لي ايدينا بنرفع والعازب كلو بيسمع
نفوسنا كتير مشتاقه للراعي دوام نتضرع
شعارنا عريس متواضع ياخي ياقدر اجمع
نحن البايرات في لهفه والعمر ولي وودع
نحن مساكين ياجماعه وللجنه دوام نتطلع
لو واحد قام واتقدم في لحظه نلبي ونسمع
بلاش عربيه خصوصي
مالو الكداري دا هسع
بلاش شبكه وشيله بي ابسط حاجه بنقع
البيت ماشرط عماره دي مظاهر ساكت تخدع
لي جنه نضيره نحول البيت الخرب البجمع
ماشرط تجيب تلاجه كفايه الزير البنقع
مادايرين كبده وشيه بي ويكه تقيله بنشبع
ما اصلوا شبابنا الودع ما ممكن تاني بيرجع
احلامنا الكانت بدري ما عادت تاني بتفع
دايرين الشاب الاغبش حتي لو فقران ومقطع
لا نو الفيهو الفايده ليهو دوام نتطلع
حياه الستره املنا ان شاء الله ربنا يجمع
نحن الله لينا ونشيل ايديناونرفع