بالتوفيق ان شاء الله
وياريت يتم التركيز على الفنون الشعبية والتشكيلية والموسيقى البحتة (حافظ عبد الرحمن أو مجموعة الفاتح حسين ، مثلا) ، وابعدوا لينا من الفنانين الغنائيين اللي شاركوا من قبل ، مثل حمد الريح وصلاح بن البادية .. واووووووووووعكم تجيبوا لينا عمر إحساس (زولي هووووي ، زولي هووووي) . الزول ده غايتو لو جبتوهو تبقى عوجة كبيرة ومن هسة أنا ما جاي حفلته.
اقترح دعوة فنان الشرق ود البدري ، فبالاضافة الى ان صوته ممتاز وأدائه مبهر ، فإن انعقاد مؤتمر لدعم شرق السودان في الكويت يعززه صوت البدري القوي.
والشعراء اقترح دعوة الأب محجوب شريف أو القدال (القدال ده ذاتو بيعزز مسألة مؤتمر المانحين بصديريه الشهير ، رغم أنه ليس من الاقليم) . وسيبكم من روضة الحاج..
موضوع: الاسبوع الثقافى من 2/12 الى 9/12 قائم باذن الله تعالى 
الخميس 14 أكتوبر - 20:17
