الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 اسمعوا واضحكوا برااااحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: اسمعوا واضحكوا برااااحة   الأربعاء 29 أبريل - 16:01

لا حول ولا قوة إلا بالله

عندي صاحب سعودي وغد ولطيع ، شغال صحفي في لبنان ، اسمو احمد عدنان . كنا قد اشتغلنا معاً في مدينة جدة في عدد من صحفها ، ونشأت بيننا مودة من نوع خاص ، يشوبها التهريج الدائم : هو يتضاحك على ما يظنه كسلاً عند السودانيين ، وأنا اذله بما أراه من غباء السعوديين وافترائهم على عباد الله . وبعد سفرنا ـ هو وأنا ـ من المملكة استمرت اتصالاتنا عبر عدة وسائط وما تزال.
اليوم ، أشعر بأن عدنان انتصر عليّ وأذاقني المرّ ، حيث وجدتُ رسالة منه على بريدي الالكتروني مكتوب فيها سطر واحد هو : (ازيك يا وغد : هل هذا هو أمير شعرائكم؟) .. وتحت السطر الوحيد هذا الرابط :
http://www.youtube.com/watch?v=TFLdNPnjfP0

بسرعة فككت شفرة الرابط واستمعتُ الى خزعبلات زول (أظنو شايقي) يقال له أحمد محمد عثمان الحسن. فـ لا حول ولا قوة إلا بالله
عليكم الله أسمعوهو ، وحاولوا ما تضحكوا بصوت عالي .. وتأملوا طريقة الالقاء ونوعية العبارات والمسرحية الـ قاعد يعمل فيها الزول مقطوع الطاري ده
قال شنو ، قال (وتلفوني عـِشـِـق نغمتِـك يا سعاد) .. تطير عيشتك وعيشة سعاد

يا بوصطيف ، إنتَ بالذات ، أنصحك ما تستمع لهذا المخبول وانت في المكتب.. لما ترجع بيتك احسن
الرجوع الى أعلى الصفحة اذهب الى الأسفل
ود الخبير



عدد الرسائل : 37
تاريخ التسجيل : 05/04/2009

مُساهمةموضوع: رد: اسمعوا واضحكوا برااااحة   الأربعاء 29 أبريل - 16:25

الغالى نزو تحياتى اول حاجه قول لصاحبك احمد عدنان الزول دا طاشم واحتمال كبير يكون من حقهم بتاع السعوديه المابنقدر داك تانى حاجه احلف بى الله سعاد بتكون زى الواطه تالت حاجه قول ليهو دى طاش ماطاش حقتنا
الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: اسمعوا واضحكوا برااااحة   الأربعاء 29 أبريل - 18:42

ههههههههههههه هسي مالو ماشاعر شديد الزول دا

بالله ياابونا شوفو واسمعه وهو بقول سعاد يامزروعة فيني

هسي سعاد دي جكسوية ولا ام العيال لو الاخيره يكون خير وبركة ولو الاولي يبقي اتلوم
كيفن هو وعياله يفدوها Shocked Shocked

لفة
قلت لي شايقي Suspect
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: اسمعوا واضحكوا برااااحة   الأربعاء 29 أبريل - 19:05

سعاد الأشكال تطير إذا النفس أسيرة الرزائل
و معاها تطير السماحة إذا المغروس فيها باطل
جنس ضيق و جنس فلفسة و كوم عوارة ، ده شنو ده


عدل سابقا من قبل ودالشريف في الخميس 30 أبريل - 18:41 عدل 1 مرات
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: اسمعوا واضحكوا برااااحة   الأربعاء 29 أبريل - 23:08

تحياتي يا ود الخبير
أخوك لـ هسة ما ردّ لـ عدنان ، لأنو شاعرنا الهمام ده مـُـحرجني إحراج شديد خلاص
الزول ده لو عندي عليو سلطة ، بربطو في حجر وأرميو في المالح

غايتو إلا أقوليو : دي الكاميرا الخفية حقتنا
..
ما تنقطع يا حبيب
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: اسمعوا واضحكوا برااااحة   الأربعاء 29 أبريل - 23:19

يا أم أشرقت ، إنتي إلا يشركو ليك بأشرقت والشوايقة؟؟
سعاد حيرتنا ، لا عرفناها شجرة ، لا عرفناها كتاحة ، لا عرفناها جنزبيل .. مرة مزروعة ومرة "هيجت السكون" ومرة طعمها يلدغ في الحشا
كانت عندي قناعة إنو الشوايقة ديل أشعر منهم مافي . لكن الظاهر البطن صحي بطرانة . لأنو الزول ده لا شاعر ولا شيتين . إلا يكون شاعر بإنو أجلو قاعد يدق ليو في البيبان
قال ليها :" لقيتك شوقاً يشب" ،، يشب فيك النمل يا بعيد
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: اسمعوا واضحكوا برااااحة   الأربعاء 29 أبريل - 23:37

إتكيفتَ يا ود الشريف ، ها

كتابتك بالاخضر أوحت لي إنو لسان حال صاحبنا كان قاصد يقول لسعاد الحتة دي
يعني معناها الزول ده ما كان بيتغزل في سعاد.. كان بيرثي في نفسو . معناها ماخد رزعة قوية في دماغو
وشتان ياخي بين سعاد دي ، وسعاد الطيب الدوش الـ قال فيها : (
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش) ...

وقال : (
يا سعاد تعالى ولمِّى من كل البيوت
عِدَّة السَفَر الطويل
زَخْرِفى الفجر النهار
شخْبِطى الضُحى والأًصيل
المَغْرِب
الفجر
النجوم.
فى صُرَّهْ وارمِيها البحر
خلِّينَا فوق الشك نَعُوم) ..
ياخي رحم الله الدوش
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: اسمعوا واضحكوا برااااحة   الأحد 3 مايو - 0:11

يا ولدي هوووووي ابعد عن الشوايقة
لكن دا شاعر بلدغة عقرب الظاهر
والله الزول دا تلب من نظري عديللللللللل
وشرط عينا وخلاك في موقف لا يحسد
عليه احد . وسعاد دي الظاهر شجرة يا الزول
دا رايح ليه زرعة
ومعها تطير السماحة اذا المغروس فيها باطل
غايتو جنس جنسو
الرجوع الى أعلى الصفحة اذهب الى الأسفل
مصطفى يوسف فضل
عضو نشط
عضو نشط


عدد الرسائل : 588
تاريخ التسجيل : 11/10/2007

مُساهمةموضوع: رد: اسمعوا واضحكوا برااااحة   الأربعاء 6 مايو - 17:06

والله يا نيز طبعا أخوك من شلاقته حصل لي موقف عجيب شوية الكمبيوتر كان بيتفرمت ويادوب جابوه لي وطبعا قريت نصيحتك وما اشتغلت بيها وعلقت ليك سماعات كباتن الطيارة وأديتها ليك صوت وقلت لليوتيوب اشتغل وشاعرك الشايقي يتمايل وانا الضحك يشيل ويعلى وفجاة انتبهت ليك برءوس أخواننا المصريين من فوق البارتيشن انت طبعا متوقعني اقول ليك انه بطلت الضحك وبس اسمع ليك المزرووووووووووووووووووووووووعة فينييييييييييييييييييييييييييييييييييييييي وعيار الضحك يزيد غايته زي ضحك الليلة ده ما مر علي قريب الله يديك العافية وأما شاعرك ده فهو كما قال كمبلاوي شاعر بعضة عقرب أكيد وبما انه شايقي وعشان أختنا أم أشرقت ما تزعل (كفاية زعل اشرقت) فخليها بدون تعليق لغاية ما نقابلك ونلتقيك يا الحبيب

_________________
أجمل التاريخ غدا
الرجوع الى أعلى الصفحة اذهب الى الأسفل
 
اسمعوا واضحكوا برااااحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: