفيك ويعافيك أنشاء الله والعتب برضو علي رقبة أشرقت بالعدوه

سلام كبير يا نازك

لالالا .. ما تصدقي دعاية صاحبتك ،
انا وأشرقت ضحيتها هي ،
لأنو البتاعة دي جابتها معاها من يوم الصليبخات

والله أشرقت دي رقبتا بقت قدر السمسمة من كتر المعلق فوقا Very Happy

Abdlwahab كتب:: الأخ نزار يمر بوعكة صحية خفيفة ،،، نتمنى له عاجل الشفاء ،، وربنا يواليه بالعافية

ويا أم أشرقت عليك بالشوربة التقيلة فإنها للبرد شفاء،،،،

مشكور يا حبيب ، على التفقد
الشوربة موضوعة في الخطة ،
ولغاية هسة اكلت لي شوالين بصل وشجرتين ليمون
.. والشافي الله

Gawasma كتب:: سلامات نزار .. وكفارة ليك يا زول .. شدة وتزول ..أبو أشرقت .. الظاهر دا من تبعات الأزمة الاقتصادية العالمية ومن كثرة السهر في تحليل أسبابها

أسال الله العظيم ورب العرش الكريم أن يشفيك ويعافيك

تسلم يا قواسمة ،
واحتمال يكون ده سبب من الاسباب ،
الناس تعطس في وول ستريت ، ونحنا تجينا نزلة
Very Happy

كمبلاوي كتب:: كفارة وسلامتك
واهل الكويت كلهم كرامتك

تسلم يا أبو محمد
وان شاء الله القحة تكون فاتت في سبيل حالها معاك!

ودالشريف كتب:: شدة و تزول

الله يشدك يا ود الشريف ،
لكن الفيكم اتعرفت ..
(كيس برتكان ساي ياخي .. برتكااااان( :evil:

صلاح ساتى كتب:: كفارة وحمد الله على السلامة

الف مرة قلت ليك شيل حسابك من بنك الخليج

ياريت لو سمعت كلامك يا أبو ساتي ،وسحبتَ الوديعة قبال الفاس ما تقع في الراس
تعرف ، لي يومين بتصل على عيال الغانم ،،، ولا واحد فيهم ما عايز يرد
غايتو .. الله يعوضنا .....، ويعافيك يا حبيب

بورسوداني كتب:: سلامات يازول يارائع
أوع تكون بضارب في البورصة ياأبو النيز
وإنشاءالله ماتشوف شر

يا بورسوداني ياخي حمدا لله على الجية

بضارب في البورصة وبس؟
ضرب وشلاليت وجضيم ولكز بالكوع ،
وفي الآخر برضو اتنشلنا
(موش هنا بسموا النزلة نشلة؟ ... الحمد لله الـ ما سموها شلل)
تسلم من كل شر يا حبيب

محمد التاى كتب:: اجر وعافية

الله يعافيك يا محمد
وما تشوف شر ان شاء الله

الصادق سليمان محمد امام كتب:: الف لا باس عليك وتقل الغطاء يا ابو اشرقت
الظاهر عليك عجزت
ربنا يديك الف عافية باذن الله

أنا لو عجزتَ يا الصادق سليمان إنت مفروض تكون محشور في دار رعاية
نحنا شباب يا عمك ، يدوب داخلين على الستة وعشرين ياخ ، تقول لي عجرتَ
العجزة الـ يسندوها بالعود ، قول آمين

،، تحياتنا ليك يا أبو محمد

مصطفى يوسف فضل كتب:: (كنا دايرين من ود الشريف أغنية ود الأمين لكن خلينا نقولها ياخي بعد الشر علييييييك ،،الحبيب نزار ألف كفارة ولا بأس عليك وما تشوف شر

يا بوصطيف ، مشكور ياخ على الحبوب ، وكده
عارف ، في اليوم التاني قلتَ حبوب مصطفى دي يا إما اداها دعاية اكتر من اللازم
ويا إما أنا جلدي بقى جلد تمساح ..
لكن اليوم افضل بكتير ..
(يا ربي دي الحبوب وللا شوالين البصل وشجر الليمون؟)

تسلم يا مان ، وما تشوفوا شر

Sharista كتب:: يا أبو النيز باين دي عين قويه.. سلامات وكفاره

اجر وعافيه إنشاءالله

يا دكتور حاتم ، كيفنك ياخ
ايوة ، عين .. لكن السؤال : عين منو؟
(الجائزة بطرف عريبي)

تشكر يا حبيب

مميز عدد الرسائل : 2317 تاريخ التسجيل : 10/10/2007

العزيز نزار بس أنت عينك و قعت في الشدة دي إنشاء الله شدة أرتيري ماشي ليه سنة ، ياخي الواحد قاعد لية ساعة يبروز ليك في صورة درويش و أنت جاري للشدة ، يعني مفروض تكون عميق كده مش كدة يا مصطفي ، بعدين قال شنو الحبوب إشاعة كان الجلد بقه مر يسو ليه شنو

يا أخي ألف حمد الله علي السلامة و إنشاء الله عافية و حرم النور

» نسأل الله الشفاء لوالدة الأخ أزهري
» تهنئة للأخ منتصر
» ألف مبروك نزار
» عناية الأخ نزار،،، مع التحية
» الملتقي ينعي عمة الأستاذ نزار