هذا .. أو التجاهل

كتب أزهري في بوست تم اغلاق باب المشاركات فيه على الرابط : https://q8sudan.yoo7.com/montada-f3/topic-t1298-45.htm
ما يلي :

(الاخوة رواد المنتدى رجاء الموضوع اكبر مما تصوروا ولدينا مستندات ومعلومات وجهات تحرك فى الامر ونحن نتصدى لها
نحن ما عايزين المنتدى شعر -ولا تفاحه تمنع السرطان- ولا زبادى ينص البطن -منتدى حر
منتدى حر نقاش اراء اختلاف فى وجهات النظر لان المرحله القادمه اكبر مما تصوروا

اذا اخطا ازهرى تحاسبوه -واذا اخطا مصطفى تعفوه
لا
لو فاطمة بنت محمد سرقت لقطعت يدها) انتهى الاقتباس .

وغض النظر عن الهمجية التي قاد بها أزهري نقاشه مع كثير من العضوات والاعضاء هنا ، وخلطه للجد بالهزل في أبهى صور البشاعة اللفظية ، فإن دعوته التي اقتبستها اعلاه والتي نادى فيها بتخصيص المنتدى للنقاش الحر والآراء المختلفة ، ومطالباً في نفس الوقت بحذف أبواب في المنتدى مثل الشعر والصحة وما شابه ، لفتت انتباهي إلى خطورة ما يبثه هذا العضو الذي كما لو أنه عجوبة الـ خربت سوبا ..
ولأنني وقفتُ قبل هذا اليوم مع ازهري ضد حذف مداخلاته وطالبتُ بإعادتها وعدم توقيف اشتراكه ، لإيماني بأن حرية التعبير كلٌ لا يتجزأ ،، فإنني ألتمس في هذا الخيط مناقشة العضو بعيدا عن التشنج الذي لامسَ عديد مداخلاتنا في هذا البراح .. فليسمح لي ، وليتسع صدره وصدر المتابعين والمتابعات.

يا أزهري ، عندما تم فتح هذا المنبر ، كان يحدو القائمين عليه أملٌ في أن يكون ملتقىً للسودانيين هنا يبثون فيه كل ما يريدون من أمر الكتابة والنقاش والتنوير والفكاهة والطرب ومجمل الفنون ، سوى أن من يتابع مشاركاتك فيه يجد أنك لا تغفل خيطاً إلا وتشارك فيه ، بغض النظر عن فحوى ما تتداخل به أكان دعابة مبلوعة أم كان سخافةً تهز الوجدان ، او كان مشاركة جيدة ومهمة مثل مشاركاتك في ملف سودانير التي ارى أنها في غاية الأهمية ..
أنتَ تبدو لكل من يراقب ويتابع سيرورة المنتدى كما لو أن مهمتك هي أن يكون اسمك على الصفحة الاولى كيفما كان الحال .. لديك هواية مرذولة مفادها تجميع النجمات التي أعلى صورتك على البروفايل وتحصيل أعلى درجات المشاركة .. والدليل على ذلك أنك أول من استنجد بالمشرف العام على المنتدى لترقيتك إلى (عضو فعال) ، مما يدل بلا مواربة على أن همّك الاساس من مشاركاتك ليس ما ينفع الناس ، بقدر ما يهمك أن تكون الأول .. أها ، جيت الأول ، وبعدين ؟؟
يا سيد أزهري ، نحن نريد أن نكتب وأن نقرأ شعراً في هذا المنتدى ، ونريد أن نكتب وأن نقرأ عن الدين وعن كرة القدم والسلة، ونريد أن ننتج النكات ونتداولها هنا ، ونريد أن نطرقع اللبان ونتصعلك ونتابع سير الظباء ، ونريد أن نتفاكر في التشكيل والسودانوية وان نستجلب ذكريات الرعيل الذي فات وترك لنا حلو الآثار المكتوبة والمغناة ،، ونريد أن نتناقش في السياسة وغيرها ، بدون توصيات من أحد ، وبدون حجرٍ من أحد .. ولي معك ثأرات هنا لم تكن ضليعاً في أيٍ منها ، في ما يختص بما هو سياسي على الاقل ، إذ إننا تناقشنا مرةً عن ذلك السيد الذي يسرق حواشات فقراءكم ويسومهم مرّ العذاب فلم يعجبك هذا ( وبنفس فاتحة هسة جايب حديث الرسول صلى الله عليه محمد عن السارق!! ما جبتو ليك قبل كده وعملت لي فيها رايح) يل ازبدتَ وروحك اتوكرت في شبر ماءٍ آسن من الألفاظ الجارحة والمهينة ، للدرجة التي عمدتنا فيها بأننا أبناء ابليس . ولعمري فإن هذا وحده كفيل بجعلك (لازم فائدة) بالنسبة لي ، ومدعاةً للقيام بحملة تواقيع لطردك من المنتدى وفصلك فصلاً نهائياً لا رجعة فيه . لكنني لن أفعل ذلك احتراماً لقناعاتي الديمقراطية . لكنني قد أقود حملة لتجاهل كل ما تكتب ، سواء كان سيئاً أم جيداً ، وجعلك تلف زي سواق التكسي الحكيت ليك نكتتو داك ،، وما في اي زول يشتغل بيك ..
فنصيحتي لك يا زول ، خليك من المساسقة الكتيرة بين البوستات وتخريبها ودسّ السموم فيها والحزازات (ياخي بالله ما بتخجل ، بوست عاملنو يباركوا لي فيهو بميلاد بتي ، تجي تجوطو وتوديهو الخور؟؟)
ناقش بهدوء ، واحترم مخالفيك . ستجدنا نحترمك بأكثر مما تفعل ..
شاكس بمحبة ودون أن تجرح مشاعر الآخر .. ستلقانا خفيفو ظلٍ وأصحاب نكتة مؤدبة
لا تغرق المنتدى بمشاركاتك الكثيرة الكثيرة الكثيرة ، خلينا نشتاق ليك ياخي .. ما في جوائز هنا،

أرجو أن يكون ثمة من أثر في كلامي هذا ،
ولا تضطرني يا صاحب على فتح باب التجاهل ..

Admin عدد الرسائل : 982 تاريخ التسجيل : 10/10/2007

الأخ نزار ,, نعتذر عن قفل باب المشاركات في باب يخص مناسبة جميلة جدا لنا ,, ولكن أرجو أن تتفهم ما دعانا لذلك هو خروجه بعيدا عن موضوع البوست,,
وخلينا نحتفظ بما تبقى من تهاني الأخوة الأعضاء وفرحتهم بأشرقت ليكون البوست بهيا ومتألقا كصاحبته

كتب NIZAR

يا سيد أزهري ، نحن نريد أن نكتب وأن نقرأ شعراً في هذا المنتدى ، ونريد أن نكتب وأن نقرأ عن الدين وعن كرة القدم والسلة، ونريد أن ننتج النكات ونتداولها هنا ، ونريد أن نطرقع اللبان ونتصعلك ونتابع سير الظباء ، ونريد أن نتفاكر في التشكيل والسودانوية وان نستجلب ذكريات الرعيل الذي فات وترك لنا حلو الآثار المكتوبة والمغناة ،، ونريد أن نتناقش في السياسة وغيرها ، بدون توصيات من أحد ، وبدون حجرٍ من أحد ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا ابو الزهور يكفيك خرقا للدستور

ـــــــــــــــــــــــــــــــــــــــــــــــــــــــــــــــــــــــــــ

وله فى خلقه شئون

زائر

المشكلة
لوسرق فيهم الشريف تركوة
ان سرق فيهم الضعيف اقاموا عليه الحد

يا نزار انا مادخلت بالاساءة فى بوست التهنئه ابدا راجع البوست وشوف منو الشخص الذى غير مجرى البوست واكيد ما ح تقدر تهاجموا ولا تقدر تقول ليه ابقوا رجال ؟؟؟؟؟؟؟؟؟ظ
بعدين كمان متاثر بمحمود محمد طه ولشنو كدى نورنا شويه بمحمود محمد طه لاننا زعلانين من نميرى عشان اعدمه - اوعى يكون ابوعاج كان على حق

الوالد كمبلاوى كلامك موزون وشعرك رقيق وكلماتك على العين والراس

AZHARI كتب:: المشكلة
لوسرق فيهم الشريف تركوة
ان سرق فيهم الضعيف اقاموا عليه الحد

يا نزار انا مادخلت بالاساءة فى بوست التهنئه ابدا راجع البوست وشوف منو الشخص الذى غير مجرى البوست واكيد ما ح تقدر تهاجموا ولا تقدر تقول ليه ابقوا رجال ؟؟؟؟؟؟؟؟؟ظ
بعدين كمان متاثر بمحمود محمد طه ولشنو كدى نورنا شويه بمحمود محمد طه لاننا زعلانين من نميرى عشان اعدمه - اوعى يكون ابوعاج كان على حق

طبعا إنتَ لو ما حرفتَ مسار أي بوست ، ممكن تجيك اكزيما ..
يعني هسة كللللللللل اللي لفت انتباهك في كلامي الفوق ده هو بوست التهاني بأشرقت؟ ومنو الـ وداهو الخور!! إنت ده الوديتو ، ولو عندك كلام غير ده قول لي منو الـ حرف اتجاهو !؟
بعدين دي ما القضية .. القضية الأساسية هي مشاركاتك الكتيرة ومسيخة دي ، وهظارك الخشن وعدم موضوعيتك الـ بتجي تكبها (زي الـ بتكب ليك في زبالة) وتفك البيرق !! أنا عايزك ترجع تقرأ الكلام الكتبتو ليك تاني وتالت ورابع ، وتتأمل فيهو كويس ، بعدين تعال نتناقش ..

محمود محمد طه ؟
بالله بتعرف الزول ده إنتَ؟
وينو هنا هسة؟؟؟؟

زائر

بس ما انا الذى حرف محرى البوست -ليه تتهمنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا يجازى الكان السبب

شكرا لعبد الوهاب وابوي كمبلاوي على الزيارة

،،،،

وراجعين