يوم الجمعة العظيمة(مع الصور)

سلام التلاقي

الجمعة الماضية (19 رمضان) كانت مباركة حقاً .. التقى خلالها اعضاء الملتقى الحر للسودانيين بالكويت بحديقة الجابرية وضمّهم

افطار جماعي شمل أسرهم وأصدقاءهم ، وتركَ هذا اللقاء أثراً طيباً في نفوس الجميع حيث تعرفوا على بعضهم بعضا واقتسموا الطعام (الذي فاض أغلبه، رغم لذاذته) كما اقتسموا الضحكة والنقاش وسائر الشجون التي في الغربة وفي الملتقى.

كان يوماً بديعاً ومبهجاً . نشكر كل من ساهم / وساهمت في انجاحه .. تقدمه العمدة صلاح ساتي وعائلته ، وضياء الدين كمبلاوي وعائلته ،و الأخ مختار و عائلته ، وحسين الرفاعي ود الشريف ونصفه الحلو نعمات .. وكذلك آل مصطفى يوسف (نازك وسيد الاسم) وكمال عبد الرحمن (ود اربجي) وعائلته ، وآل هشام درار (بورسوداني وإلفة) وآل عبدون (عثمان وعائلته) وآل هاشم (عمر هاشم وعائلته) وآل الحلاوي ( عائلة علي الحلاوي ، المسافر) .. وبالطبع آل أشرقت (العبد لله وأم أشرقت .. وأشرقت ، فاكهة اللقاء بامتياز رغم بكائها المر) .. وكذلك صلاح ادريس ابو عوف ومحمد التاي .. والشباب الراقيين محمد مسعودية ومحمود سليمان والبيلاوي ومعاذ سبلوقة .. ومرتضى وأزهري زاتو ، الذي ابرق متصلاً من بلاد الله البعيدة .. وحاتم التيجاني
وفيصل وكمال الجيو و محمد عبد الوهاب .. وآمنة الصادق وزوجها .. وتم التقاط صور للذكرى ، نأمل أن يتم إنزالها في هذا البوست
وغاب عنا يومها أعزاء ، لأرتباطهم بمواعيد سابقة ، أو لوجودهم خارج الكويت .. منهم الصادق الطوالي وقواسمة والصادق سليمان وعثمان عريبي وعبده طه وأبو تلة الحسن
أجمل ما حققه هذا اللقاء هو ما سكبه من إعزاز في نفوس حاضريه بأنهم أسرة واحدة ، وما وثّقه من لحمة اجتماعية سودانية خالصة ، بدت كشجرة استظل الكل بفيئها ، ونال من ثمرها الطازج الأعضاء وضيوفهم .. واتفقنا على أن تتواصل اللقاءات وتشتد العروة في ما بيننا ، وأن يبقى الملتقى (الذي سيعمل الجميع على تطويره الدائم) منارةً سودانية لنا في بلاد الآخرين ، وجامعاً
لأفراحنا ومتنفساً لأتراحنا

شكراً لكم جميعاً ، لأنكم جعلتم هذا الفرح ممكنا
وأدام الله الوذّ والمحبة بيننا

ــ

التعديل تم لفضّ الاشتباك مع وهبة Very Happy

عدد الرسائل : 28 تاريخ التسجيل : 27/12/2007

يعطيك العافيه يا ابو أشرقت وإنشاء الله دايما لامين وتامين بصوره متواصله

الله يسلمك لينا...
وفيت وكفيت... حقا" كان لقاء جميل ومايميزه حميمية التواصل التي جمعت كل الاعضاء في ارض الواقع...وكما اسلفت انت ... ادام الله الود والمحبة بين الجميع

مميز عدد الرسائل : 2317 تاريخ التسجيل : 10/10/2007

هذا التناغم الجميل

هو من أمد جَمعتنا و جُمعتنا بكل ما نرضي و نتمني تكتر الجٌمعات و الجَمعات

و إنشاء الله حسب الإتفاق المٌعلن يكون أول يوم في العيد السعيد و بعد صلاة المغرب وبرضوا في حديقة الجابرية لقاء أعضاء و أحباء الملتقي و كل سنة طيبين طيبين

Admin عدد الرسائل : 982 تاريخ التسجيل : 10/10/2007

سرد توثيقي جميل لتلك المناسبة وهي- بالطبع ستظل في وجداننا ما حيينا ،،
لك الشكر ابو أشرقت

العبد لله والآنسة أشرقت
(طبعا الماسك القلم ما بكتب لروحو شقي) ..

تأملات ود الشريف كانت منقطعة النظير في يوم الجمعة العظيمة Very Happy

محمد عبد الوهاب ، وزي الـ رايحة ليو حاجة كده

شوية وبرجع لتكملة الصور

بالمناسبة ، الشابين الظاهرين في الصورتين الـ فوق ، مرة مع ود الشريف ومرة مع عبد الوهاب ، هما ابني الزميل الدكتور عمر هاشم ، حفظه الله وحفظهما

عمر هاشم .. وأنجاله

جانب من جناح (أخوات نسيبة) زي ما قال محمد التاي Very Happy

ود أربجي ، وشارستا (بالطاقية الأسمنتية)

أشرقت تشاغب أمها (أميمة) بحضور إيمان ود اربجي

الأختان نازك وإلفة .. وكأنو مسلسل (نور) شغال قدامن Very Happy

كمال الجيو ومرتضى وكمبلاوي ومسعودية

كمبلاوي ومعشوقته الأثيرة .. القهوة

حميل ان نرى كل هذا التلاقى بين الجميع ورغم المشغوليت الصحفية يا نزار نتوقع منك المزيد ادامكم الله لجمع الصف وتوحيد الرؤى والافكار

بوعوف ومحمد التاي متقابلين (اكيد بتكلمو عن هلال مريخ) .. ومختار ومعاذ يراقبان

حاتم شارستا بيظبط في سفة بعد الفطور

إلفة .. ومازن علي الحلاوي

ضحكات بين فيصل وود أربجي

عدد الرسائل : 28 تاريخ التسجيل : 27/12/2007

تسلم يا ابو أشرقت علي هذه الصور الجميلة

وبالله عليك اخوك بالجلابيه مش شيخ كبير ووجه كلو وقار وتقوي

وبعدين منو القال ليك انا بسف وانت عارف انو انا ما بستعمل البتاع دا

شارستا ، سلامات
وان شاء الله تتحقق الأمنيات ..
عارف ، عبارة (دايما تامين ولامين) دي ماركة مسجلة في قناة الشروق أيامات رمضان .. وبتقولها مذيعة كده حرف الميم عندها ضارب .. بتقول (دايبن تابين ولابين) ارخي ليها اضانك واندهش

بعدين ياعمك وقار الهدوم ده لافق معاك ، كنكش فيو قوي ، مع إنو دربو قصير .. (الهدوم التي تسبق العاصمة) على قول وهبة Very Happy

وبالتمباك ذكرتني نكتة صبري حامد مع حسين الرفاعي .. قول لود الشريف يحكيها ليك Very Happy

.. ويسلمك يا أمها ، ويسلم أشرقت
أدام الله المحبة والودّ والتقدير

كل سنة وأنت وكل أحبابك بخير يا ود الشريف
وعلى الموعد باذن الله

ولك ـ ولكل الأعضاء والعضوات ـ الشكر يا وهبة
فبدونك وبدونهم ما كان يمكن لذاك الفرح أن يكتمل ويفرهد هكذا
دمتم بخير

تحياتنا ليك يا الصادق سليمان
افتقدناك .. وكان عزاؤنا أنك بين أهلك واحبابك في السودان ، حيث رمضان حقيقي وغير مزور
أدام الله المودة ، واعادك سالما

يا أبو ساتي ،،، وينك يا عمدة !!
الصور .. ياهو ده عقابها كلو؟؟

سلمت وسلمت يداك ابا اشرقت ......... الصور جميلة لا شك والاجمل تعليقاتك الطريفة ..... شكرا جزيلا علي هذا التأريخ الحلو

مميز عدد الرسائل : 2317 تاريخ التسجيل : 10/10/2007

حلوين ؛ حلوين

لكن المرة الجاية جاين بكميرتنا ؟ و الحشاش يملا شبكتو

» انها الكويت العظيمة / ما اعظم دولة الكويت // اخجلتم تواضعنا
» دعاء الجمعة
» وقفات عند إجتماع الجالية أمس الجمعة
» الجمعة * لجنة فرز و تحفيز أعمال الأطفال
» الجمعية العمومية للجالية الجمعة 23/5/2008