الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 قصيدة امدرمان(سوق الشجرة) (2/2)

اذهب الى الأسفل 
كاتب الموضوعرسالة
صديق العربي

avatar

ذكر عدد الرسائل : 44
الهوايات : كرة القدم - الشعر - النت
تاريخ التسجيل : 14/12/2010

مُساهمةموضوع: قصيدة امدرمان(سوق الشجرة) (2/2)   الأربعاء 29 ديسمبر - 1:02


سوق الشدرة (2)
صديق العربي
رجعت تاني
البت الكانت رايحة
بذات الحتّة
وذات اللفّة
.الفيها المويه الدافقة
..وفايحة
بريحه الفات..
..حلم زولين

***
بعند الزول
الكان راجيها
..من ما فاتت
قبل سنين
على ركن البيت
السقفو منتّف
...وحيطتو الدايبة
عاوزة تصنقّر
ولسه يتهتّف
طول الوقفة..
بزيدها أنين

***
الزول الكان راجيها
كان مستني
..وكان متحكّر
يمكن تاني تجيهو
..تعدلو وجيهو
بين اللحظة..
وبين الحين

وكان مبلول
بشوق راجيها
ورابط ألمو
..في أتر أمبارح
قاسم روحو..
....علي نصين

***
النص الأول
كان مستني
وألنص التاني معاها
..كان جواها
ولامن تمشي ..
تسوق ضلين

***
الزول الواقف
صابر وعاشم يتلقاها
لا مجنون ذي ما بقولو
عليه الناس
ولا مسلوب من الإحساس

***
وكان عارف
الخريف بجي
..واللواري بتقيف
في ذات الحتّة ..
..وذات الطين

***
ولامن رجعت
تاني البت الرجعت
شافت كل الناس..
..أتغير لونها
وحتى إحساسها
أتبدل فيها
وبقت الحلة
ماها الحلة
وضل الشاتي
قلب بغادي
والليمونة
بقت طاحونة

***
وحتى الدار
الكان يوماتى..
...بتتغشاها
بقت مسكونة
...وتسأل مين؟

***
غير الزول
الكان راجيها
..قبل تفوت
بخاطرو معاها
كل الحلة
بقت غير حلة
ومافي إجابة..
..لتلك السين

***
رغم الدهر
المرّ عليهو
ورغم غبار الزمن
الكتّح..
..حتى أيد يهو
فضل مستني
وعارف أمدو بوصلو وين

***
لأنها فاتت
قبل توادعو
وشالت
كل حاجاتو معاها
حتى الكان
داساهو العين

***
رحلت وطشت
هجرت
دون ما تحكي
وكتمت وجعو..
..في جوف أسرارها
بدون ما يشكي
شطرت قلبو..
...على نصفين

***
وجاتو أخيرا
وقفت عندو بتسأل
وين الحلة ؟
..وناس الحلة؟
وين (كنتين) الحاجّة
..وناس صابرين؟

***
وين الجامع؟
وود أبو سمرة..
..واسما عين
وزنك اللحمة
ست الفول
...الحاجّة خديجة
وحاج الشيخ الكان بجاي

***
مين الطمس الماضي؟
وهدّ ملامح..
السوق الراكز
..بنى طابقين؟
هردّم
كل ذكرانا الفيهو
..في غمضة عين؟
وحتى البوستة
..الحجر الشاهد
وشدرة ادم
..والترماي
كمان غايبين

***
وكانت لسه بتسأل
وزولنا بعاين
أكان بتمنظرفي عينيها
ومادّي حبال الصبر
البدأ يتقطّع..
...من أيديها
وجوه قليبو
جرح سكين

***
وبعد ما هدأت
..وسكنت برهة
أخيرا سألت وقالت:
آسفة ياعمو..
تطلع مين ؟

***
زولنا الكان راجيها
دون الخلق
سنين ودنين
جرّ نفس
طويل بالحيل
مرق تعب السنين الليل
.وقال ليها:

***
انتي الكنتى
زمانك في جوانا..
..وكنتي معانا
قبل نلقاكي..
قبل سنين
عشم العمر باكر...
فرح (مزنوق) بسد الدين

***
وكنا نشوفك
ذي نتطاول
وما بنفكّر
أصلو نفوتك
ابدآ..لا لا..
...ما بنحاول
خطانا معاكي..حدود العين

***
نمهّد ليكي
سر جيتك
..ونفتح في القليب ..
شارعين
تخشينا

***
وانتي الكنتى
يتمشي بهذا السوق..
..وهذا الشارع
خلال اليوم..
أظن عشرين

***
وتلقي (وليد)
ظريف ...ولطيف
خجول وعفيف
كان برجا كي ما باراك
ولما تهلّي
يسرح فيك
وحين ما تدخلي
..جوه الدار
بكون راجيك
وما معروف..
يكون لمتين؟

***
نذر ايامو
شان يلقاكي..
..أو يبقاكي
فرحو الكان ..
مشعلق فيكى..
شايلاه معاكي
وكان صابر..
لا جرجر ذيول كسرو
..ولا قاوم قيود أسرو
ولا حاجتين..
...وكان مسكين

***
والليلة يادابك
جيتي بتسألي ما خجلانة
انت مين؟
نسيتي زمان ..
نسيتي الكان
حليلنا الفوقها
..فرحانين
وما عارفين

***
أهي الدنيا
تطوف بينا..وتعود بينا
..وتودينا
محل ما بدينا نتوقّف
..نجيك راجعين

***
سكت لحظات
مرق غضب الخليقة
ضحك
ورفع أيدو
قدر ما الله أداهو
وكفت أحلامو ..
..في خدها
وقال ليها:

***
أنا القدر
الرجاكي عذاب
...كفاك روحك
وروحي معاكي..
لا أسفا
كفانا هنا
نموت أتنين
..وفاتو سوا
ولا أسفا






أمدرمان/ بيت المال 3يناير 2007

الرجوع الى أعلى الصفحة اذهب الى الأسفل
 
قصيدة امدرمان(سوق الشجرة) (2/2)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: المنتدي الثقافي للفنون و الأبداع-
انتقل الى: