الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 سودانيين (بدون)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: سودانيين (بدون)   الأحد 19 أكتوبر - 17:34

هذه حقيقة،، فالسودان رغم كبر مساحاته ولكن هنالك احصائية تقول أن أكثر من ٦٥٪ من السودانيين لا يملكون قطعة أرض،، وأغلبهم من المغتربين من الجيل الجديد (اربعين سنة وما دون) ،،، وهؤلاء يستحقوا أن نسميهم (بدون) لأن لهم وطن في القلوب ولكن لو عادوا إلي هذا الوطن يكونوا لاجئين لدى الأهل و (البيت الكبير) أو في بيوت الإيجار حتى نفاد الكمية (كمية القروش وحصاد الغربة) ،، هذا الحصاد الذي أصبح في هذا الزمن حصاد أرض بور ناشفة ما فيها (التكتح)،، ولا عجب في أن يعود المغترب أحيانا من الإجازة وهو مديون وعينو طالعة ،، والأعجب من ذلك مازال هنالك من يصر أن يعبئ الشنط بكل ما تقع عليه عيناه وما يصل إلى سمعه من أنواع الهتش والخموم ليسعد بها ناس ويشقى آخرون هو أولهم، وهذا موضوع بوست منفصل،، الموضوع الذي احببت طرحه هنا عن مدينة النخيل ،، وهو مشروع سكني يوفر أراضي بالأقساط الشهرية ولمدة سنتين (٢٤ شهر) ،، معلومات المشروع الرسمية ممكن تجدوها في الموقع الخاص به وهو

موقع مدينة النخيل

أما المعلومات المستندة على التجربة الشخصية فأوصيكم بود الشريف والعمة بت الشريف (نعمات )

ولكنني رأيت الأرض بأم عيني في السودان وذهبت وقابلت مدير المشروع وهو يمني الجنسية ،،، ولسوء الحظ لم أحصل على قطعة،،، ولكن سمعت الآن أن هنالك فرص جديدة أرجو أن يمدنا من له علم بهذا الأمر ،،، والموضوع مهم للغاية
الرجوع الى أعلى الصفحة اذهب الى الأسفل
http://q8sudan.yoo7.com
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الأحد 19 أكتوبر - 18:40

Abdlwahab كتب:
والأعجب من ذلك مازال هنالك من يصر أن يعبئ الشنط بكل ما تقع عليه عيناه وما يصل إلى سمعه من أنواع الهتش والخموم ليسعد بها ناس ويشقى آخرون هو أولهم، وهذا موضوع بوست منفصل،،
نترقبه بشغف
Laughingهل تصدق عندما قرأت عنوان البوست زهني مشى طوال لنصف سكان السودان الذين يعيشون بدون جنسية ولا يحزنون Laughing Laughing
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: سودانيين (بدون)   الأحد 19 أكتوبر - 20:02

الأخ قواسمة لكم تحياتي العطرات،،،
تعرف أنو تسعين في المية من هدايا المغتربين السودانيين ممكن تكون غير ذات فايدة في تخفيف معاناة أهاليهم،،، ناهيك عن احتمال أن تكون هذه الأشياء غير ذات حوجة أصلا وأولها الملابس (الدلاقين) ،،، لسة في ناس شغالين بنظرية (الكسوة) التقول كسوة الكعبة!!!،،، يعني هل اهلنا منتظرين سنة كاملة عشان كم قميص وفنيلتين أو ساعة سيكو فايف،،، الزمن تغير تماما،، والاهتمامات تغيرت،،، اتذكر وأنا صغير حبوبتنا جات من الحج وجابت لي شبشب (شباشب الحج ديك لو تتذكر) ،،، أها لسة في ناس بي نفس هذا الفهم مازالو ،، وان اختلفت الموديلات،، للحديث بقية ربما في مكان آخر
الرجوع الى أعلى الصفحة اذهب الى الأسفل
http://q8sudan.yoo7.com
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: سودانيين (بدون)   الأحد 19 أكتوبر - 20:21

[size=18]
والله ياخ عبدالوهاب نحنا لاارض لاوطن
فالازض هيه الوطن الصغير والمكان الذى تعيش
فيه وسط الوطن الكبير فالواحد اذا لم يجد المكان فمعناته
( لامكان لاوطن)
الوطن المحتل
[/size]
الرجوع الى أعلى الصفحة اذهب الى الأسفل
محمود سليمان
عضو نشط
عضو نشط
avatar

عدد الرسائل : 245
تاريخ التسجيل : 28/06/2008

مُساهمةموضوع: رد: سودانيين (بدون)   الأحد 19 أكتوبر - 23:29

الاخ عبد الوهاب
هنا مربط الفرس 000 قطعة ارض 000 وشنطة ملابس للاهل عاده من عاداتنا ما بتحلة
الحكاية عاوزه صبر والغربه ما اصبحت الغربه التي تسد الحوجه
الحكاية في الاخر عاوزه قناعة
والغربة اصبحت غربه عكسيه كفاية هروب من الواقع احسبه صح الزمن ماشي وما يتوقف وكلها من عمرنا في الضياع
وعندما تعود الي دار الوطن
نجد انفسنا غرباء مع مرور السنين التي قضينها في دار الغربه

.
الرجوع الى أعلى الصفحة اذهب الى الأسفل
صلاح ساتى
عضو نشط
عضو نشط


عدد الرسائل : 215
تاريخ التسجيل : 24/03/2008

مُساهمةموضوع: رد: سودانيين (بدون)   الإثنين 20 أكتوبر - 13:59

الحبيب وهبة
سلاااامات
اولا نحن مغتربين عن الوطن وايضا فى الوطن
ثانيا الغربة فى الوطن الوطن يبدا مجرد دفع باقى
فلوسك فى الميران ياما ناس رجعت للكويت عشان
تشترى الصلصة للعرس وياما ناس كان المفروض عليهم
جعل الشنطة اربعين كيلو ولما حاولنا ننقص اتضح نصف الشنطة
خبز لبنانى
والتجربة كانت لما رجعنا من الغزو حتى البيت الكبير كان شبه طارد
لنا هنالك سوال
فى زول ممكن يقعد مع امه وابوه او فى زول قعد معاهم؟؟؟؟
والوطن والمواطنة تبدا من العش او البيت الصغير
للحديث بقية والموضوع مهم وكبير جداااااااا
الرجوع الى أعلى الصفحة اذهب الى الأسفل
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الإثنين 20 أكتوبر - 15:03

صلاح ساتى كتب:
ياما ناس رجعت للكويت عشان
تشترى الصلصة للعرس
Laughing Laughing Laughing Laughing Laughing
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: سودانيين (بدون)   الإثنين 20 أكتوبر - 18:57

يا كمبلاوي الوطن محتل ؟؟ ولا مختل؟؟ لأنو كلما أرجع اجازة للسودان أحس الحال في حالو من الناحية الاقتصادية،، لسة الناس بتزهج من زيادة تعرفة المواصلات،، ولسة الحاجات غااااااالية وإن كانت فيها وفرة فذلك بسبب عدم مقدرة ناس كتار من الشراء ولو ما مصدقني أمشي شوف شارع اللواء طلعت فريد،،، والمفارقة العجيبة جدا (من ناحية أخري) تجد من يشحد حق الرغيف وشايل نوكيا N95 وسماعة بلوتوث وسايق ١١خ ويتكلم بالساعات كمن لا يخشى كملان الرصيد،،،،،،، حاجات ما بتتفهم
محمود سليمان: اتفق معك عايزة صبر
ساتي فعلا الموضوع كبير ومتشعب ،، لكن عايز جرأة في التناول والنقاش مفتوووووووح يا قواسمة
الرجوع الى أعلى الصفحة اذهب الى الأسفل
http://q8sudan.yoo7.com
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الإثنين 20 أكتوبر - 19:54

السودان بلد العجائب والمصائب
إن أنسى .. لا أنسى ( زرة ) من الزرزرة Laughing من اثنين شحادين عند المسجد الكبير في الخرطوم ناحية ميدان الأمم المتحدة في ذات يوم مضى
ولكننا يا وهبة نهواه ونحن غرباء فيه وخارجه

ولكن تعبير صديقنا كمبلاوي دا بأنه ( الوطن المحتل ) يملؤني كثيرا من الاستقراب
أن أعرف أن هناك أراضٍ عربية بعينها محتلة
فهل السودان من تلك الأراضي
سأتفق معه في حالة واحدة فقط
إذا قال لي أن السودان محتل من قِبل الألوف من القبائل الأفريقية المهاجرة إليه من كل حدب وصوب
أما أن يكون محتلا من أصحابه الأصليين فذلك محل شك
كمبلاوي أخوي بلاش تسألني مين أصحابو الأصليين ديل .. عشان ما عندي إجابة Laughing Laughing Laughing
إمكن الأحزاب المعارضة أو الحاكمة ، الله أعلم
هذه النافذة ممتعة يا وهبة .. يديك العافية
مع خالص مودتي
الرجوع الى أعلى الصفحة اذهب الى الأسفل
صلاح ساتى
عضو نشط
عضو نشط


عدد الرسائل : 215
تاريخ التسجيل : 24/03/2008

مُساهمةموضوع: رد: سودانيين (بدون)   الثلاثاء 21 أكتوبر - 16:24

سلامااات
تعرفوا فى واحد من جماعتنا مغترب ليه فترة طويلة وجاء السودان وكل يوم عزايم وضبايح
فى اسبوع ابتدا يسلف عشان يرجع وكمان يخلى مصاريف لاهله
اطرف شىء فى كل العزايم يااولاد جيبوا الخبز يااولاد جيبوا الخبز نسى حكاية العيش والرغيف
الجماعة سموه على خبز
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: سودانيين (بدون)   الثلاثاء 21 أكتوبر - 21:52


ولكن تعبير صديقنا كمبلاوي دا بأنه ( الوطن المحتل ) يملؤني كثيرا من الاستقراب
أن أعرف أن هناك أراضٍ عربية بعينها محتلة
فهل السودان من تلك الأراضي
يااخ قواسمه زمان اجدادنا لاشترو لا باعو
وكان كل مجموعة منهم تقطن فى منطقة
والجد الكبير بلم اولاده من حوله في ما يعرف بالبيت الكبير
ولمن يتزوج واحد يده قطعة ارض حول المنزل الكبير اى من ضمن الحوش
مش حيشان الزمن ده بمعنى اخر الاسرة نوات المجتمع زى ما الكل عارف فمن الاسرة الصغيرة تتكون عدة اسر
وكلها تسكن فى منطقة واحده وده ود عم ده ود خالت ده وكونو المجتمع الصغبر . ولكن لمن نحنا نجى فى زمن
كان عندك امكانيات وعايز تشترى حيكون بعيد من اهلك وناسك وكان ربنا راضى عليك ودخلته قرعة الاراضي
دى حاجه ثانية مثلا ساكن الحلفاية والقرعه تقع ليك فى الكلاكله سنقعت ولو ما قبلته يقوليك ده اخر تقسيم انتظر التقسيم الجاى بعد
عشرة سنوات بالمعنى القريب الاب فى سنار والابن فى سنقعت يعنى حصل تفكك فى الاسرة اى المجتمع الصغير ووصل الى الكبير يعنى فى ناس الجار ما بعرف جاره
اه دا ما احتلال
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: سودانيين (بدون)   الثلاثاء 21 أكتوبر - 22:04

Abdlwahab كتب:
يا كمبلاوي الوطن محتل ؟؟ ولا مختل؟؟ لأنو كلما أرجع اجازة للسودان أحس الحال في حالو من الناحية الاقتصادية،، لسة الناس بتزهج من زيادة تعرفة المواصلات،، ولسة الحاجات غااااااالية وإن كانت فيها وفرة فذلك بسبب عدم مقدرة ناس كتار من الشراء ولو ما مصدقني أمشي شوف شارع اللواء طلعت فريد،،، والمفارقة العجيبة جدا (من ناحية أخري) تجد من يشحد حق الرغيف وشايل نوكيا N95 وسماعة بلوتوث وسايق ١١خ ويتكلم بالساعات كمن لا يخشى كملان الرصيد،،،،،،، حاجات ما بتتفهم
محمود سليمان: اتفق معك عايزة صبر
ساتي فعلا الموضوع كبير ومتشعب ،، لكن عايز جرأة في التناول والنقاش مفتوووووووح يا قواسمة




والله يا عبد الوهاب من اجمل المواقف القابلتى فى حكاية الشحدة دى ، جانى واحد لابس نضيف بنطلون والقميص
مطقم على الاخر بالنسبة لنا هو المغترب المهم قال لى والله يا ود العم انا خجلان منك لكن مجبور واتوسمت فيك الخير
فى الحقيقه كان معاى قروش اتسرقة منى وانا بس عايز حق المواصلات طبعا لم تشوف واحد زى ده لازم تصدق وبعدين
ما ممكن تديه الف جنيه اقل شئ خمسه المهم اديته المقسوم ودخلت مكتب الطيران لمن طلعت لقيته موقف واحد تانى
ومشغل ليه نفس الاسطوانه مريت من جنبه هز راسه وابتسم ابتسامه فى لحظته كنت عايز اخنقه
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: سودانيين (بدون)   الأربعاء 22 أكتوبر - 13:56

أنا تصورت أنو كمبلاوي يقصد احتلال بمعنى الهجرة العشوائية من الريف إلى المدينة وبالتحديد الخرطوم كما ورد عن مسؤول في الولاية سابقا أن عدد سكان الخرطوم كان عام ٩٦ حوالي ٤ - ٥ مليون نسمة ،، ونسبة الزيادة السنوية ٣٪ .. والهجرات ليست من العناصر العربية فقط كما يروج لهذه الفكرة الكثيرين والتندر على (أهل العوض) وغيره،، ولكن أكثرها ممن العناصر الأفريقية ويقول حسن مكي "أن عدد العناصر الإفريقية قد تضاعف في الخرطوم نحو مائة وثلاثين مرة ... ٨٥٪ لا يملكون مسكنا صحيا ،، بل في الأطراف النائية بدون صرف صحي ولا مياه شرب وطبعا بدون تعليم ،،،، معظمهم يعتمدوا على المهن الهامشية والشحدة والسرقة ،، وزي ما قال بانقا زمان أن الانفجار الحقيقي لم يأتي بع ولكنه قريب،،، عارفين الهجرة العشوائية دي بتعمل شنو!!! نقص في المياه حتى أن الاستحمام بالدش اصبح ترف،، أغلب الناس بتستخدم تقنية جديدة اسمها ( أحيي ووب (الحمام بالجردل))،، وأزمة في المواصلات ،،، وتفشي الأمراض بسرعة شديدة مع عدم القدرة على السيطرة عليها لأن المستشفيات مليانة والناس عيانة والأدوية كملانة حتى مرض البلهارسيا واسم الدلع بتاعا (الاسهالات المائية) جاتنا تاني وانتشرت بسبب تغوط البشرية في مياه النيل والخيران وتحت حيطان السوق العربي،،،، كل ذلك والحياة لا تتوقف،، فالناس يتناسلوا ويزيدوا (سنة الحياة)،،، ويا رازق السمكة في بحرا ...
وأمدرمان هي الأكثر ضررا من بقية المدينتين الآخريين لانو فيها أغلب معسكرات النزوح وتمتاز بنسبة عالية في السكن العشوائي ،، اضافة لأنها دائما كانت مهملة من الحكومات المتعاقبة ( حتى في عهد الخليفة عبدالله التعايشي) خصوصا في تنمية البنى التحتية ، الصرف الصحي والمياه والشوارع ..... يتبع
الرجوع الى أعلى الصفحة اذهب الى الأسفل
http://q8sudan.yoo7.com
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الأربعاء 22 أكتوبر - 14:40

هل يمكن القول - أننا شعب عشوائي ؟

ناقشني صديق ذات يوم فقال لي بالحرف الواحد

نحن شعب لا يرى أبعد من أرنبة أنفه !

وكان موضوع النقاش

التخطيط
و
التنمية البشرية
في السودان

---------

تحياتي
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: سودانيين (بدون)   الأربعاء 22 أكتوبر - 15:34

والله يا قواسمة ذكرتني ،، في قناة الشروق استضاف المذيع (أبوعرب) واحد اسمو مين كدة محجوب مسؤول التخطيط الاستراتيجي بالسودان،، وتكلم عن كيف أن عدم التخطيط أثر على مسيرة التنمية (بمعناها الشامل) ،، وأي حاجة بدون تخطيط مصيرها الفشل عاجلا أم آجلا،،، ده غير إهدار الموارد والوقت (ودي طبعا لا تخفى على أحد في السودان)،،، ومن الظلم أن نتهم حكومة محددة بالتقصير في التخطيط الاستراتيجي لأن التخطيط المقصود هو الرمي للأهداف البعيدة والطويلة المدى،، فالتخطيط الاستراتيجي أولا يحتاج إلى استقرار سياسي ثم إلي عقل جمعي يتفهم أهمية التخطيط والمحافظة على الموارد المتاحة وتنميتها،،،،،
أما اذا كان قصدك العشوائية على المستويات الشخصية،،، فإن هذا من ذاك ،،
شنو رأيك في مقولة المصارنة والعرب في كسل وعشوائية السودانيين؟؟
سمعت بي الاعلان التلفزيوني (قناة ام بي سي) عن زيت طعام يعطي النشاط والحيوية بعد تناوله،، جايبين فيهو سوداني وزوجتو في الأول شكلهم كسلانييييييين ومرخمين ،، ولكن بعد تناول الطعام بالزيت إياه دب فيهم النشاط كأنو مسهم شيطان،،،،، ده غير النكات والصور في النت التي تروج إلى كسل السوداني ،،،
الرجوع الى أعلى الصفحة اذهب الى الأسفل
http://q8sudan.yoo7.com
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الأربعاء 22 أكتوبر - 15:51

Abdlwahab كتب:

سمعت بي الاعلان التلفزيوني (قناة ام بي سي) عن زيت طعام يعطي النشاط والحيوية بعد تناوله،، جايبين فيهو سوداني وزوجتو في الأول شكلهم كسلانييييييين ومرخمين ،، ولكن بعد تناول الطعام بالزيت إياه دب فيهم النشاط كأنو مسهم شيطان،،،،، ،،،

لا والله يا عبد الوهاب ما خليت بالي Laughing Laughing Laughing Laughing Laughing Laughing Laughing
حقا شر البلية ما يضحك Laughing Laughing Laughing Laughing
هناك أشياء كثيرة من هذا القبيل
لكن يا عبد الوهاب لماذا أجمع العرب العاربة والمستعربة على كسلنا ؟؟
ما بعيد يكون أبناء العم سام لديهم نفس النظرة !!! Laughing
معليش البوست دا خليه عام يعني .. وحأقوم بعمل رابط ليه في الاتكاءة

بالمناسبة هل هناك كسل ( خلاص صدقنا إنو نحن كسلانين Laughing Laughing ) أقول هل هناك علاقة بين بين كسل ناس الداخل وكسل ناس الخارج ولا ناس الخارج ما كسلانين ؟؟

تحياتي
الرجوع الى أعلى الصفحة اذهب الى الأسفل
عمر هاشم



عدد الرسائل : 4
تاريخ التسجيل : 09/09/2008

مُساهمةموضوع: رد: سودانيين (بدون)   الأربعاء 22 أكتوبر - 16:47

الوطن والأرض
الأخ محمد عبد الوهاب
أريد أولا ان أحدد ما نبحث عنه : وطن ام ارض؟
لاأدري لكن اظن - وبعض الظن إثم- ان وطنا السودان موجود وسيظل هو الوطن طالت سنوات ابتعادنا عنه ام قصرت، وسواء تمكنا من شراء قطعة ارض فيه ام لم نتمكن من ذلك. وبنفس القدر فوطنا السودان هذا لن يكون وطنا للآخرين الذين تمكنوا من شراء آلاف الأفدنة فيه مستثمرين كانوا او غاسلي اموال ام غير ذلك. فالوطن ليس موقع جغرافي فقط وانما مجتمع بمكوناته الثقافية التي تميزه عن غيره من الأوطان

أما الأرض - والله يدي كل واحد قطعة سكنية بالحجم الذي يريد في الركن الذي يريد- مش الله بيدي الجنة، اقول البحث عن ارض بغرض السكن فأصبح البحث عنها في أي مكان فيه راحة البال ، وحتى بعض السودانيين اليوم ماعندهم حرص على ارض في السودان واختاروا شقة في دول اخرى ، مصر او سوريا اوغيرهما.

قضية اخرى او سؤال آخر : السودان ده هو الخرطوم فقط؟ طبعا لا. سودانا كبير وواسع أي يسعنا كلنا وغيرنا معانا، بس كدي ننظر ابعد شوية من شمال الجيلي و امدرمان ، ومن جنوب مدني ومن غرب الأبيض ومن شرق الحاج يوسف. والله كمان الأراضي مش رخيصة وبس وكمان للزراعة والسكن وراحة البال مع البساطة والناس الطيبيين. لكن كل شئ بثمنه. نحن عاوزين عيشة المدن الماخمج، بس خوفي ننتهي ونكون لامدنا بنيناها ولا قرى حافظنا عليها . وفي الحالتين ضاع البلد ، وآه آه آه يابلد
ودمتم
الرجوع الى أعلى الصفحة اذهب الى الأسفل
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: سودانيين (بدون)   الأربعاء 22 أكتوبر - 17:41

[/font][/color][font=Times New Roman][color=black]عمر هاشم[/color][/font][color=black][font=Verdana] كتب:
: السودان ده هو الخرطوم فقط؟ طبعا لا.
طبعا لا يا دكتور عمر .. أتفق معك إلى حد بعيد جدا
في نظري واحدة من أهم أسباب المشكلة ( بصورتها العامة والواسعة ) هي تلك النظرة الضيقة ، فكثير من سياسيينا وقادتنا تعاملوا مع السودان الوطن على أساس أنه ( العاصمة المثلثة فقط ) وأهملوا بقية الأقاليم المترامية الأطراف ، وأهملوا المدن الكبيرة التي إذا نظروا إليها نظرة جادة لجعلوها من أجمل مدن العالم خصوصا تلك المدن التي يحتضنها النيل ، كمدني وسنار وكوستي أو تلك التي يحتضنها البحر كبورسودان ، أو تلك التي تحضنها الخضرة والماء والوجه الحسن ( حلفا - القضارف جبا - ملكال ... ) أو تلك التي تحتضنها الصحراء كألبيض ونيالا والفاشر
الجُرح كبير أخي الكريم ...لأن التهميش كان هو السياسة العوجاء أو العرجاء التي اتبعتها حكوماتنا المتعاقبة طيلة هذه السنين ، واليوم يدفع السودان والسودانيين الثمن الباهظ لتلك السياسات
أخونا كمبلاوي مثلا يقول ما يلي :
[quote="[/font][/color][font=Times New Roman][color=black]كمبلاوي[/color][/font][color=black][font=Verdana]"]
زمان اجدادنا لاشترو لا باعو
وكان كل مجموعة منهم تقطن فىمنطقة
والجد الكبير بلم اولاده منحوله في ما يعرف بالبيت الكبير
ولمن يتزوج واحد يده قطعة ارضحول المنزل الكبير اى من ضمن الحوش
مش حيشان الزمن ده بمعنى اخرالاسرة نوات المجتمع زى ما الكل عارف فمن الاسرة الصغيرة تتكون عدة اسر
وكلها تسكن فى منطقة واحده ودهود عم ده ود خالت ده وكونو المجتمع الصغبر . ولكن لمن نحنا نجى فى زمن
كان عندك امكانيات وعايز تشترىحيكون بعيد من اهلك وناسك وكان ربنا راضى عليك ودخلته قرعة الاراضي
دى حاجه ثانية مثلا ساكنالحلفاية والقرعه تقع ليك فى الكلاكله سنقعت ولو ما قبلته يقوليك ده اخر تقسيمانتظر التقسيم الجاى بعد
عشرة سنوات بالمعنى القريب الابفى سنار والابن فى سنقعت يعنى حصل تفكك فى الاسرة اى المجتمع الصغير ووصل الىالكبير يعنى فى ناس الجار ما بعرف جاره
اه دا ما احتلال


[/size][/right][/quote



يعني كمبلاوي ساكن الحلفايا .. وحيزعل لو أدوه قطعة أرض درجة أولى ناصية على ثلاث شوارع ، أحدهم شارع رئيسي في الأزهري مثلا .. حيقوليك الحلفايا وبعدها الطوفان Laughing Laughing ، وهو يرى الكلاكلة صنقعت منفى .. فكيف الحال إذا القرعة وقعت ليه في سنار مثلا



حاشية 1 - لدي صديق كويتي بيتهم في ضاحية عبد الله السالم ، ولكن جل وقتهم في أم الهيمان

حاشية 2 - عديلي لديه دكاكين وأملاك في الخرطوم .. ولكنه يسكن سنار ، ويتحرك بين سنار و الخرطوم كما يتحرك الناس بين بحري وأمدرمان .. والله من وراء القصد



مع كامل الوُد ..
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: سودانيين (بدون)   الإثنين 27 أكتوبر - 16:07

عمر هاشم كتب:
الوطن والأرض
الأخ محمد عبد الوهاب
,,,, فالوطن ليس موقع جغرافي فقط وانما مجتمع بمكوناته الثقافية التي تميزه عن غيره من الأوطان,,,,

أخي د. عمر ,,, نمشي أطراف العاصمة ونخليها ليك يعني؟؟؟ عارفين عندك حوشين في العمارات ،،،
نعم الوطن ليس جغرافيا فقط،، هو الإنتماء للمجتمع بكامل مكوناته،،، ولكن ألا تتفق معي أن هذا الإنتماء يتطلب تعزيزات ضرورية جدا أهمها الإستقرار وراحة البال؟ الإستقرار الأمني والمعيشي والوظيفي والإجتماعي والسياسي،،،،الخ

هل أجيال الغربة من السودانيين لهم إنتماء من هذا الذي تقصده؟؟؟ أقصد ب(أجيال الغربة) الذين ولدوا وعاشو سنوات طفولتهم في الغربة،، وكل ذكرياتهم ولحظات عمرهم المميزة كانت في الغربة،،، والسودان بالنسبة لهم (وطن إفتراضي) يتحرك أمامهم بالصورة والصوت على الشاشة الغشاشة،، أو حكاوي (مملة غالبا) عن شخوص وأشياء لا تربطهم بها علاقة حقيقية (تجربة معاشة)،،، وللحديث بقية
الرجوع الى أعلى الصفحة اذهب الى الأسفل
http://q8sudan.yoo7.com
ود اربجي
عضو جديد
عضو جديد
avatar

عدد الرسائل : 129
تاريخ التسجيل : 28/07/2008

مُساهمةموضوع: رد: سودانيين (بدون)   الثلاثاء 28 أكتوبر - 0:19

Abdlwahab كتب:
هذه حقيقة،، فالسودان رغم كبر مساحاته ولكن هنالك احصائية تقول أن أكثر من ٦٥٪ من السودانيين لا يملكون قطعة أرض،، وأغلبهم من المغتربين من الجيل الجديد (اربعين سنة وما دون) ،،، وهؤلاء يستحقوا أن نسميهم (بدون) لأن لهم وطن في القلوب ولكن لو
عادوا إلي هذا الوطن يكونوا لاجئين
........ " بدون " تعليق
الرجوع الى أعلى الصفحة اذهب الى الأسفل
 
سودانيين (بدون)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: