الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 ود الشريف في الكرسي الساخـــــــــــــــــن

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: ود الشريف في الكرسي الساخـــــــــــــــــن   الجمعة 5 سبتمبر - 2:30

ود الشريف الزول الغني عن التعريف
دينمو الملتقي وجامع الناس في الخير دائما"
لاتفارقة ابتسامتة وكعهدنا به يحبه الصغير والكبير
وهو يحب الصغير ويحترم الكبير
المجال ليس مجال شكر (بضم الشين)
ولكنه اهل لكل جميل... ويوم شكرو مايجي انشالله

ولكن لانه كبير في مقامة فسنبتدئ الكرسي الساخن معه
وعليه في ختام اللقاء ان يختار من يجلس بعده

وسأبداء .. بسم الله

بعيدا" عن التقليديه ولو سمحت بطاقتك الشخصية
ووووو
تووووووووش كده

1_ اكتر مايضايقك في الملتقي شنو؟

2_( حمدلله علي سلامة المدام) :) والسؤال جاييك:)
قبل جيتا بيوم كنت بتجهز في شنو ؟؟ بتضاير في البيت
ولا بتغسل في العربية :)

3_ هل ستقوم بالتسجيل في منتدى عضو الملتقى السابق أزهري؟ لو الاجابة نعم ، ما هي المزايا المفقودة هنا وموجودة هناك؟:)
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الأحد 7 سبتمبر - 14:51

أولاً لكي الشكر أجزله الأستاذة أم أشرقت و رمضان كريم و إنشاء الله من العائدين الفايزين
وشكري الخاص علي المقدمة دي و إنشاء الله أكون ما مشكلة
حسين الرفاعي حسين محمد القرآي الأغبش
الخرطوم جنوب : 1960
أوووووووور جيت الكويت
المضايقني جداً مسألة الحساسية الما أعتقد إنه في ليها لزوم يعني مثلاً إذا كتبته ليك موضوع و ما في زول رد عليك الواحد يزعل و يعملها قصة ، بعدين في ناس تحسهم داخلين و النفس حار ، الموضوع بسيط و ما محتاج كل ده ؟
الله يسلم أيامك و يديمك و زي ما بقول العزيز نزار خلاص حنضوي شمعاتنا أنا و لعتها عديل كده
كنته في السوق بشتري ملايات جديدة نظام النيو لوك و طبعاً نطافة شديدة جد للبيت و العربية و الشارع كمان
بالفعل سجلت في الملتقي ، و الذي أتمني من كل قلبي أن يكون إضافة حقيقية للساحة
بالنسبة للمزايا المنتدي لسه جديد ، و بعدين بالنسبة لملتقانا ما أعتقد إنه فيه شيء شوية همة يا شباب وبس و إنشاء الله و أكيد بعد الإفطار الجماعي لأعضاء الملتقي حيكون في نقلة جرئية للملتقي
الرجوع الى أعلى الصفحة اذهب الى الأسفل
محمد التاى
عضو نشط
عضو نشط
avatar

ذكر عدد الرسائل : 628
العمر : 34
الهوايات : القراءة والمراسلة
تاريخ التسجيل : 18/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 3:03

الرائعة ام اشرقت لكى التحية اصبتى وحسناً اخترتى وانا راح ادخل بدون مقدمات توووووووش

1/ ود الشريف سلام اتمنى ان لا تؤثر عليك سخانة الكرسى وانت صائم صف لنا شعورك وانت تودع ام العيال حفظها الله بالمطار وهى عائدة للوطن فى اجازة سنوية وكيف استقبلت حياة العزوبية من بعد سفرها
2/ ما هى رؤيتك ونظرتك لمستقبل السودان بعد رحلتك الاخيرة لة بعد طول سنين غياب وغربة وكيف وجدتة
واكتفى بهذان السؤلان والجراب مليان رايح ارجعلك حبة حبة لمن افضى جزاء منة
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 14:10

العزيز الجميل ود التاي
تووووووووووش حقتك دي جايه في اللحم الحي عديل كدة ؟
السودان يا زول بنادي أخير لينا كلنا نلملم عزالنا و نتكامل علي أهلنا ، العصرات كتيرة لمن مملة و الجيب كان إنقدة شيل شيلتك ، لكن لو إتعصرنا شوية و كمان أقل من هنا الأمور بتمشي ، هنا الحياة ساهلة شديد و زي ما بقولوا ( سهالة) الله يسهيله علينا لكن قاعدين بالجد بنضيع في فرص جادة جداً ، و أجيك من الأخر كدة الواحد فينا لو بقه واقعي ما نفسه و وضعه برجع ، يعني ما تفكر كتير بعد السنين دي كلها أرجع أسوق لي ركشة ، صدقني عايشين وفاتحين بيوتهم تمام التمام ، التنظير ما بينفع زي ما قلته العصرة شديدة جد ،لكن الحياة ماشة
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 15:00

ود الشريف ,, كدي قبل ما تقوم من كرسيك,,, عندي سؤال (ديكي) ,,, الخرطوم زمان (قبل عشرين سنة) والآن) فيما يخص:

1- المعالم (شنو الاتغير فيها) 2- سلوكيات الناس عامة
الرجوع الى أعلى الصفحة اذهب الى الأسفل
http://q8sudan.yoo7.com
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 15:40

نلم عزالنا ونمشي كيف يا ود الشريف
نحنا يادوب جينا ياخ
راس مال نخش بيهو السوق هناك زاتو ما عندنا
غايتو يمكن بعد 22 سنة كده ـ كان الله ادانا العمر والصحة ـ الواحد يمكن يفكر في لمّ العزال ده (يعني شنو عزال؟)
الرجوع الى أعلى الصفحة اذهب الى الأسفل
ود اربجي
عضو جديد
عضو جديد
avatar

عدد الرسائل : 129
تاريخ التسجيل : 28/07/2008

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 17:12

[right][b]السودان يا زول بنادي أخير لينا كلنا نلملم عزالنا و نتكامل علي أهلنا ، العصرات كتيرة لمن مملة و الجيب كان إنقدة شيل شيلتك ، لكن لو إتعصرنا شوية و كمان أقل من هنا الأمور بتمشي

الظريف ود الشريف لك التحية
يلا بسم الله ابدا ونحن وراك بعد كاااااااااام سنة كدا .............. تحياتي
الرجوع الى أعلى الصفحة اذهب الى الأسفل
مصطفى يوسف فضل
عضو نشط
عضو نشط


عدد الرسائل : 588
تاريخ التسجيل : 11/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 18:20

الإخوة الكرام كل عام والكل بخير طبعا( باقي لي ) غريب المنتدى بعد غياب ولكن الشكل أصبح أجمل ، أختنا أم أشرقت فكرة الكرسي الساخن دي فكرة جميييييييلة جدا وبهنيك عليها
الأخ العزيز ود الشريف لك التحية والمودة يعني أولا تعليقا كدة على حتة الرجعة وسواقة الرقشة ما فهمتك يعني انت بتقترح علينا كدة إنه الوظيفة كلام فارغ ونلم لينا حق رقشة أو أمجاد ونرجع أم إنه كان مجرد مثل من أمثلة نقاطات بلدنا العامرة ؟ولو كان مثل أدينا اقتراحات
ثانيا أنا أخشى إنه الفترة القضيتها في الخرطوم كانت قليلة وبالتالي قرارك جا إنفعالي شوية ولا رأيك شنو؟
وفي سؤال عام محيرني ما عنده علاقة بسخونة الكرسي إنه ليه دايما بنحصر نجاحنا بالرجوع وليه ما نحاول نجتهد ونلقى هنا في البلد دي مصدر آخر للنجاح؟

_________________
أجمل التاريخ غدا
الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 19:20

السلام عليكم ورحمة الله

ياود الشريف بركة القعدت في الكرسي بالسلامة
البوست نزلتو من يوم الخميس وانت رديت الاحد

اولا" انا عفيتك من السؤال التقليدي لكن شايفاك مصر وجزي:)(بتعطيش الجيم)
تانيا" تحياتي وتقديري لكل المتداخلين
ومع سيد الاسم فيما قاله
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 8 سبتمبر - 19:42

ود الشريف ،، شنو الطناش دة ؟؟ ستمية سؤال وانت عامل نايم
الرجوع الى أعلى الصفحة اذهب الى الأسفل
http://q8sudan.yoo7.com
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الثلاثاء 9 سبتمبر - 15:44

الأعزاء لكم التحية
استاذنا الوجيه محمد لا طناش و لا حاجة الزنقة و كدة و أيضاً استاذة أم أشرقت ننقطع عن النت بإنتهاء الدوام و قلة الخطوط في بيتنا ؟
العودة للعزيز عبوهاب أجمل شيء الجسور ؟ و إن كان وراء الجسور ما يدور ؟ الخرطوم حسب تقديري زمان أجمل ،،، زمان البنعرفها نحنا ،،، مش خرطوم اليوم البقة اهلها غرباء فيها ،،، ؟ عليك الله خليني أنا كدي عاين انت بعين الزول الجاي شائل قروشه عشان يستثمر عندك ده شكل عاصمة حفر و كيمان تراب ما قلنا القصة دايرة زول بحب المكان ؟ عشان يجملها مش تكبير كيمان و فلل في أزربيجان و الحشاش يمله شبكته بالله ما عيب علينا فرحانين ببرج الفاتح ، حتي الاسم ما حقنا زمان كان قاعة الصداقة و كلوا ما حقنا و ين برج الخرطوم مثلا ولاه ناطحات المقرن ما عندنا قروش 9 ؟؟؟؟ سنين شليل وين راح ،،،و وينو ،،، خطفوا التمساح ،،،، ياتو؟؟؟؟ بالله خلوانا العزيز نزار 22 كدي أصبر كده شكلكم جائين نهائي ،، مع مسحة رأس
ود أربجي لك التحية يا زول يا رائع كم سنة الله أعلم لكن الحمد لله الوصلنا للقناعة دي ،،،
سيد الأسم الدنيا تملاها و لك التحية و عودا حميدا أولاً مسالة الركشة تبسيط البسيط للعودة ما زمان الواحد اول ما جه هنا طبعاً كان متخيل سنتين تلاتة و يرجع يفتح الشركة المهولة ديك و يلم كل عواطلية الحلة ويعمل معلم و لما المسالة بقت واقع بقة سوبر ماركت و برضوا ما نسة اولاد الحلة و قعدتهم المزهجه دي يعني ما ضروري يكونوا كلهم جزء منهم ما بطال و رجعنا تاني السوبر ماركت بقة دكيكين صغمبروتي كدي لما السنين بقت 22 يانزار فاخير و من الاخر كدة ركشة بت حلال كدة مطبوح فيه ديك حبش حق ظار شرطا حبش الديوم الشريقية عشان يكتر المشاوير ،،، بعدين الخرطوم دي ما حقتنا يعني زي الزول البتريده لما تعاين كده بتعرف الفيه ،،،، و بعدين يا الحبيب أنت كان جيت الاول مثلا بره بلدك ما ليها طعم زي ما قال واحد من الأخوان لأخوه و داك ربنا فاتحها عليه بس برة و ين برة السودان ركب جنبه كده و العربية ما عربية و اخونا يتبسم قام التاني قال و الله عربية هيلمن موديل 60 دخانها شاقي الحلة اخير من من دي اقلة لما تجي ماشي بقولوا دي عربية فلان
أم أشرقت دي ورطة حالتو ديل ناس جكسه
الرجوع الى أعلى الصفحة اذهب الى الأسفل
مصطفى يوسف فضل
عضو نشط
عضو نشط


عدد الرسائل : 588
تاريخ التسجيل : 11/10/2007

مُساهمةموضوع: رد: ود الشريف في الكرسي الساخـــــــــــــــــن   الثلاثاء 9 سبتمبر - 15:57

والله يا ود الشريف أمتعتني فعلا بردك المليان أشواق وعبر ولو زمن الكرسي الساخن سمح لي ووسعت صدرك (كما تقال دوما في برنامج الاتجاه المعاكس) حتكون لي معاك عوده تاني بالاسئلة وأسأل الله العلي القدير أن ينعم علينا بفتح من عنده ترجعنا جميعا لبلادنا الحنونة الجميلة ولا نحتاج بعدها للخروج منه إلا لطاعات الله آمين آمين آمين

_________________
أجمل التاريخ غدا
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الثلاثاء 9 سبتمبر - 16:32

أيوة يا أخي خليك عميق كدة ؟؟؟
الرجوع الى أعلى الصفحة اذهب الى الأسفل
محمد التاى
عضو نشط
عضو نشط
avatar

ذكر عدد الرسائل : 628
العمر : 34
الهوايات : القراءة والمراسلة
تاريخ التسجيل : 18/10/2007

مُساهمةموضوع: رد: ود الشريف في الكرسي الساخـــــــــــــــــن   الخميس 6 نوفمبر - 6:13

ياجماعة لية كرسينا بقى مثلج بدل مو ساخن يلا الكرسى جميل فى نوع من التعمق فى معرفتنا ببعضنا البعض ارجو ان يجلس علية واحد ثانى بعد ان ترجل عنة الفارس الدى امتعنا بردودة الجميلة الانيق ودالشريف وانا بدورى ارشح الاخ نزار للجلوس على الكرسى الساخن هل من مثنى
مع الامنيات بعدم برودت الكرسى
الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: ود الشريف في الكرسي الساخـــــــــــــــــن   السبت 8 نوفمبر - 4:32

ازيكم كلكم بدووووون فرز
كيف حالك ياتاي ومشكور لرفع الموضوع لكن لسه ود الشريف محكر ويلا تعالو ليو
بــ(سوعالات) مسخنه :)
اما عن ترشيح نزار فهو اعتذر من بدررررررررررري ولو قريت فوق البقوم من الكرسي يرشح البعدو
ومخلنها لود الشريف
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: ود الشريف في الكرسي الساخـــــــــــــــــن   السبت 8 نوفمبر - 5:50

تحيات كتيرات أم اشرقت وحمدالللللللللله على سلامتكم
ومن طول الغيبة جاب الغنايم
اخونا الحبيب ود الشريف لك التحية وسؤالى هو
هل للعمر علاقة بالسياسة؟ وهل ممكن الواحد يغير الاتجاه بتاعه
من اقصى اليسار الى اقصى اليمن او العكس ؟
إذا كانت الاجابة بنعم او لا ارجو سياقة الاسباب . ـ
ومتعكم الله بالصحة والعافية
الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: ود الشريف في الكرسي الساخـــــــــــــــــن   السبت 8 نوفمبر - 23:31

taslm kateeeeeeeeeeer 3mo diaa
yala wasil wino wad alsharif yji yrod
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: ود الشريف في الكرسي الساخـــــــــــــــــن   السبت 8 نوفمبر - 23:44

الله يسلمك وتسلم لينا اشرقت يا ام اشرقت
وحنواصل انشاء الله بس راجين ود الشريف يطل علينا بطلعته البهية ويرد
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الإثنين 12 يناير - 23:48

عودة حتي نعود ونرضي
أخي العزيز كمبلاوي مسألة الإتجاهات دي حكاية و قصة طويلة ؟
المفيد منها زي المثل البقول الفات قديمه تأه . بمعني سنوات الشباب و الفتوة و البحث عن الذات و التمرد المصاحب و ( لن أعيش في جلباب أبي ) بتخلي الواحد دأئماً يشطح و ينطح مرة يمن مرة يسار بحثاً عن الذات و الحمد لله كل التجارب أكسبت الواحد صداقات و علاقات حميمة لازالت و سوف تستمر بإذن الواحد الأحد طلما هدفنا اواحد وهو السودان تختلف البرامج و لكن الطريق وأحد و الغاية وأحدة فبإذن الواحد تلتقي كل الطرقات مهما إختلفت الإتجاهات .
أملي أن تجد الأجابة علي سؤالك فيما ذكرت . و لك الود
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: ود الشريف في الكرسي الساخـــــــــــــــــن   الأحد 18 يناير - 14:18

الحبيب الحاج ود الشريف
تحياتي واطيب امنياتي
رد دبلوماسي ولقيت الاجابة
ونطلع من السياسة الى مجال اخر
وسؤالي هذه المرة هل حصل اتشوكشته ؟( بلغت هذا الزمن ) ـ
. وفي اي عمر
.
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الأحد 18 يناير - 14:44

تلاتة أعوام قضيتها حنان في الثانوي العام ................. يــــــــــــــــــــــــــــــــا ... و آه
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: ود الشريف في الكرسي الساخـــــــــــــــــن   الخميس 22 يناير - 19:07

ردودك شفاء يا حاج
ما هي اجمل فترة الكونت ودالشريف
الانسان الظريف وجعلت منه رجل
يتحدى الصعاب
الرجوع الى أعلى الصفحة اذهب الى الأسفل
om ashragat
عضو نشط
عضو نشط


عدد الرسائل : 539
تاريخ التسجيل : 24/06/2008

مُساهمةموضوع: رد: ود الشريف في الكرسي الساخـــــــــــــــــن   الأحد 26 ديسمبر - 0:54

up

for Wad elshrif and all people in this bord
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ود الشريف في الكرسي الساخـــــــــــــــــن   الأحد 26 ديسمبر - 13:20

شكراً ليك أم أشرقت
الرجوع الى أعلى الصفحة اذهب الى الأسفل
الزعيم
عضو نشط
عضو نشط
avatar

عدد الرسائل : 269
تاريخ التسجيل : 14/10/2010

مُساهمةموضوع: رد: ود الشريف في الكرسي الساخـــــــــــــــــن   الإثنين 27 ديسمبر - 2:08

الاخ ود الشريف
انت رمز من رموز الجاليه واحد اعمدتها ولك من المواقف المشرفه اتجاه الكيان العظيم

حياتك الدراسيه كان من المفروض ان تكون فى روسيا ولكن تحولت الى الهند كلمنى عنها؟
المرحلة الثانويه ؟
المرحله الوسطى؟
المرحلة الاوليه؟
الحياة العمليه
كم سنة عشت فى جنوب السودان جوبا ؟
متى دخلت الكويت؟
اول بداية عملك فى الكويت ؟
================
ديل عاوزهم بالسنين ؟؟؟؟؟؟؟؟؟؟
من التحرير الى الان 20 سنه تقريبا؟؟؟؟؟؟؟؟؟
دى نحن ح نضيفها
كلمنى عن اصدقائك ؟
اولا الاخ عزمى الان فى كندا ؟
ثانيا ابوهيثم
ثالثا اسامه عبدالهادى
رابعا محمد نجيب
خامسا عادل التجانى
سادسا عبدالمنعم الحلاج
سابعا ازهرى سليمان
ثامنا ادم اسماعيل
تاسعا علاقتك الاخويه مع الاخ سليمان ابوداؤد وابونا ادم
عاشرا كنت تحب الفنان النعام ادم وعبدالعزيز محمد داؤد والفنان الرائع الكاشف والفنان عثمان حسين والفنان عثمان الشفيع كلمنى كنت بتسمع زمان الفن دا كيف واثره عليك اليوم وانت تعيش زكريات الماضى ؟

فى بداية الستينيات وظهور التلفزيون وماما صفيه هل انت كنت تقوم بدور الجد شعبان ؟
وشنو حكايتك مع ابوقبورة والصداقه مع السر قدور ؟
انت من رواد الرعيل الاول من الكشافه فى المدرسة الوسطى سنة كم ؟

اسالتى دا عاوزها وح ارجع اليك تانى ودالشريف عام 2010 اى بعد سبعين سنه من العطاء


الرجوع الى أعلى الصفحة اذهب الى الأسفل
 
ود الشريف في الكرسي الساخـــــــــــــــــن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: