لو قدرت تعرس....قابلني

فتح خشم، الشبكة، الشيلة،المهر، السكر، الفحم ، البصل ،
الدقيق ، الزيت ، العجل ، الطباخين ، حنة العريس، حنة العروس،
عزومة العريس، عزومة العروس، الصالون، فستان الزفاف، الحنة
فطور العريس، حفلة النادي، الفندق...... لو قدرت تعرس... قابلني

طاهر يا اخوى العرس عرس والماعرس ما خليتلو مجال يفكر فى العرس مالك كسرت قلب العزاب وشغلك دا تخويف عديييييييييييل وتحريض الله يكون فى عون البيقراء بوستك دا

انا غايتو يا الطاهر عملت اثنين وبفكر فى التالتة الان رغم كل الحاجيات الموجودة دى
المهم يا صاحبى انت ابدأ وصدقنى الباقى بنتم
وزى ماقل صاحبنا زمان العسكرى الساساق الدايره ما بنتم بس هنا العرس بنتم

محمد التاى كتب:

وشغلك دا تخويف عديييييييييييل وتحريض الله يكون فى عون البيقراء بوستك دا

خلاص بقيت عليه يا ود التاي .. ما تخاف
إعمل بنصيحة نبيك الذي ( لا ينطق عن الهوى إن هو إلا وحي يوحى ) حيث قال
( إظفر بذات الدين تربت يداك )
سيبك من ( فتح خشم، الشبكة، الشيلة،المهر، السكر، الفحم ، البصل ،
الدقيق ، الزيت ، العجل ، الطباخين ، حنة العريس، حنة العروس،
عزومة العريس، عزومة العروس، الصالون، فستان الزفاف، الحنة
فطور العريس، حفلة النادي، الفندق )
بشنطة هدوما بس ، وبعدين قول ليهم يصير خير - فكر لبكرة
حاول تسفيد من خبرة أخونا الصادق .. أظن والله أعلم في بعض الحاجات كدا زحلقها .. والله عاقل

الطاهر .. بالله .. كل الحاجات دي عملتها ولا حتعملا ؟ الله يعينك لو عملتها أو فكرت تعملها

تحياتي

لكم التحية الأخوة الأعزاء/ محمد التاي، الصادق سليمان، قواسمة
القصد من المقال ليس التخويف من الزواج، القصد انو الواحد يشيل شيلتو
أقصد شيلة النكبة ما شيلة العرس، الأخ الصادق اشجعك على التالتة بس حاول
تسرع لانو المتطلبات حتتضاعف وتدخل فيها كريمات الاساس والتبييض وفتح
البشرة من كل واحدة دستة، أخي القواسمة أنا دخلت في المعمعة من فترة بأقل
الخسائر، فقط مصابين وجرحى وكسور، ويا دار ما دخلك شر.

نحن محتاجين فصول لمحو الأمية الإقتصادية عشان أم العروس تفهم علاقة الإقتصاد العالمي وتأثيراتها على الشيلة،، لازم يعرفوا الوول ستريت ونيكاي وارتفاع وانخفاض الدولار وأسعار البترول والدهب (طبعا هذا الأخير هو كل مايهمهن)،،،، وحتى ذلك الحين ،، فالعزوبية هي الملاذ ،، أيا كان نوعها ،،، فالعزوبية (وهذا موضوع آخر) هي أنواع،، وهي علم متكامل إنبثق من فلسفة عميقة وهي (الباب البجيك منو الريح)،،،
إليكم بعض أنواع العزابة الرجال (بإختصار شديد)،، (عزابي مجهجه وعزابي مجييه)و (عزابي راغب (بيفكر في الزواج)،، وعزابي راهب (دي بي طينه ودي بي عجينة))،، وعلى اختلافهم إلا أنهم يتفقون في على قاعدة واحدة ،،، ملحوظة،، كلمة عزوبية تشمل كلا الجنسين رغم أن الجمع بين الجنسين تحت هذا المسمى الموحد يقلل من فعالية الكلمة نفسها،، وأخوانا الطاهر والصادق ،،، أدونا الوصفة السحرية ،،،،