سيد البلد للامام نحو الكأس

اتحفنا فتية المريخ بادائهم البطولى فى مباراتهم مع اولمبيك خريبكه بالمغرب الاحد الماضى فى مباراة الذهاب للبطوله الكونفدراليه فى دور ال16 مكررمع سواقط بطولة الانديه بالنتيجه المبشره بتعادلهم 2_2 بعد التاخر بهدفين فى الشوط الاول, الا النجوم الحمر اثبتوا انهم فى الميعاد وعلى قدر التحدى وقلبوا الطاوله فى الشوط الثانى على الفريق المغربى واخرسوا كل الشامتين.

التهانى الحاره لفتيتنا الاشاوس والذين عودونا على نثر الابداع والتهانى لكل اهل القبيله الحمراء ولسيد الجمال (جمال الوالى) وننتظر مواصله الافراح الجمعه القادمه من اخوتنا الهلالاب . وحقا كما قال الاستاذ مزمل ابوالقاسم فانها كانت معركة خراب خريبكه

الغالى ودالشريف يا سلام علي الشعار الجميل وياريت لو مديتنا كمان بصوره لتشكيله المريخ الحائزه على البطوله الافريقيه زمن مازدا وابوعنجه وسانتو.

الاخ سليمان مشكور على المداخله وانشاء الله الهلال مشرفنا يوم الجمعه كما عودنا قاهر الترجى وغيره العام الماضى واخوان هيثم مصطفى مابخذلونا

مليون سلام ودالتاى, مريخ 2008 صعب شديييييييييد وانا بفتكر انو ناس الطيران المدنى حقو يجهزو المطار من هسع لى استقبال الكأس . بالمناسبه قصت قطب الكره السودانيه التانى عجبتنى كتر منها لى حبايبنا الهلالاب .
قول لى الهلالابى منتصر اظهر وما تخاف الجمعه مابتجيكم عوجه ودعواتنا معاكم, طبعا انا انشاء الله كان ربنا سهل احتمال كوره الهلال مع انيمبا فى الاستاد (العرضه شمال وكده)