اليوم الترفهي ! سؤال بريء جداً

مميز عدد الرسائل : 2317 تاريخ التسجيل : 10/10/2007

نشكر مجلس الجالية السودانية بدولة على الهمة العالية المتفانية في دعوته الملحة و المستعجلة، لليوم الترفيهي غداً الجمعة: 16 / 04 / 2010 م بالجزيرة الخضراء.

سؤال بري جداً جداً جداً

ليه بكرة و بكرة ليه .

الله يجيرنا من متلازمة داروين ؟

يا ود الشريف خليك عميق ياخي ، وما تطرح زي الأسئلة المتعسفة دي . ما ح يجاوبوك عليها صدقني
المهم ، الإلحاح على قيام هذه (الرحلة؟) يوم الجمعة هو من باب الاحتفاء بـ (اكتساح) صاحب الشجرة في دائرة الكويت بعد أن يتم الفرز والعدّ اليوم الخميس. وطبعاً السيناريو كالتالي: الناس تتخمخم ، جلاليب وعمم وعمدان غداء وشفــّع يتجارو بين سواقي الموية والنجيلة في الجزيرة الخضراء ، والتصوير شغـّـاااااال .. ويوم الأحد عبد المعم عثمان يجيب الحضور كلو في صفحتو بتاعت جريدة الصباح ، وكمان تلقاها في سودانايل وقناة الشروق ذاتها .. والعناوين: أبناء الجالية السودانية بالكويت بحتفلون بالفوز المؤزر للقائد الهمام القوي الأمين عمر البشير . وبعد داك خلــّـي زول يجي ينكر ويقول لا والله انا ما شاركتَ ولا فرحتَ بفوز صاحب الشجرة (التي أخرجت أبونا آدم من الجنة!!) . وللا يقول دي ما صورتو وهو بعضعض في المشاوي ويقزقز بالكيوي ... إني آمنتُ بالله
ياخي أسمع .. ما بتعرف ليك طبيب شاااااطر يعمل لي عملية تجميل؟
عايز أشيل القنبور الـ في راسي ده ياخ
مجلس الجالية ده مما تأسس مرّت عليهو كم جمعة وجمعة؟ اشمعنى اليوم المفتوح يكون الجمعة دي؟مرّ عليهو كم عيد وعيد؟ كم عطلة وعطلة؟
بالله ما تهمل حتة دكتور التجميل دي

مميز عدد الرسائل : 2317 تاريخ التسجيل : 10/10/2007

قابلت الاخ مرتضي من شوية و سألتوا نفس السؤال ليه بكرة ؟

قال أنه ما خد موافقة المشروعات السياحية من شهر !

الفترة الطويلة القعدناها بالكويت الحبيبة عرفتنا بناسنا في المشروعات السياحية ! إضافة لعملنا بالجالية لدورتين سابقتن كان كفيل بأن ينعرفنا لأى الأماكن بياخدوا الموافقات .

ههههههههههههه
يعني ضحكتوني ضحك ياربيييييي
ربنا يسعدكم...
بداية بسؤال ود الشريف المابرئ ابدا"
والدكتور لاذالة القمبور
سلامتك وحاشاك ياابوها

ياودالشريف انت بتاع المحن البمشن ويردحن فعلا"

عدد الرسائل : 2 تاريخ التسجيل : 17/04/2010

طبعاً الأخ حسين له الحق في التساؤل واللذين نظموا هذا اليوم المفتوح الرد على هذا السؤال ....؟ ولكن الأمر العجيب هو تصدر نزار للأمر والرد نيابة عن الجهة المُنظِمة وذكره لإسمي ضمن الموضوع ورداً على ذلك له وللجميع هذه الحكاية الخيالية

يحكى في زمن ليس ببعيد من زمننا الأغبر هذا، وعند منحنى النيل الثاني عندما تتابعه من المنبع إلى المصب، وفي شمال السودان وعلى الضفة الغربية منه كما يحلو لأهلنا الطيبين هِناك أن يربطوا الاتجاهات الجغرافية باتجاه مجرى النيل الخالد وليس حسب الاتجاهات الجغرافية المعروفة حيث أن الشمس في كل مكان تشرق من الشرق وتغرب من الغرب ولكن في هذه المنطقة بالذات الشرق عندهم هو اتجاه الشمال الجغرافي والغرب هو اتجاه الجنوب الجغرافي لان مسار النيل في هذه المنطقة مختلف حيث يجري النيل من الشرق إلى الغرب، ويصر أهلنا هِناك على أن الشرق هو الضفة الأخرى المقابلة لهم .

في هذه المنطقة وفي قرية صغيره تربي الجد " بعنيب" وتزوج من ابنه عمه ورزق من الذرية سبع وهم " عمسيب، عنقريب، عرديب، عفنيب، عكريب أشميق، وهمبريب " وكانوا متكاتفين في حياه والدهم " بعنيب " وعندما توفي الوالد وتزوج جميع الإخوة نزح كلٌ منهم كعادة أهلنا في الشمال وأنشأ كل واحد منهم قرية وصار شيخ عليها وعاشوا حياه سهلة ورغده ولم يخالفهم في إدارة حياه أهل القرى إلا "عفنيب " و" عكريب " حيث مارسوا صنوف المضايقة على سكان قراهم وبدأ سكان القريتين يهجرونها الواحد تلو الآخر ويذهبون إلى قرى إخوانهم القريبة من قريتيهم والبعض الآخر هاجر إلى قرى أبعد من ذلك، وبمرور الزمن كادت القريتين أن تخوى على عروشهما وهنا شعر عفنيب وعكريب بحجم الكارثة وفكرا في إيجاد الحل لهذه الكارثة التي لا محالة قادمة واستقر رأيهم على استدعاء شقيقهم الأصغر " همبريب " ليحل لهم هذه المشكلة ونزل الشقيق الأصغر عند رغبة أخويه الأكبر منه وجلس معهم وقدم لهم الحلول المناسبة وبعد فترة عاد معظم سكان القريتين إلى ديارهم بعد أن تم إعادة كل حقوقهم المسلوبة وصار الشيخين يتقربون من السكان الجدد القدماء ويعاملونهم باللين ويشاركونهم في أفراحهم واتراحهم وصارت الرعية هي التي تحكم وأصبح عفنيب وعكريب طراطير .

يعني يا حصاحيصا عايز تقول إنو ود الشريف هو عقنيب ، وأنا عكريب؟ وإننا ح نبقى طراطير ساكت في (دوحتكم الغنــّـاء) التي للرعية فيها اللحم والراس ، والجلد والعضام للزعامات المتحولة إلى طراطير صحي صحي؟ هكذا تقرأ المشهد يا حصاحيصا ، ومنذ أول مشاركة لك؟؟ ياخي سلامة نظرك ونباهتك وحس دعابتك ذاتو. يا زول إنتَ بصحــّـك؟ ياتو يوم من أيام الله شفتَ ليك رعية بتحكم؟ والله لغاية أول أمبارح كنتَ قايل الأخ قبريال الاسترالي هو الوحيد الحالم في (زمننا الأغبر هذا) لحدي ما شفتَ أحلامك المبذولة هنا اليوم فقلت لنفسي : لابد من اعتذار صريح للأخ قبريال في استراليا الشقيقة. ونشيل الجردل ده وندرعو لـ حصاحيصا في رقبتو ، ومنذ أول مشاركة لنا معه ، عشان لو طاب له المقام معنا هنا ، ما يقعد يقدّنا بأحلام العصافير دي .
الشاهد يا صاحبنا ، إنو السؤال طُرح وانتهى. ولو كان ود الشريف يريد إجابة سرية عليه لما طرحه ههنا. ببساطة كان طرحو على المنظمين ـ وأنت منهم ـ في تلفوناتهم وينتهي الأمر.. لكن طالما كتبه هنا ، في منتدى مفتوح للغاشي والماشي، فلا بدّ أن ينبري أي غاشي وماشي للكتابة . ولا يهم إنْ لاقت هذه الكتابة استحسان أو استهجان زعامات الجلد والعضام في قرية بعنيب الوادعة.
عندما (تصدّر) نزار وردّ ، لم يكن ردّه في مقام الإجابة بقدر ما كان تهكماً من شرّ البلية التي تُضحك. ياخي حتى الضحك صار ممنوعاً في هذه الدوحة الغنــّـاء؟ وتقول لي الرعية بتحكم!!
المهم يا حصاحيصا ، وقد حصحص الحق الآن: ذاك كان السيناريو المعتمد من طرفي . وقصتك (الخيالية؟) دي أقطع ذراع ود الشريف صاحبي لو فهم مقاصدها كل أعضاء الملتقى.. هاتوا السيناريو بتاعكم وينتهي الموضوع . ياخي الليلة أنا شفتَ صورتك في جريدة الراي وانت الضحك شارطك ومكتوب تحت الصورة: الجالية السودانية وفرحة الفوز ،،، أو شئ من هذا القبيل ، وتقول لي عنقريب وعنكوليب !!

[size=12]تحيا قرية بعنيب وزعاماتها الطراطير الأشاوس

[/size]

مميز عدد الرسائل : 2317 تاريخ التسجيل : 10/10/2007

أخونا الحصاحيصا

لك تحياتي

يأخي عكريب و عنقريب عديل كده

تعرف لو لا و جود أمثالنا كانت الناس قعدت واطة ساكت

طبعاً سؤالي حق و مشروع جداً لأنه التوقيت كانت بخلي الواحد يتسأل بكرة ليه ؟

و ده كله خوف على هذا الكيان العظيم كما يحلو لاخونا ابو الزهور ان يسمي ( الجالية ) ذائد قناعتي و إيماني بصدق أخونا مرتضي ، بس ما كنته عاوز يجير اليوم لجهات تانية

حرصي عليك هوىً و من يعشق جميل يبخلُ،

ما الجالية دي بقت زي قصة الريدة القديمة و يسألوني عليها ديمة