ياهو ده الفضل

الكريكاتير للدكتور النور حمد من موقع سودان فور اوول

.. وياهو ده ـ فعلاً ـ الـفـَـضـَـل

الابن نزار والله شوق بالكوم من هنا لي هناك

والله ياهو الفضل

ايام مايو حصلت حاجة قريبة من دي

كان الواحد راكب عربيته ومعاه زوجته يوقفوك في نص الطريق

ويقولو ليك المعاك دي منو ؟؟؟ سؤال عجيب بالحيل يا تبقه احمق

وتقبقب القدامك دا وتقع في المحظر يا كمان تاكللها في حنانك ومقلوب

على امرك . لكن الناس ديل فاتو الصغار والقدره

و د . النور حمد الله يديه العافية

صور الحالة بابداع منقطع النظير والمفروض الناس تكون زي ام احمد

كل واحدة تخلي الراجل يخلي القسيمة تحت الخدة ويكونو جاهزين للتليب

تحت تحت : هذا زمانك يا مهزل فمرحي

كن دائما بخير

التحيات والأشواق يا أبوي
الجماعة فقدوا المنطق وبقوا زي أعمى البصر والبصيرة ، يمسك كراع البقرة قايلها باب البيت ، يمسك الباب قايلو المزيرة ، يمسك المزيرة ويخش توووووووووش ، وما ممكن تقنعوا إنو دي مجرد مزيرة
خلـّوا عطش الناس ، ومسكوا في بنطلون لبنى
خلـّوا ظروف البلد المخجلة ومسكوا في قسائم الزواج..
وشغاليييييييييين يكنزوا في اليورو والدولار ويشتروا في البيوت والمزارع في الداخل والخارج

وصدق فيهم قول الشاعر حميد :
"فـِـقـَـراً * علينا اتربعوا
ديل لا بخافوا من الإله
لا بختشوا لا بشبعوا"

داهية تاخدهم دنيا وآخرة

* فــِـقــَـراً : جمع فــِـقـْرة ، وهي العنقرة السمينة التي لا يقطعها السيف ، وفي العادة يكون صاحب هذه العنقرة حرامي ، سارق الناس وعامل فيها أبو الشرف ذاتو

مميز عدد الرسائل : 2317 تاريخ التسجيل : 10/10/2007

الأخوة الأحباء الأعزاء نور ملتقاكم

عفواً أعزائي ، أنتهي زمن التعجب و الدهشة ، في البيحصل و الحاصل و الحيصل ، ده من ضمن إعادة صياغة الإنسان السوداني المغلوب و المقلوب على أمره ، ولسة التقيل وراء ، الله يكدب الشينة لكن أشنه من دي ؟؟؟

يا وطني

الذي تنهشه بنات آوى

و الكلاب و الذئاب و الذباب

وجهك آم سنبلة مشرقة

هوت علي حياتها

قنبلة

عاهرة … محرقة !

على عبد القيوم

ود الشريف يا حبيبنا
يا هو ده الفضل يا صديقي

البلد عايرة وأدوها سوط. ومافي أقبح من ده إلا القبح ذاتو.
ناس أم أحمد وأبو أحمد بشلوخ الضنى والإنكسار بأوجاع الزمن ، بقوا (أخوان) وكل واحد مدّي التاني ضهرو ، ويبلـّعوا في حبوب المرارة وفقر الدم ويتحنطروا بالجردقة ، وبرضو القسيمة وين؟؟ القسيمة عند رب العالمين

والله مهازل

مميز عدد الرسائل : 2317 تاريخ التسجيل : 10/10/2007

جنس ورطة ؟

بحسب إنتمانا للطريقة الختمية درج أهلنا علي أن يكون عقد القران في جنينة الحسيب النسيب مولانا السيد علي الميرغني ( رضي الله عنه ) ، و عقد القران يتم بالفاتحة ، لا قسيمة ولا ورقة حسب التقاليد الأسلامية

أهه ،،،، هسة مع عصبة ( النطاطين ) ديل ربنا يكون فى عونهم ، و ربنا يهديهم لطريقة مخارجة