ليه كده ؟ بالله البلد حاصل فيها شنو ؟

المتابع للصحف السودانية الأيام دي و خصوصاً الأحداث و الجرائم الخطيرة و الدخيلة علينا ، يشيل هم الرجعة الواحد مفكر يرجع ياخوانا مطفشينا ليه ، زمان الواحد يقعد كل أول شهر ويوزع المعلوم و يقسم المقسوم ، و عليك يا الله ،و ربنا يجمعنا بيهم ، و دعوات أخر الليل ( اللهم نسألك العفو و العافية و المعافاة في الدنيا و الأخرة ، و رد غربتنا سالمين تامين لآمين أمين يا رب العالمين ) و تجرفي لآمين دي لحدي ما توصل مطار الخرطوم ،

هسه دي القصة بقت صعبة تشيل هم البترسلوا ولاه همهم يا الله كيف حالهم وصلوا البيت و إنشاء ما لاقوهم ناس نطاط الحيط ، نحنا ناقصين ، كفاية ، هسة البت المسكينة دي ذنبها شنو ؟ قاعدة مبققة عيونها في القراية من كترة قطوعات الكهرباء و يجي واحد صايع مسطول بكل قبح الدنيا يطعنها و يسرق االلابتوب و المسكينة مخزنة فيه رسالتها و المناقشة بعد يومين و ين الأمن ؟ يا أخي كرهتونا القراية زاتها . قبل ما سموه غزو أمدرمان ؟ بيومين بس كان في تصريح مدير الشرطة أعتقد نجيب لانه رتبته ما عارفه من كتر الرتب و المنح السودان الأن يمكن في كدة ألف فريق من شرطة لجيش حقوا يساعدوا بيهم الفريق القومي من كترة التلطيش و الواقع علية ، أجي لتصريح السيد / نجيب تقراه و له تسمعوا تفتح بابك و تنوم قفه ،،، تاني يوم الجماعة دخلوا أمدرمان و شوية تنظيم ليهم كان بقينا في خبر كان ؟ و لاه تصريح العميد ابو بكر أحمد الشيخ (صحيح هنالك شبكات للدعارة ، لكنها ليست بالعدد الكبيروهيتحت السيطرة) مدير إدارة أمنالمجتمع يا أهلنا الحاصل شنو نقبل وين يعني ؟؟؟ .

و بعد ده كله دايريننا نصوت ؟؟؟؟ و نقول الروب .... و التوبة لحبوبة !!!

يا ناس الدنيا هوي الناس بهدلونا و جرسونا عديل كدة .