الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 ماقدرت أصبر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Sara
عضو نشط
عضو نشط
avatar

انثى عدد الرسائل : 264
تاريخ التسجيل : 25/03/2008

مُساهمةموضوع: ماقدرت أصبر   الإثنين 9 يونيو - 22:27

الصراحه قريت البوست دا فى موقع سودانى كبير جدا وإستغربت من ردود ومشاركات الناس كدى شوفو العنوان وبعد داك أى زول يقول رأيه:
مشكلة اغلب الأسر المغتربة:بناتنا وأولادنا لايفضلون قضاء الأجازات بالسودان ولا الدراسه بجامعاته

_________________
سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ماقدرت أصبر   الإثنين 9 يونيو - 23:29

الفاضلة سارة لك التحية
ده موضوع كبير جداً مسألة الإنتماء و لا إنتماء بالبحسها جميع أبناء المهجرين ( المغتربين ) و ممكن نسميهم سودانيين بالجواز و الخطاء و ين هل في رب الأسرة ؟ المارق من صباح الرحمن و راجع العشاء يجرجر في كورعية و لاه ظروف الغربة البقت قاسية ؟ ولاه الميزانية الما بتسمح بسفر الأولاد كل سنة للبلد ؟ عشان كده تلاقي البنت أو الولد ما عنده شيء بيربطوا بالبلد و البسمعه من هنا و هناك يبني عليه و يرسم صورة مشوه تخلي نافر جاحد و ده كله ما بخلينا نرمي باللوم عليه ما في حس وطني و أعتقد أنه ده دور الجاليات في استقلال العطلة الصيفية لعمل دورات في التربية الوطنية
أديك مثال حصل هنا و احد من الشباب سألوا مقدم برنامج في احد القنوات الفضائية ( انت سوداني كان الجواب مألم جداً سوداني لكن ما بعرف أي شيء عن السودان أنا مولود هنا و متربي هنا كان رد المزيع يا عزيزي أنا زرت السودان و السودان بلد جميل و ناسو طيبين و مثقفين و كل المدح كتر خيره نعتب على مين ؟ هسه هنا فرق كبير بين الشباب الجاين من السودان و الشباب الهنا رغم أني لا أعتب عليهم الموضوع كبير و داير ليهو رجعه
الرجوع الى أعلى الصفحة اذهب الى الأسفل
Sara
عضو نشط
عضو نشط
avatar

انثى عدد الرسائل : 264
تاريخ التسجيل : 25/03/2008

مُساهمةموضوع: رد: ماقدرت أصبر   الثلاثاء 10 يونيو - 20:11

شكرا أستاذ ود الشريف على المرور والتفاعل والله الموضوع كبيير شدييد. كمان فى ناس قالو السودان وسخ واوبئه والغريبه بعض الردود بيقولو الاهل زااتم مادايرين يمشو السودان احتمال عشان نحنا اتربينا هناك لكن والله عندنا اولاد اهلنا واحدين مولودين برا وطول عمرم متربيين هناك لكن قبل ماتبدأ الإجازه يخططو للإجازه فى السودان .الله يهون بس

_________________
سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
ودالشريف
مميز
مميز
avatar

ذكر عدد الرسائل : 2317
تاريخ التسجيل : 10/10/2007

مُساهمةموضوع: رد: ماقدرت أصبر   الثلاثاء 10 يونيو - 20:56

الفاضلة سارة لك التحية
في مثل بقول الما شفتو في بيت أبوك بخلعك و بعدين في ناس طلع جديد ياهم ديل الأهل البقولوا ما راجعين للسودان ديل البينطبق عليهم المثل يعني ناس ما كان بتحلم بالحاصل معاهم في بلاد بره دي لأنها الغربة حظ و حظ و كمان حظ حاجات و مكتسبات صغيرة جدا بدلوا و إتبدلوا و الله يثبتنا على حب السودان الجميل و بنقول ليهم زي ما قال الشاعر
بلدي و إن جارت عي عزيزة
و أهلي إن ضنوا علي كرام
الرجوع الى أعلى الصفحة اذهب الى الأسفل
Sara
عضو نشط
عضو نشط
avatar

انثى عدد الرسائل : 264
تاريخ التسجيل : 25/03/2008

مُساهمةموضوع: رد: ماقدرت أصبر   الأربعاء 11 يونيو - 6:31

بلدي و إن جارت علي عزيزة

و أهلي إن ضنوا علي كرام

والله ده البيت الكنت بفتش عليهو بارك الله فيك أستاذنا الفاضل

الله يثبت قلوبنا على حب البلد والله

_________________
سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: ماقدرت أصبر   الأربعاء 11 يونيو - 13:52

الأستاذة SARA تشكرين على هذا الموضوع الهادف ...

و لأن الموضوع كبير جدا وحساس .. سأتناوله برفق .. وعلى قارئي الصبر والتأني في إصدار الأحكام المسبقة حتى نكون منصفين لنا ولبلدنا ..

أرى أن المشكلة ذات وجهين :

الوجه الأول ( المغترب ) ...

الوجه الثاني ( الوطن ) [ المجتمع – عاداته وتقاليده ] [ النظام السياسي - بأجنحته المختلفة التي تخدم ذلك المجتمع والمصالح المتضاربة أو المتقاطعة ] [ الموارد – اكتشافها وطرق استغلالها وتوزيعها ] وووووووو الخ ..
وما بين الوجهين ( تكمن المشكلة ) التي تتمثل أيضا في وجهين [ المعاناة و عدم التقدير ] خصوصا مع أولئك الذين أمضوا سنينا طِوال في بلاد الغربة ...

فإذا تناولنا المغترب : فإن تجربة الغربة في الغالب تزيده تعليما ووعيا وإحساسا أكبر بالمسئولية خصوصا إذا كان المجتمع الذي تغرب فيه مجتمعا ذو مستوى راقٍ من التحضر والتعليم والإنتاج .. مجتمعا صاحب مبادرات وابتكارات متجددة .. بالعكس تماما من ذلك المجتمع الذي دفعه للخروج والنزوح والاغتراب ..

أما الوطن : فيظل هو الوطن .. ولكن .. ماذا عن أولئك الذين لم يعرفوه إلا من نشرات الأخبار وتقارير المحرضين من مراسلي وكالات الأنباء العالمية ؟.. ألا نجد لهم عذرا ؟؟ بلا شك أن مسئولية التعريف بالوطن ( تضامنية ) تقع على عاتق الأسرة في بلاد المهجر ( البيت + الجالية ) وعلى عاتق الدولة ممثلة في ( سفاراتها في الخارج ) .. فأي تقصير من هاذين الطرفين ينعكس سلبا على أطفال وشباب المغتربين .. ولكن ذلك بالطبع لا يعفيهم عن محاولة السعي للتعرف على وظنهم بشتى الوسائل ...

ولي عودة بإذن الله ...
مع خالص الوُد .......
الرجوع الى أعلى الصفحة اذهب الى الأسفل
Sara
عضو نشط
عضو نشط
avatar

انثى عدد الرسائل : 264
تاريخ التسجيل : 25/03/2008

مُساهمةموضوع: رد: ماقدرت أصبر   الخميس 12 يونيو - 0:32

الشكر الجزيل لمرورك استاذ قواسمه والله فعلا رأيك صاح عشان كدا ياريت كل الناس الزكرتهم ((الأهل والجاليات والسفارات و...)) يتعاونو فى توصيل معنى الوطن والإنتماء ليهو ومعرفة عاداتو وتقاليدو بمختلف قبايلو ولهجاتو بإقامة المعارض والندوات والتجمعات بدون الإلتفات إلى الإختلافات السياسية وغيرها والإلتفات فقط للمصلحة العامة وانا اشيد جدا بتجربة اخونا بورسودانى فى نقل الرطانه فى البوست اللغة النوبية والاخ سودانى فى بوست دارفور والاخوات نعمات ونازك فى بوست تعريفى بالتوب السودانى وزينة المرأة السودانية مع الإعتذار لكل من نسيت ذكره وساهم فى نشر الثقافه السودانية بكل نواحيها عن السودان
والله ياجماعة بلدنا سمحه
بس الله يكون فى عون الجميع

_________________
سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
كمبلاوي
عضو نشط
عضو نشط


ذكر عدد الرسائل : 871
تاريخ التسجيل : 11/03/2008

مُساهمةموضوع: رد: ماقدرت أصبر   الخميس 12 يونيو - 19:28

Sara كتب:
الصراحه قريت البوست دا فى موقع سودانى كبير جدا وإستغربت من ردود ومشاركات الناس كدى شوفو العنوان وبعد داك أى زول يقول رأيه:
مشكلة اغلب الأسر المغتربة:بناتنا وأولادنا لايفضلون قضاء الأجازات بالسودان ولا الدراسه بجامعاته



فعلا اخت ساره هذا موضوع شايك وذى شجون والله يكون فى عون المغتربين وابنائهم
فى الحقيقه هناك فى تفاوفت من مغترب واخر ، فى مغتربين بمشوا على هواء ابنائهم
ورغباتهم مهما تكونوبالذات اذا كانت الام متصلته ، فدا النوع الما عايز يدرس فى السودان
وعايز يقضى اجازته فى بلاد العم سام او اى مكان .
هنالك ابناء عايزين بتين الاجازات تجى عشان اتفكوا من الاربعة حيطان ويجروا جرى
على السودان ومن امنياتهم بتين يتخلصوا من الغربة ويرجعوا للسودان ويعيشوا وسط اهلنا الغبش

***********************************************


انا تانهسو انا

والله من وراء القصد[b]
الرجوع الى أعلى الصفحة اذهب الى الأسفل
Sara
عضو نشط
عضو نشط
avatar

انثى عدد الرسائل : 264
تاريخ التسجيل : 25/03/2008

مُساهمةموضوع: رد: ماقدرت أصبر   الأربعاء 18 يونيو - 23:53

شكرا استاذ كمبلاوى على المرور والمشاركه والله كلامك صاح بتختلف الاسباب من أسره لأخرى وكمان فى سبب السياسه والنتائج البتترتب على المشكله دى عويصه وكبيييره اهمها ضياع اللهجه السودانية الجميييله زى ماحصل مع اولاد الاستاذ فى موضوع استاذ ود الشريف سودانيون فى المنفى ومنفيون فى السودان وكمان الزواج بالجنسيات المختلفة وضياع الملامح السودانية الجمييلة وللأسف فى سودانيات مسلمات بيتزوجو من أجانب ومسيحيين ودا حرام شرعا وقانوناً ومامعروف النتائج الأسوأ الحتترتب على الموضوع دا الله يهون على البلد واهل البلد

_________________
سبحان الله وبحمده سبحان الله العظيم
الرجوع الى أعلى الصفحة اذهب الى الأسفل
 
ماقدرت أصبر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: