الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 الله يسامحك يا وهبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: الله يسامحك يا وهبة   الأحد 14 سبتمبر - 3:35

خدعتني ، يا وهبة ، حين قلت لي إن رواية (حلّوم) لكاتبها البوني ، من أجمل الروايات التي كُتبت سودانياً ، وألزمتُ نفسي بقراءتها ، وكلما أنهيت صفحة وبدات الاخرى أقول بصوت مسموع : الله يسامحك يا وهبة ..
وللأمانة ، هذا أسوأ كتاب أقرأه منذ سنين (ولا أريد أن أسمي كتاب البوني رواية ، لأنه ببساطة لا يمتّ للرواية كما نعرفها بأي صلة) ..
هذا الكتاب ، في أفضل حالاته ، لبس أكثر من قصة طويلة يحكيها لكَ يوسف رجب في ناصية بيتهم في كوستي ، تحت هجير ملفوف بالغبار ومؤاخذات طقس أخرى لا يعلم بها إلا الله .. ويوسف رجب للذين لا يعرفونه هو الذي اخترع السودانيون بسببه لفظة (برّاي) .. وليوسف رجب أفانين في (البري) والحكي المشاتر المصحوب بملامسة يدوية كلما أحسّ بأن المستمع تشاغل عنه بشئ ، فيمد يده ويلبعك في كتفك قائلاً : شفتَ كييييييف .... ويواصل . وهو لا تعوزه الفكرة ليسرد لك ما يشاء .. فـ من أتفه الأشياء يمكن أن يسرد لك تاريخ بيزنطة ومجاهيل اليونان وأسعار الطماطم في غواتيمالا ويزودك بأخبار ملكة جمال نيجيريا . (مرّة جاي من الجزارة القريبة من بيتنا وشايل لي طماطم ودكوة وبصل وليمون وشطة .. ومن بعيد رأيت يوسف واقف تحت ضل بيتهم ، وهو ضل ضئيل جداً قياساً إلى حجم يوسف الضخم ، وقلت في سرّي : اللهم أشغله اللهم اشغله .. وفعلأً انشغل عني حين زمجر في أحد الصغار العابرين نحو دكان البلولة ، ولكن بعد هنيهة سمعتُ صوته الأجش : يا زول يا طويل انت ، مالك ما بتسلم ؟ .. وطبعا التكتيك بتاعي باظ .. فعدتُ أدراجي إليه لآخذ حصتي من (البري) العجيب : بالله هسة دي طماطم؟ ياخي والله زمان الطماطم دي كانت قدر البطيخة ،، البلد دي خلاص انتهت : ياخي تصدق ، انا مرة في اليونان دخلت محل خضار لقيت ليك عندهم بامية كده لونها بنفسجي وووووووووووووووووووووووووووو ياخيييييييييييييييييييييييييييييييييييي
أها ، حكاوي يوسف رجب لا تقل وحشية وبلاهة عن حكاية البوني التي خدعني وهبة وأوعز لي بأن أقرأها .... وجاييك للتفاصيل
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الأحد 14 سبتمبر - 14:47

هههههههههههههه،،،، رمضان كريم ،، الظاهر اننا اتخدعنا الاتنين لأني حتى الآن لم أقرأ فيها سطرا واحدا ،، وزي ما قلت ليك (قالوا) إنها رواية خطييييرة ،، ههههه Laughing
وكدي راجيك تجيني بالباقي،،،،،

وصاحبك يوسف رجب ده كان عندنا شخصية زييو بالضبط اسمو النقر ، ده نوع تسألوا لاعب امس منو يقول ليك هلال مريخ،، أها غالب منو يقول ليك غالبة الموردة اتنين صفر، Shocked
الرجوع الى أعلى الصفحة اذهب الى الأسفل
http://q8sudan.yoo7.com
ود اربجي
عضو جديد
عضو جديد
avatar

عدد الرسائل : 129
تاريخ التسجيل : 28/07/2008

مُساهمةموضوع: رد: الله يسامحك يا وهبة   الإثنين 15 سبتمبر - 1:33

"هههههههههههههااااااااااااااااااااي.... تعيشو وتاخدو غيرها "ال حلوم ال
ود عبد الوهاب اخبارك شنو ؟؟؟؟؟؟؟
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الإثنين 15 سبتمبر - 14:34

يا ود أربجي ،،، حلوم دي قالوا أخطر الروايات السودانية ، وعاملين ليها دعاية كبيرة ،،، اها قبل ما اقراها طلبا مني نزار فأديتا ليهو لأني عارفو شفقان قراية فحصل ما حصل ،،

----------

ياخ طيرتك الصفرا دي زي المقلوبة كدة Rolling Eyes
الرجوع الى أعلى الصفحة اذهب الى الأسفل
http://q8sudan.yoo7.com
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الله يسامحك يا وهبة   الإثنين 15 سبتمبر - 16:37

يا ود أربجي ، سلامات
عارف ، البوني حفر بيني وبينو خندق ، وتاني ما اظن اقرا ليهو شي ،

عندي فكرة أصوّر نسخ من كتاب "حلّوم" وأوزعها عليكم عشان تشوفوا الركاكة وقلة الخيال والحبكة والحيلة التي كتب بها البوني كتابه السخيف ،
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الإثنين 15 سبتمبر - 16:51

NIZAR كتب:
يا ود أربجي ، سلامات
عارف ، البوني حفر بيني وبينو خندق ، وتاني ما اظن اقرا ليهو شي ،

عندي فكرة أصوّر نسخ من كتاب "حلّوم" وأوزعها عليكم عشان تشوفوا الركاكة وقلة الخيال والحبكة والحيلة التي كتب بها البوني كتابه السخيف ،

يا زول اعصابك ،، اللهم انك صايم ،،، الزول ده ما للدرجة دي ياخ ،، بعدين انت معاييرك عالية جدا
الرجوع الى أعلى الصفحة اذهب الى الأسفل
http://q8sudan.yoo7.com
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الله يسامحك يا وهبة   الإثنين 15 سبتمبر - 17:09

الغريبة ، يا وهبة ،،، الغيظ الغاظني ليهو البوني اخفّ مما غاظني به الناقد والقاص صديق الحلو ، وواحدة صحفية في جريدة حكايات اسمها منى ابو زيد ، على ما اذكر ... ياخي ديل طلعوا ليك البوني ده ديستوفسكي عديل كده: "يكتب من نظرة اقتصادية ليعالج امراض اجتماعية ولابلابلابلابلابلابلاببلابلابلابلابلابلابلاببلابلابلابلاب" ... يا النبي نوح
القصة باختصار إنو في واحدة اسمها حليمة جاية نازحة من غرب السودان بسبب أحوال جوية اربكت معيشتها هي وعائلتها واستقروا في الخرطوم في محيط سكن عشوائي .. حليمة دي اخوانها 10 وامها وابوها حيين .. 2 من اخوانها مقعدين .. قامت باستثمارهم في مجال (الشحدة) وتصادمت مع عصابة تحتكر سوق (الشحدة) .. وقامت بالانضمام للعصابة ، ومن شروط العصابة معها ان تتزوج عرفياً بأهمّ شخص (البووص) في كل ترقية تترقاها .. وهكذا ، وفي لمحة عين ، اصبحت حليمة (حلّوم) .. وانتقلوا الى حي راقي ، واصبح ابوها مؤذن الجامع وصديق العائلات ، واخوانها المقعدين سافروا لندن ، وبعض اخوانها الانتهازييين بقوا من كبار الرأسماليين في البلد وأخواتها من البنات المتعلمات المشتغلات في الكوافير وما شابه والمطلوبات بشدة للزواج (واحدة تزوجها صيدلاني ، فوق زوجته ،، والثانية تزوجها قبطي وأشهر اسلامه عشانها) .. وبعد قليل تنتقل عائلة حلوم الى سكن اوسع واكبر ـ في حي العمارات غالباً ـ وده كله من جمال وغنج وفرادة حلّوم ، وهو غنج ودلال لن تقرأه في حواراتها مع مريديها بل يوحي لك به البوني إيحاءً ،
وفي القصة شخصيات لم اجد لها ضرورة بحال من الاحوال ، اللهم إلا مطّ الكتاب وحشوه بالسخافة وأشباهها ، ومن ذلك شخصية السكرتيرة (اقبال ، على ما اذكر) التي تزوجها البووص عرفيا وحملت منه ورفض الاعتراف بها وبالجنين .. فتعرفت عليها حليمة واخذتها معها الى بيتها الفخم ، ووضعت اقبال حملها ، واوهموا العائلة بأن اقبال متزوجة وزوجها مغترب في الخليج ، وبعد زممممممممن تقوم حليمة بتزويج السكرتيرة لأحد اشقائها المقعدين وتسجل الطفل باسمه ،، وتفتح لهم سوبر ماركت صغير يعتاشون منه ، وهكذا ...
وواحدة من السخافات ، أن حلّوم تحب ابن جيرانهم ، الشاب المتزوج المستقر السعيد عائليا ، وهو اب لطفلين ، ومتدين وشغال في وظيفة كويسة .. وهي لا تظهر له هذا الحب إلا في لحظات الكتاب الأخيرة ، لكن العصابة (عصابة؟؟ ياخي معقول؟؟) .. العصابة تعرف قصة الحب تلك ، وحين تريد الانتقام من حلوم لأنها رفضت تنفيذ الشرط بتاع العصابة في الزواج من احد القادة الكبار جدا (الباشا) ضربوا حبيبها (واسمه خليل) بالرصاص ، واصيبت حلّوم بالجنون ، وقاموا بتسفيرها الى الخارج للعلاج .. وذهبوا لعائلة حبيبها خليل واخبروا زوجته بقصة الحب تلك وان وجود خليل قرب حليمة سيجعلها تتعافى ، وكذلك الحال بالنسبة له فوجوده قربها سيعافيه ،، ويا مؤمن تكون صدّيق، سافرت الزوجة مع شقيقة حلوم الى بريطانيا وللا واق الواق ما عارف ، عشان الناس دي تتعافى ، وفعلا تعافت حلوم وخليل ، واصبحوا يرسلون مسجات من لندن على تليفون البووص واحد اشقاء حليمة المتواطئ معه ، وتقول الرسائل : نحن عائدون
وكده انتهت القصة
هسة بالله فرقها شنو من قصص يوسف رجب؟ وبالمناسبة نسيت اقول إنو يوسف رجب يُنادى بـ (كابوكي) ،، ذلك المصارع الشهير في الثمانينات



.. داك كان على مستوى فكرة القصة .. وبجيكم لمواضيع بنية النص ومسالك السرد ونوعية اللغة وماشابه
الرجوع الى أعلى الصفحة اذهب الى الأسفل
إلفة
عضو نشط
عضو نشط
avatar

عدد الرسائل : 262
تاريخ التسجيل : 13/04/2008

مُساهمةموضوع: رد: الله يسامحك يا وهبة   الإثنين 15 سبتمبر - 17:40

إزيكم نزار وعبد الوهاب ...
أسمحوا لى بى مداخله معاكم لو ممكن
مع انى مافاهمه القصة شنو وللا الكتاب دا شنو لكن لو ياها بالسرد
والتفاصيل القالا نزار دي ياخ يكون الكاتب بالغ والناس البيروجو للكتاب
بالغو أكتر ( ومنهم عبد الوهاب ) Razz لكنو طلع زكي يانزار ورطك انت
وخلاك تتبرى بالروايه وماظنيتوا يقراها بعد ماعرف الشرك دا ......
ياخ دا ياهو الفلم الهندي زاااااتو بس ناقصاهو نجيله Very Happy



قلت لى يانزار ( ضربوا حبيبها (واسمه خليل) بالرصاص ، واصيبت
حلوم بالجنون ) ؟؟؟؟ معقوووووووله بس
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الله يسامحك يا وهبة   الإثنين 15 سبتمبر - 17:52

Abdlwahab كتب:
يا زول اعصابك ،، اللهم انك صايم ،،، الزول ده ما للدرجة دي ياخ ،، بعدين انت معاييرك عالية جدا

في الحقيقة الزول ده فعلا ما للدرجة دي ، لكن قدووووونا بيهو : دكتور / استاذ جامعي / كاتب عمود يومي / مذيع تلفزيوني لو دعت الضرورة ، وهسة أهو ، عايز يبقى الطيب صالح

عشان كده معاييري عالية ، بحسب وضعو في المجتمع هسة واعتبارو واحد من نجوم هذا المجتمع الخرطومي المخملي
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الإثنين 15 سبتمبر - 17:53

ياخي معقووووولة بس،،،، دي حلوم ؟؟؟؟؟؟
لكن غلاف الكتاب سمح ،، موش بالله؟؟؟
الرجوع الى أعلى الصفحة اذهب الى الأسفل
http://q8sudan.yoo7.com
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الإثنين 15 سبتمبر - 17:57

الفة ،، عليك الله ادي نفسك فرصة والقي نظرة على الكتاب ،، نزار انتهى من الزول ده عديل كدة،،رغم اتفاقي معاهو في كتير من الآراء ،،،،

لكن واجعاني القروش الدفعتها فيهو Sad

لازم يكون فيهو شي مفيد
الرجوع الى أعلى الصفحة اذهب الى الأسفل
http://q8sudan.yoo7.com
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الله يسامحك يا وهبة   الإثنين 15 سبتمبر - 18:04

مراحب يا إلفة
زمان قالو لينا في حصص المكتبات ـ لما السودان ومدارسو كانو بخير ـ إنو أي كتاب تقرأه فما ح يضرك شئ .. لو جيد وممتع ح تستفيد وتستمتع ولو بايخ وسخيف أهو اتنورتَ وحتوصي اصحابك ما يقعو في الحفرة ال ـوقعت فيها انت .. ومن هنا انا هسة بوصيكم ، اي كتاب للبوني (خلاف تخصصو في الاقتصاد) ما تشتغلوا بيهو الشغلة لأنو حيكون حشو ساكت وكلام جرايد زي كلامو البكتبو في عمودو "حاطب ليل" .. وكدي شوفي اسم العمود زاتو كيف ! حاطب ليل هو الإنسان الـ بيدخل الغابة في الليل عشان يجيب حطب .. معناها ينجر من طرف ، وزي ما تجي تجي

حليمة جنت بعد ما العصابة ضربت حبيبها بالرصاص .. وزوجة حبيب حليمة ساقت راجلها ومشت لندن عشان تساهم في علاج حليمة وعلاجو .. واخو حليمة الـ انتهازي عرس ليهو فرنساوية/سودانية جات خمت الاخضر واليابس وخلت حليمة قاعدة في النقعة .. وعييييييييييييييييييييييييييييك
الله يسامحك يا وهبة
الرجوع الى أعلى الصفحة اذهب الى الأسفل
إلفة
عضو نشط
عضو نشط
avatar

عدد الرسائل : 262
تاريخ التسجيل : 13/04/2008

مُساهمةموضوع: رد: الله يسامحك يا وهبة   الإثنين 15 سبتمبر - 18:06

Abdlwahab كتب:
ياخي معقووووولة بس،،،، دي حلوم ؟؟؟؟؟؟
لكن غلاف الكتاب سمح ،، موش بالله؟؟؟

ياخ غلاف الكتاب Razz

بالغت مع نزار كنت تقول ليهو طيب اتفرج على الغلاف بس
لكن يازول تمام على الأقل اتعرفنا على حلووووووم Very Happy

غايتو كدي أدونى أشوفوا على الأقل ماحأتصدم زى نزار لأنى حأقراهو وأنا
مستعده للبياخه والبري ... مساكين الاستعدو ليهو بى مزااااااااج وأظنهم عملو ليهو جو وإضاءة وكواليس وجو فى النهاية لقوهو مقلب ههههههههههه

والجاتك فى مالك سامحتك ...
الرجوع الى أعلى الصفحة اذهب الى الأسفل
إلفة
عضو نشط
عضو نشط
avatar

عدد الرسائل : 262
تاريخ التسجيل : 13/04/2008

مُساهمةموضوع: رد: الله يسامحك يا وهبة   الإثنين 15 سبتمبر - 18:16

NIZAR كتب:
مراحب يا إلفة

حليمة جنت بعد ما العصابة ضربت حبيبها بالرصاص .. وزوجة حبيب حليمة ساقت راجلها ومشت لندن عشان تساهم في علاج حليمة وعلاجو .. واخو حليمة الـ انتهازي عرس ليهو فرنساوية/سودانية جات خمت الاخضر واليابس وخلت حليمة قاعدة في النقعة .. وعييييييييييييييييييييييييييييك
الله يسامحك يا وهبة


ههههههههههه ياخي دا مش نجّار دا فات كبسور البرّاي بى غااااااااادي
على الأقل كبسور كان بكون عندو موضوع لكن دا شكلو على قولك بسرح بى خيالو
وقلموا شغال ....
بس زكرنى لمن الزول يحكي للشفع قصه ويخرمج ساااااي والبحكي القصه والشافع يسرحوا بدون مايكونو فاهمين شى ...
غايتو ياعبد الوهاب انا لو منك بمشى أرجعو وأرجع انشاءالله ربع القروش Razz
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الله يسامحك يا وهبة   الإثنين 15 سبتمبر - 18:26

اقتباس :
حاطب ليل هو الإنسان الـ بيدخل الغابة في الليل عشان يجيب حطب .. معناها ينجر من طرف ، وزي ما تجي تجي
معذرة ،، عنوان العمود حاطب ليل وليس حاطب بليل ،، والفرق واضح ،، فهو يحتطب الليل نفسه بدلا من الشجر ،،واستخدم التعبير البلاغي لاثراء المخيلة واضفاء الجو الدرامي و،،،
(كضب رمضان حااار) ،،
يازول اقول ليك حاجة ،، عليك الله وانت ماشي على المكتب ارميهو معاك في الكوشة الكبيرة (إياها) خلينا نجي نعفصو ،، عفصت مرارتنا وطممت بطنا منو

آو وديهو مكتبة السفارة ، يمكن يجي زول يعجب بيهو ويستفيد منو Idea
الرجوع الى أعلى الصفحة اذهب الى الأسفل
http://q8sudan.yoo7.com
ود اربجي
عضو جديد
عضو جديد
avatar

عدد الرسائل : 129
تاريخ التسجيل : 28/07/2008

مُساهمةموضوع: رد: الله يسامحك يا وهبة   الإثنين 15 سبتمبر - 18:55

NIZAR كتب:
هسة بالله فرقها شنو من قصص يوسف رجب؟ وبالمناسبة نسيت اقول إنو يوسف رجب يُنادى بـ (كابوكي) ،، ذلك المصارع الشهير في الثمانينات


..

رواية غريبة فعلا .... الراجل دا ما احتمال يكون سارقها من يوسف رجب ؟؟؟؟
ابو النوز اهنيك علي روحك الطوييييييييييييييلة
الرجوع الى أعلى الصفحة اذهب الى الأسفل
ود اربجي
عضو جديد
عضو جديد
avatar

عدد الرسائل : 129
تاريخ التسجيل : 28/07/2008

مُساهمةموضوع: رد: الله يسامحك يا وهبة   الإثنين 15 سبتمبر - 19:02

Abdlwahab كتب:
يا ود أربجي ،،، حلوم دي قالوا أخطر الروايات السودانية ، وعاملين ليها دعاية كبيرة ،،، اها قبل ما اقراها طلبا مني نزار فأديتا ليهو لأني عارفو شفقان قراية فحصل ما حصل ،،

----------

ياخ طيرتك الصفرا دي زي المقلوبة كدة Rolling Eyes
انت ابدا ما عليك لوم يا وهبة ..... بالمناسبة طيرتي ما مقلوبة بس انت ركز شوية
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الله يسامحك يا وهبة   الإثنين 15 سبتمبر - 19:09

Abdlwahab كتب:
اقتباس :
حاطب ليل هو الإنسان الـ بيدخل الغابة في الليل عشان يجيب حطب .. معناها ينجر من طرف ، وزي ما تجي تجي
معذرة ،، عنوان العمود حاطب ليل وليس حاطب بليل ،، والفرق واضح ،، فهو يحتطب الليل نفسه بدلا من الشجر ،،واستخدم التعبير البلاغي لاثراء المخيلة واضفاء الجو الدرامي و،،،
(كضب رمضان حااار) ،،Idea

لمجرد عدم وجود ألف لام التعريف في كلمة (ليل) فإن المعني هو الاحتطاب ليلاً ، ولو كان العكس لكان العنوان حاطب الليل ، وهذه المفردة ليست من اختراع البوني ، فهي مثل شهير ومتواتر ، يُقال (كحاطب ليل) ويضرب مثلأً للرجل يجمع كل شئ لا يميز الجيّد من الردئ (الصفحة 981 من كتاب المنجد) ..
الرجوع الى أعلى الصفحة اذهب الى الأسفل
 
الله يسامحك يا وهبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: