دعوة للأعضاء

بسم الله الرحمن الرحيم
رمضان كريم و تصموا و تفطرو علي خير
دعوة لجميع أعضاء الملتقي لعمل إفطار جماعي خلال الشهر الكريم لنزكي فينا شعيرة التراحم و التعارف
لكم تحديد المكان و الزمان
و كل عام و أنتم بكل الخير

ربنا يسهل قيام الملتقى ال وجها لوجه (وشا لوش) حتى يثري الملتقى الكتابي ( أي بالكتابة وليس بمعنى نصراني) ،، والمرة دي مع بركات الشهر الكريم نأمل أن تتم اللقيا ،،، ولكم الشكر ود الشريف ومحمد التاي للمساعي الجادة

مجرد اقتراح ::: حبذا لو المكان بقيتو شاطي المسيلة ،، لانو الجزيرة الخدرا دي قاعد اتلبش منها،،،، ولكن طبعا انا مع راي الجماعة حتى لو ماشين كاجو كاجو

قرشلي:
يا نزار ،،، الظاهر رمضان دخل في العضم بقيت تقتبس من روحك !!!؟؟؟

أولا آلاف التشكرات للفكرة( القديمة الجديدة) أتمنى أن تقوم المرة دي فعليا ونرجو سرعة تحديد المكان

سيد الاسم كتب:

ونرجو سرعة تحديد المكان

ده كلام صاااااااح ،،، لازم يتحسم موضوع المكان ده ،، أو
اقترح ترك الموضوع في يد محمد تاي وحسين الرفاعي عشان ما تكتر الاتجاهات للرأي والرأي الآخر،،، والمكان البيحددوه نحن معاهم،، انشا الله لو قالوا (الهفوف زاتو)،،، المهم تقوم الرحلة
محمد تاي ، ودالشريف سيروا ونحن من خلفكم ،،

الغالى نزار بأذن الله اكيد قائمة بس نتمنى من الجميع الاهتمام والمساعدة فى الاعلان وتبليغ الاخرين حتى الاعضاء المسجلين ما شاركو بأى مواضيع نتمنى تبليغهم كى تعم الفائدة ويغيرو رايهم واكيد راح يستفيدو تعارف ويسعو لطرح مواضيعهم لذلك اتمنى من اى عضو ان يبلغ كل من يعرف من اصحابة الاعضاء بالملتقى



والله الموفق

والله يانزار كلامك في محلو تمام ،، الحاجات تكون واااااضحة
اعتقد الحاجات كلها مسهّلة لأنو الحديقة على مقربة من بعض الأسر ،، آل أشرقت وآل عمر هاشم وآل ساتي وآل سيد الاسم ،،، اقترح الفرشات تكون منهم هم اذا وجدت
أما موضوع تجهيز (القعدة) قبل موعد الافطار يتكفل بيها (العزابة) ،، لأنو الأسر كفاية عليهم الطبيخ وتجهيز الفطور مافي داعي يتلتلوا بي خدمات الضيافة كمان ،،
مقترح :
- محمد تاي
- محمد عبدالوهاب
- محمد مصطفي
مسؤلين من الفرشات وتجهيزها ( مافي داعي للطاولات) لذلك نرجو منهم الحضور في الحديقة الساعة الرابعة والنصف عشان نجمّع الفرشات ونرصها تمام

(العندو فرشة يورينا عشان نختها في البرنامج)

[quote="NIZAR"][size=18]أحسن الناس تتفق من هسة ، وتتشاور على الهوا مباشرة

ما عندي فرشات أرض ، فما تعتمدوا عليّ في الناحية دي .
العائلات تجيب معاها كل أو بعض هذا : الملحات والعصايد والقراريص والتمر والبليلة والآبري وقمر الدين والليمون .. وأي زيادة تعتبر مسألة تقديرية للعائلة نفسها ..


شنو يا عمك خليت شنو باقى كده خربت ميزانيـــة العائلات
طيب عاوزين نعرف الطلبات بعد الافطار اخاف الجوع والصيام يزيد من الطلبات

يا عمك ، رمضان كريمالحاجات دي ما إلزامية ، يعني ما مطلوبة كلها .. كل عائلة تجيب البتقدر عليهو ،، يعني فطور البيت العادي

وبيني وبينك ، الحاجات الـ في القائمة دي انا كتبتها في نهار رمضان ،، زي المواعيد دي .. يعني هسة ممكن عااااااااادي نقول للعزابة جيبوا معاكم البسبوسة والباسطة والكنافة والموية وكاسات التبخ والسجائر من الجمعية

اقتباس :

جيبوا معاكم البسبوسة والباسطة والكنافة والموية وكاسات التبخ والسجائر من الجمعية

الباسطة معروفة من ناس منو ،،،،،لكن اقول ليك حاجة أهم زول الفول