أفتقدكن يازهرات المنتدي

شكرا اختى نازك لإفتقادك لنا لكن انتى عارفة المشغوليات وضغط الجامعة والقرف الشدييييييييد مع الجو الحلو دا وانشاء الله الايام الجاية تشوفى مشاركاتى بإذن الله
ومافى داعى للإعتذار يا راقية يا ست الناس انتى ما ليك دخل بالموضوع

بالإذن ..
ونحن كمان أفتقدناهن ( البقول غير كدا كضاب :) )

الله ما يحرمنا ( منكن ) يا أخوات مهيرة

خليك وراهن يا نازك حتى يعُدن جميعا ، ويعود الملتقى لألقه وبهائه

كل الشكر ..

دايماً سباقه يانازك(( الله يديك العافيه طول ما الدجاجه حافيه)) وماتعتزرى ولا حاجه ماعندك اى ذنب والله بل بالعكس انتو تقبلو اعتزارنا من ما اصابكم بسببنا بشكل او بآخر, وشكرا جزييلا استاذنا قواسمه ,بس زى ماشفتو المنتدى كان منفر جدا الفترة السابقه وكل ما الزول يحاول يدخل يحس بي تنشنه رهييبه خاصة لما الكلام يكون يمس الزول في اقرب الناس ليهو عسي ربنا يسامح الجميع ويزيل الغمه وانشاء الله ماننقطع تاني بإزن الله وانتو كمان ماتنقطعو عشان المنتدى يرجع لسابق عهده((طبعا يانازك قطعتى مصارينى بالضحك بإستراحة الفنانين بتاعت أشرقت وام اشرقت والفه والاستاذة آمنه الصادق والرااائعه نعمات فقدنااااكم جميييعا والله

حمدالله على السلامة يا سوسن وسارة وعقبال ما نشوف أختنا سمية

الف حمد الله على سلامة من ظهرنا معنا ونتمنى للاخرين التواجد ولكل مشاغله فاتمنى ان يكونوا كما نتنمى لهم على الدوام

الأخوه المتداخلون جميعا لكم التحية والاحترام والشكر الجزيل:
أسعدتم قلبي باطلالتكم زهراتي الجميلات سوسن وسارة وأدام الله وجودكم في هذا الملتقي متحابين متآخين وأبعد عنا كل مايسؤنا.

كتب نزار:
ويا أم أشرقت ، بطلي كسل ، وبلاش تدرعي اللوم في رقبة أشرقت كل مرة .. هي رقبتا دي قدر شنو اصلو

والله ضحكتني يانزار أشرقت المدروع في رقبته ماشوية بس ربنا يخليها ليكم أنشاء الله ويحفظها من كل شر ويجعلها سبب لقدوم كل خير.
ياصديقتي الجميلة أم أشرقت أنا لسة منتظراااااااااااك.
*أعتذر من الزهرة الصغيره والجميلة غادة ساتي لسقوط أسمها سهوا مني ومنتظرين مشاركاتك أنتي وسمية وماتتعللو بالمدرسة لانو الوقت البتقضوهو قدام التلفزيون والانترنت أطول من وقت المذاكره.
يا ألفة بورتسوداني ظهر طلي علينا خلاص كفاية غياب.
ومازلنا في أنتظار عودة أستاذتنا آمنة الصادق التي هي أحد الاعمدة التي قام عليها المنتدي.

لكم التحية الأخوة والاخوات، الظاهر أنو رجلي حارة، أول ما سجلت في الملتقى لم أجد نصف هؤلاء المشاركون الآن، مع تمنياتي للجميع بالتوفيق.

العم كمبلاوي كتر خيرك وتسلم علي ترحيبك وفقدك لينا
ونتمني نشوف قصايدك وابداعاتك تزين وجه الملتقي

واخونا الطاهر نعتذر ترحيبنا بيك جا متأخر لكن حبابك في بيتك وبين اخوانك
ورجلك ماحاره لكن مشاغل الدنيا بعدتنا نسأل الله يعيننا

لكم تقديري واحترامي وربنا يجمع بست البوست:)

تخريمة
بقت عليكي يانزاكة
البوست محروس وستو تكوس

سلاااااااااااااااااام كثير للجميع ونورتي المنتدي ياأم أشرقت والله بكوس كواسة شديدة انا الانترنت كان عندو نفسيات عندي لكن رجع لحالتو الطبيعية الحمدلله.(رجلين أشرقت ديل موش كبرو شوية لوسمحتي غيري الصورة عشان نتابع مراحل نمو رجلين شيري خانم.)
الاخ الطاهر الامين لك كل التحية ونورت المنتدي وبوستنا رجلك ماحاره لكن المشكلة فينا بنظهر ونختفي.
أبو أشرقت أتلومت يعني اللوم رامينو في رقبة أشرقت وتطلع انت صاحب اللوم الأساسي.

حبيبتي ام اشرقت
اشكرك جزيل الشكر على انك استفقد ينى وعساكي ماتفقدي غالي يارب والله مشاغل الدنيا الله يشغلنا بطاعته قولي امين
وعتزرعلى لتاخير في لرد واكرار شكر لك يا زووووق يسلمووووووو

سلامات ام اشرقت والله بالصدفه اليوم اثناء تصفحي المعتاد عاودني الحنين لرؤيه مابالموقع وسرني مشاركتك للاستاذ المبدع دائما حسين الرفاعي في اثراء المنتدي والمحافظه عليه وصدقا افتقدكم جميعا ولكن كماذكرتي الحمدلله التلفونات والانترنت قربو المسافات وربنا يديم تواصلنا انشاء الله وتحياتي الخاصه لستكم اشرقت

حفيدات مهيرة بنت عبود المنتدى منتداكم والمراة السودانيه لعبت دور كبيرا فى تاريخ الحركة الوطنيه والمراة السودانيه بعد ان نال استقلاله غنى الاستاذ محمد وردى صوت المراه الكانت ضائعة عادت وكانت لرفعة وطنى
المراة السودانية لعبت دورا كبيرا فى عملية السلام فى السودان وازكر عام 1998 كنت فى منغوليا فى الشرق الاقصى وصلت الى بكين ونزلت فى فندق هوليدى ان وكان البرد قاصا وعندما ذهبت لتناول فنجان شاى مساء فى اللوبى شاهدت مجموعه من النساء السودان فى الفندق شاهدت الثوب السودانى اكثر من عشرة نساء سلمت عليهن بكل فرح وسرور ووكن يمثلن الاتحاد النسائى وبعدها شاهدت عشرة من الاخوات السودانيات من جنوب السودان ممثلات للحركة الشعبيه وكان اول لقاء من اللسلام فى السودان الظريف فى الامر تضايق الاخوات فى الحركة اعتقدنى اننى فى الامن السودانى وتضائق الاخوات من الاتحاد النسائى اعتقاد منهن اننى فى الحركة ولا دداعى لحضورى ولكن ربنا سهل الامر كان معى اخوان من الكويت شرحن لهن اننى اعمل فى الكويت وقادم من منقوليا معهم وكانت براءتى وعرفت ان لقاء من اجل صنع السلام وكان لا بد من تحفظات وجلست مع الاخوات فى الحركة وكان الحديث جميلا وغادرت بكين بوداع حار منهن اذن المراة السودانية لها دورها المميز فى كل امور السودان واتمنى ان تشارك المراة السودانيه فى هذا المنتدى للسماع برايها الصائب والمراة لها دورها الكبير فى نشر الدين الاسلامى ووقوف السيدة خديجه بنت خوليد مع الحبيب المصطفى عليه افضا الصلاة والسلام فى بداية رسالته وسيدنا عمر دخل الاسلام عن طريق اخته المؤمنه حفصة رضى الله عنها وسيدنا حمزة دخل الاسلام عندما اخبرته الجاريه باساة وضرب ابولهب للحبيب المصطفى ذهب اليه وضربه وقال له انا على دين محمد والمراة السودانة حفيدة المؤمنات اتمنى من الاخوات مشاركتهن للنهوض بهذا المنتدى الحر للجميع

الاستاذة ام اشرقت انا نسيت استاذن من نازك لكن البوست عجبنى وطبعا كان قرار من مجلس الامن والامم المتحدة باصدار عقوبات صارمة فى حقى وتم ايقافى من المنتدى بناءا على القرار رقم 999 فى يوليو 2007 والحظر كان برا وبحرا وجوا ومنع الاتصالات وبدات فى ان اراجع طيلة هذة المدة عن كل البوستات وهذا البوست عجبنى جدا من الابنه نازك ولكن المشكله لن استاذن منها ودخلت على طول الله يستر ما تجينى قذيفه من الخرطوم وبينى وبينك يا ام اشرقت انا خايف من هناى ولابت ساى الله يستر