عودا حميدا ,, أنا غايتو خشيت بي كراعي اليمين,, لكن لقيت ليك البيت مغبر جنس غبار (غبار السنين),, وديوكي قررررررربت تموت من العطش والجوع,, اتكاءة قواسمة عناقريبا اتشلعت وعايزة عمرة,,, أما عوض ود حلة ناس الحلاوي فقد شااااخ ,, لقيتو ليك في مطعم عمك محمد صالح بعدما ضرب الفول بالويكة ناااايم يشخر,,
ولقيت حاجات تبعث في النفس الذكريات ,, حاجات اضحكتني حد الثمالة ,, وحاجات أحزنتني وحاجات وحاجات,,, فعلا حسيت بيهو زي بيتي المهجور ورجعت عاينت فيهو واتمعنت في كل ركن,, زنقة زنقة ,,
البيت ده عايز ليهو شركة نضافة عديييل,, لكن همتكم معانا في النفير ده ,, كل زول يجيب مقشاشتو ويجي,, ناس (الأزمة) معذورين لكن ممكن يسقوا لينا الشجر,, ويحرسوا الباب من (الهوا) عشان ما يهيج لينا الغبار تاني,,
وبعد النظافة نقعد ننجم ونشربلنا كباية شاي لبن مقنن ونتفاكر ونتسامر ونتناقش بالجد بالجد ,, موش بال Like