.. وأهلا وسهلاً بالأخت إلفة

يزدان المنتدى بمقدم الأخت إلفة ،
عضوة فعالة ومثرية للنقاشات ومفعلة للأخوّة بيننا في بلاد العم عقال ..

أهلا وسهلاً بـ إلفة ،
وبالله كوني انشط من الأدروب

إلفة دي ياأبو النيز مسجلة من يوم الخميس وكانت بتحتج لي أنو ما أدوها الضوء الاخضر للمشاركة ،، هي قايلاني مشرف ولا شنو؟؟
عموماً مرحب بيك يا إلفة ياجارتنا شدييييييييد ونورت المنتدي .
يلا عبري سريييييييييع عن شعورك

NIZAR كتب:

يزدان المنتدى بمقدم الأخت إلفة ،
عضوة فعالة ومثرية للنقاشات ومفعلة للأخوّة بيننا في بلاد العم عقال ..

أهلا وسهلاً بـ إلفة ،
وبالله كوني انشط من الأدروب

الأخ نزار
سلامات يازول يارايع ...
سلامات عوًافى ...
ياخلاصة الخير الفي الناس ....
وترياق الزمن المتعافي ...


شكرا كتير علي الاستقبال بس شيًلتنى هم القدرة على الكلام القلتو فينى وانشاءالله ....
دايرة أدخل أسلم على ناس البيت بالاول

AZHARI كتب:

مرح بالاستاذه الفــــــــــــه

احذرى نزار (سرتانا ما برحم )
احذرى كمبلاوى (انور الجيلانى )

الأخ أزهري ......
مشكور علي الترحيب ,,
بس شنو التحذيرات الكتيرة دي حسستني اني فى حقل ألغام
الشباب لطيفين مالك عليهم ؟؟

مرحب حبابك الأخت إلفة ,,,معليش لو السلام جا متأخر ,, لكن قالوا لا سلام على طعام في صينية الغدا الكاربة دي,وما في كلفة ,, كل الناس هنا كل الناس صحاب وكل الناس أهل,,, رغم انذارات أزهري الكاذبة

فمرحبا بك

مهداة للعزيز نزار أطلب و بس و انحنا بنفتش طلبلت أوامر

أهلا ومرحبا كتييير إلفه اهلا بإزدياد العنصر النسائى فى الموقع معليش متأخره

مرحب بيك أخت الفه في الملتقي ومرحب بازدياد القوه النسائيه ونتمني ان تستمري في أثراء هذا الملتقي بما هو جميل وعذرا علي التاخير

( إلفة ) ما أروعها من كلمة ..
ما أروعها من إطلالة ..

نحن بحاجة ليك بي هنا .. بحاجة ليك بي هناك ..

نورتي المنتدى ..

يا اخوانا وييييين المحتفى به؟؟؟؟؟

الظاهر ازهري طفش الزولة دي بي انذراتو,,

قواسمة ,, شنو البي هنا ,,, وبي هناك ,,
أدوها فرصة ,, زي ما قال نزار

المعنى في ( بطن الشاعر ) ولدى ( إلفة ) يا Admin

ولكن عوضنا على الله .. المقصود أننا بحاجة إلى الإلفة ( هنا ) ليست في الحيز المحدود لهذا المنتدى السايبيري الرائع فقط وإنما يتعداه إلى الفضاء الواسع من حولنا .. وبي هناك .. يا Admin هناك في الوطن الكبير حيث بالإلفة يجب أن ( يتعمم ويتسربل ) أهل العقد والحل والعامة من الناس ..

ألا ترى أيها الفنان كمية ( الحِنية ) في الكلمة .. إن موسيقاها مريحة للنفس والخاطر ..

فهنيئا لك يا ( إلفة ) بذلك ...