عشرون مهارة تجعلك محبوب بين الناس

عشرون مهارة تجعلك محبوبا بين الناس

1_ أبدأ الآخرين بالسلام والتحية , ففي السلام تهيئة وتطمين للطرف الآخر ..
2_ابتسم, فالابتسامة مفعولها سحري وفيها استمالة للقلوب.
3_أظهر الاهتمام والتقدير للطرف الآخر وعامل الناس كما تحب ان يعاملوك ..
4_للناس أفراح وأتراح فشاركهم في النفوس.
5_اقض حاجات الآخرين تصل إلى قلوبهم فالنفوس تميل إلى من يقضي حاجاتها .
6_عليك بالعفو عن الزلات وتغليب نفسية التسامح.
7_في تفقد الغائب والسؤال عنه ضمان لكسب الود واستجذاب القلوب.
8_لاتبخل بالهدية ولو قلّ سعرها ,فقيمتها معنويه اكثر من مادية.
9_اظهر الحب وصرّح به فكلمات الود تأسر القلوب .
10_تفنن في تقديم النصيحة ولاتجعلها فضيحة.
11_ حدث الآخرين بمجال اهتمامهم فالفرد يميل إلى من يحاوره في مدار اهتمام ..
12_كن ايجابياً متفائلاً وابعث البشرى لمن حولك ..
13_امدح الآخرين إذا احسنوا فالمدح أثره في النفس ولكن لاتبالغ.
14_انتق كلماتك ,, ترتفع مكانتك فالكلمة الحسنه خير وسيلة لاستمالة القلوب..
15_ تواضع فالناس تنفر ممن يستعلي عليهم .
16_تجنب تصيُّد عيوب الآخرين وانشغل بإصلاح عيوبك .
17_تعلم فن الإنصات فالناس تحب من يصغي لها ..
18_ وسع دائرة معارفك واكسب في كل يوم صديق.
19_ اسع لتنويع تخصصاتك واهتماماتك تتسع دائرة معارفك وصداقاتك .
20_اذا قدمت معروفاً لشخص ما لا تنتظر منه مقابل

دي نصائح جيدة ، لو طبق الناس نصفها لانصلح حال الكرة الأرضية ..
شكرا يا أبوي ، ومزيداً من الجماليات

[b]

أين نحن من هده المثاليات فى وسط عالم يضج بالنفاق والوحشية؟؟؟؟؟؟؟لا تكن مثاليا!!!فلن يحبوك أبدا......فقط كن قويا...

وإلا ستموت من الأختناق ....وإلا فالتكن مثلهم وستمضى الحياة.... تحفها ألوان قوس قزح البراقة الزائفة

وتمضى الحياة....

Admin عدد الرسائل : 982 تاريخ التسجيل : 10/10/2007

كلمات جميلة ،، لكن ياكمبلاوي هل ترتيب الترقيم ده مقصود ولا عشوائي،،، علي كل حال أنا عايز استفيد من الترقيم عشان أقول لأخي نزار عليك بالرقم (9) مع أبوالزهور،،،،،

آستاذة آمنة ،، التفاؤل مطلوب رغم قناعتي بكثير مما ذكرته،، فعليك بالرقم (12)

أما كمبلاوي فشكرا علي النصائح وخليك رقم (10) دائما ،،،، :)

تعرف يا وهبة ،، أنا ما حبيت اتغاتت ساي ،
لكن المهارات دي زي المعمولة لأخونا قدس الله سره ، وخصوصاً الارقام من (1) إلى (30)

ـ في 10 نصائح تانية لسة في بطن الشاعر ـ

Very Happy

Admin عدد الرسائل : 982 تاريخ التسجيل : 10/10/2007

هاهاهاهاها هههههه،، طيب ياخ اتحفنا بالعشرة الباقيات (الناصحات) ديل

هههههههههههههههه
ما ح اقولهم كلهم ، لكن من النصائح :
21/ لا تكن رشيقاً وتنحشر في امور لا تخصك حتى لا تسمع ما لا تحبه من الآخرين.
22/ لا تكن براياً وكثير الكلام ، فهذه ايسر السبل ليضجر الآخرون منك ويذهبون ويخلوك تتكلم براك .
23 / اذا اتنين قالوا ليك راسك مافي اهبشوا طوالي ، لأنك في الحالة دي بتكون بالغتَ مبالغات شديدة وأنت تحكي قصة من خيالك المحض ..

الابن نزار

اتمنى عليك ان تكمل الباقي

والبقشيش خليه حق أخوك قدس الله سره

الاخ عبدالوهاب

انت رايك شنو ( قاصد الترتيب )

الاستاذة / آمنه

ما عهدناك بكل هذا التشائم وزي ما قال : ـ اخونا عبدالوهاب التفائل مطلوب

( بعد اليل لابد نهار )

كلام جميل جدا اتمنى ان نعمل بة كلنا وكل واحد يبداء من نفسة وصدقونى كلام الاستاذة امنة صحيح مائة بالمائة فى زمن قل فية الواعظ الدينى وربنا يكملنا بديننا

اخونا محمد التاي ،
النصائح دي مجرد امنيات يا صاحب ، بالتأكيد يصعب تحققها في بني آدم ..
يعني هسة انتَ فكرك إنو (قدس الله سره) ممكن يستمع لنصايحي القلتها له ؟؟ طبعا ما اظنك بتصدق كلام زي ده .
بعدين (الواعظ الديني) موجود وبكثرة .. الـ يمكن يكون قلّ في نفوس الناس هو الوازع الديني .. وللا شنو !!

أبوي كمبا ،،
مالك يازول عايز تورطني

غايتو :
23 / اوعك تحلف بالطلاق ، لأنو (الآخرون) طوالي ح يعرفوا إنك بتكضب .
25/ خفة الدم الكتيرة بتجيب ليك الاحراج ، وتقالة الدم كمان بتخليك زول ضهب ساكت .. فـ خير الأمور اوسطها

باقي 5 ، موش ؟؟
كدي لبعدين

Very Happy

.

زائر

ما شفت ولا واحدة عند نزار
لكن مهاراتو الذكرها صاح لانو بخاف من الراى والراى الاخر

مميز عدد الرسائل : 2317 تاريخ التسجيل : 10/10/2007

الله عليك يا كمبلاوي لو من العشرين ديل شلنا حرف حرف كان حالنا إنعدل و خصوصاً في الأيام الجاية دي
عارف ليه ؟ يا زول الناس إجمعت و إتلملمت و كل زول بكبر في كومه
و عشان ليه تبوزي فيني ياشيشة وعشان ليه تقولي على زول كيشه
وبهدي الحلوين 15 ، 16 ، 17

AZHARI كتب:: ما شفت ولا واحدة عند نزار
لكن مهاراتو الذكرها صاح لانو بخاف من الراى والراى الاخر

اخاف؟ أخاف من شنو يا ابوي !!!!
انا مارق في الصقيعة ، قلادييتر يخم ويصر ويتلقى الضربات بضحكة عريضة ،،
(على قلقٍ كأن الريح تحتي أوجهها يميناً أو شمالاً) شفتَ كيف !!؟ وآخرتا كوم تراب ، في الصليبخات أو في قوز كوستي..

ورأيك ده لهسة انا ما سمعتو .. جيبو وتعال شيل (الراي الآخر) ، ان شاء الله يضوي ليك

زائر

كضـااااااااااااااااااااااااااااااااااااااااااااااااااااااااااااااااااب

هو إنتَ خليت باقي في الكضب؟؟ ما شلتو كللللللللو وقمتَ جاري ،
طبعا قايلو حاجة كويسة ، عايز تتاجر فيهو ، موش؟؟؟

Admin عدد الرسائل : 982 تاريخ التسجيل : 10/10/2007

يا خوانا روقو المنقة,,,
والله يانزار انت فنان في فتح جبهات القتال ,,, براك سويتا في نفسك وشيل شيلتك ,,, انا برررررررررة

كمبلاوي ,, قصدت خيرا بالنصايح,, لكن تأتي الرياح بما لاتشتهي السفن,, وكلنا ما بنعرف العوم

انا ماشي اشوف (قرنتية منتصر) مرقوها ولا لسة

الاخ / كمبلاوي
الســــلام عليكـــــم ورحمــــــــة الله وبركاتـــــــه

سلمت يداك أختي الغالية على مانقلتي وماكتبتي

لنا من مواضيع رائعة ومميزة.

دمتى ودام تميزك

وشكراً على مجهودك الرائــــع

وننتظر الجديد

تحيتي لكِ

دمتى برعاية الله وحفظه