الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 وزارة الشؤون الإنسانية اتقوا الله فينا ...‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: وزارة الشؤون الإنسانية اتقوا الله فينا ...‏   الإثنين 13 يونيو - 14:58


_________________

 

الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: وزارة الشؤون الإنسانية اتقوا الله فينا ...‏   الإثنين 13 يونيو - 18:54



لا تستغربوا و لا تندهشوا من هذا البوست فلو عرفتوا ما عرفت ربما تشاركوني حيرة هذا السؤال الحق

عندما دعا السيد رئيس الجمهورية بسودنة العمل الطوعي الظاهر اخدتنا الحماسة كما هو حالنا في كل حاجة و رمينا مليون يمن و تسعين طلاق ، كل من تقدم لوزارة الشؤون الإنسانية رخص له ، دون معرفة أي شيْ عن خلفيته ودون طرح سؤال أديبنا الراحل الطيب الصالح (( من أين أتي هؤلاء ) ، حتي أصبحت منظماتنا الطوعية مصدر شك لدي المنظمات المانحة في كثير من دول الخليج ، بالأمس مجرد إنك سوداني تفتح لك كل الأبواب و يأتيك الدعم دون الحاجة لتثبيت صحة أن المنظمة عاملة و قائمة أو لإرفاق الكم المهول من التزكيات ، .

سبب الهيجة الكتيرة دي مع خالص إحترامي و تقدير لكل ماهو عمل شريف و كسب حلال ، ( وكلنا أولاد تسعة ) بس زي ما بقولوا صاحب العقل يميز لايعقل ما حدث و ما حدث لا يعقل ،

الحكاية يا سادتي و وفد من أخواتنا حضرن للمشاركة بأحد المعارض المقامة بدولة الكويت مؤخراً لحدي هنا كويس (( المشاركة عبارة عطور سودانية بلدية (خٌمرة و دلكة و بخور إضافة لنقش الحنة )) ده كله كلام جميل ، بس الظاهر حاجاتنا دي وزي ما عارفين لغيرنا ما بتتسلك ، المهم الرحلة طويلة و التكلفة عالية يعني الشغلة ما غطت معاهم ، علي طول كل واحدة طلعت الجوكر ( منظمة لرعاية الأيتام )، و هاك يا لف لا الهيئة الخيرية خلو ولا مسلمين أفريقيا و حتي منظمة الشيخ أنور النوري مشوا ، و معاهم التزكيات ، وراجع ليكم


_________________

 

الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: وزارة الشؤون الإنسانية اتقوا الله فينا ...‏   الأربعاء 15 يونيو - 19:16

ياود الشريف تااااااااااااااااااااني المسلسل دا

انت (من اين اتي هؤلاء؟؟) ولا علي قول القذافي ( من انتم ؟؟))


خلينا من الشروط ...
المسؤل منو
وزارة الخارجيه
ولا السفارة
ولا منو بالضبط
المسؤل من تيسير جية (الحريم)
كل شوية بخمره وبخور تيمان وبخور حلو ؟

لانه حكاية عطورنا (المابستعملا غيرنا ) دي زاتا فيها وقفه
عشان يتخمخمن كمية نسوان طول وعرض يجو يبيعوها ... ولمنو ؟
اذا كان اي سودانية بتصلا العطور لعندها وكتر خير البريد السريع
اها حيبيعو لمنو ؟

شوف بقية المعارض شي يشرح ويفرح
كل بلد معرضا اجمل من التانية عدا السودان


لي رجعه للبوست دا
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: وزارة الشؤون الإنسانية اتقوا الله فينا ...‏   الأربعاء 15 يونيو - 20:20

الفاضلة أم أشرقت لكي التحية و الأحترام
و الله حاجةتمغص عديل دي المجموعة التانية خلال شهرين ، بإذن الله الموضوع ده عاوز ليه لقاء هام و عاجل مع السفارة ، و خاصةً رمضان علي الأبواب ، حتي الأخوة مندوبين المنظمات الإنسانية ،لازم يكون في نظم و ضوابط لحضورهم، لأنوا و بصراحة المسألة بقت سايبة و هايصة جدا جدا ،
قد فوضت نفسي لمقابلة السيد المشير سوار الدهب لطرح الموضوع ده ، وناس وزارة الشؤون الأنسانية ديل ماشي ليهم عديل ،
تخريمة حكي لي أحد الأخوة الأعزاء ، راح وزارة الشؤون الأنسانية عاوزة يسجل منظمة الأمور ماشة تمام والمقابلة السنون تضوي ليك من بعيد و ختام المقابلة إبتسامة عريضة و هديلاك سنون اللبن ( ماتنسانا من صالح الدعوات ) تكررت المقابلات مصحوبة بالدعوات و قال من كترت الإبتسامات لمن ضروسوا وجعو مسك زوله الدليل المعاه ( يا أخي انت ناس الوزارة ديل ما عندهم غير صالح الدعوات الماسكنها دي ) زوله إبتسم م م م، ورد عليه يا حبيب (( صالح الدعوات )) دي بتعني (( شنطة الدولارات )) يعني بعدين أقسم و ما تنسانا. أستغفر الله ،

_________________

 

الرجوع الى أعلى الصفحة اذهب الى الأسفل
محمد التاى
عضو نشط
عضو نشط
avatar

ذكر عدد الرسائل : 628
العمر : 35
الهوايات : القراءة والمراسلة
تاريخ التسجيل : 18/10/2007

مُساهمةموضوع: رد: وزارة الشؤون الإنسانية اتقوا الله فينا ...‏   الخميس 16 يونيو - 11:13

الحبيب ود الشريف اشكرك لتطرقك لهذا الموضوع الهام جداً وانا قابلت احدى السيدات موضوع البوست بالصدفة كنت جالس مع سعادة القائمة باعمال القنصل بالسفارة الاستاذة الفاضلة ابتهال دخلت علينا سيدة تحمل ملفاَ بيدها ومن باب الادب استاذنت السيدة ابتهال على ان اعود لموضوعى الذى اتيت من اجلة بعدما تخلص الضيفة لانها امراءة وانا رجل اتحمل الانتظار فأذا بها تأتينى بعد بضع دقايق وتطلب الحديث الى شخصى جلست معها بالريسبشن وبدأت تحكى قصتها ذكرت لى انها اتت مع عدد من النساء من السودان للمشاركة بمعرض لبيع بعض العطورات والمتعلقات بالمراءة السودانية وحينها ماذال المعرض فى بداياتة وقالت لى انا شخصيا ليس هدفى المعرض بل اتخذتة وسيلة كى اصل الى الكويت واجمع تبرعات من الهيئات الخيرية واهل الخير هنا جميل اتخيلو هدفها كان شنو!
قالت : انا عينونى مديرة جديدة على هذة الهيئة الخيرية التى امثلها وعايزة اثبت وجودى واثبت اقدامى فى اول مهمة خارجية لى وهى على حسب ماحكت لى انها مشترية الزيارة بمايعادل الثلاثة مليون ونصف بالقديم دا غير التذاكر ونثريات سفرها وحينها اعطيتها رقم جوالى الاثنين وانصرفت فى سبيل حالى وبعدها ماعرفت بالحاصل الا ولقيت الجماعة قالو افزعو السيدات عايزات نجدة لاحولة ولاقوة الا بالله العظيم

موضوع اخر: اؤكد لكى الاخت ام اشرقت السفارة لاعلم لها بحضور هذة المجموعة من النساء لانى كنت حاضراً بمكتب السيدة ابتهال كما ذكرت فى سابق حديثى وهى اتفاجأت لمن حكت لها الاخت بأنها حضرت لمعرض وليهن 5 يوم بالكويت وقالت لها بالنص ماعندنا اى علم عن المعرض هذا ولا عن حضوركن وهذا ليس دفاعاً عن السفارة بل حكيت ماحصل امامى

ثم ثانياً الاخت ماعندها تذكية من المشير عبدالرحمن سوار الذهب بل قالت لى عندى تذكية من الدكتور يوسف القرضاوى وهدفها ليس المعرض بل اخذتة وسيلة لجمع التبرعات بالله عليكم المصاريف التى صرفتها على هذة السفرية ماكان خيراً لها ان تعين بها جمعيتها الخيرية ولى عودات وعودات
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: وزارة الشؤون الإنسانية اتقوا الله فينا ...‏   الخميس 16 يونيو - 16:14

ود التاي سلامات
أكيد السفارة ليس لها علم ، و أنا على يقين من كلامك ده .
نتمني علي السفارة عند حضور مثل هذه الوفود التحقق من أمرهم و توضيح الأمر لهم ، عشان كل شيء يكون تحت السيطرة و بعلم السفارة لآن أي زول علي أرض الكويت شأن يهم السفارة و أي تصرف يعنينا نحن أجمعين .
بالنسبة للأخت القعدته معها و عملت المعرض سبب لحضور الكويت ، ياحبيب و حسب علمي و معرفتي التامة بهذه المسائل ، كتاب من المنظمة التابعة ليها الأخت لوزارة الشؤون الأنسانية و المنظمات تطلب منها كتاب لوزار الخارجية السودانية بدورها توجه كتاب للسفارة الكويتية بالخرطوم لعمل فيزة لزيارة الكويت بقصد الدعم من قبل الهيئات و الجمعيات الخيرية
الكويتية ، فيزة واضحة وصريحة و أقبل ظني أن السفارة الكويتية لن و لم تمانع بمنح مثل هذه الفيزة لدور الكويت الريادي في العمل الخيري ، فبدل اللف حول الزيارة الواحد يسلك الطريق الصحيح و طلما العمل لوجه الله الواحد الأحد أكيد ربنا سبحانه و تعالي بسهل الأمور .
و إنشاء الله و بإذن الله عند حضور فخامة المشير سوار الدهب أحاول أن ألتقيه و أشرح ليه الموضوع ، مكانة سعادة المشير و سط أهل الكويت كبيرة جداً و أي تزكية منه تعني الكثير ،

_________________

 

الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: وزارة الشؤون الإنسانية اتقوا الله فينا ...‏   السبت 18 يونيو - 23:02

اخواني ود (الشريف) (التاي) شكرا" للتعقيب
وبعد المعرفة ...؟؟
العمل شنو عشان السفارة تتدخل وتوقف نزيف الشحده دا
وقطر الحريم الكل يوم والتاني جايات
شايلات كورهن ؟؟؟


نقطه مهمه
حكاية اشتريت الفيزه بمبلغ وقدرو دي ياود الشريف
ماجاية ... وقت انتي عندك قدر دا خليهم للمنظمه بتاعتك
وربنا ببارك فيهم بمشروع صغير وبزيدو مادام النية خير
موش جايات بارياح وبخور تيمان مافي زول عندو فكره عنهم


القصة ماالمشير سوار الدهب القضية في
انه الخارجيه والسفاره اول تخاطب الخارجيه
البدورها تنسق مع السفارة
الكويتيه في الخرطوم ... ويعرفو يعملو شنو
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: وزارة الشؤون الإنسانية اتقوا الله فينا ...‏   الأحد 19 يونيو - 17:54

الفاضلة أم أشرقت
عرفته إنه في شركة هنا تابعة للمعاض و عندها معرض دائم عارضة فيز الزيارة في السودان مقابل حضور الشخص و عرض ما جاء به بخور ، حنه شطة أي شيْ مقابل عشرة دنانير تدفع يومي ، يعني الناس ساوين المنتجات دي حجة و بدون تركيز الواحد يشيل القدامه و يتوكل على هنا ،بعدين و زي ما بيقولوا جائن عشان يخدموا المنظمات التابعين ليها و شايلين هم الأيتام و المساكين يمشوا بالدرب العديل و مافي داعي للفة الطويلة من المفروض وزارة الشؤون الأنسانية تضع ضوابط علي سفر ممثلي المنظمات عشان المسالة يكون فيها حفظ لكرامة البلد البيجو منها ( يا أخونا ما كده ، موديننا وين ) ، و طبعاً زي كلامنا ده ممكن يكون طق حنك ساكت إذا ما كان في تفاعل من جانب مجلس الجالية القادم بالتعاون مع السفارة ، كان بقه حنك و كان كلام ساكت أنا شخصياً ما حأسكت ، لحدي ما الموضوع ده يصل
بالمناسبة الجماعة لسة موجودين

_________________

 

الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: وزارة الشؤون الإنسانية اتقوا الله فينا ...‏   الإثنين 11 يوليو - 0:34

عن الجماعه ديل
حكاية يمشو الديوانات دي الا زول بعرف البلد يكون دلاهم عليها
وبكده يكونو كتروها خااااااالص وانشالله تتحل
الرجوع الى أعلى الصفحة اذهب الى الأسفل
 
وزارة الشؤون الإنسانية اتقوا الله فينا ...‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: