الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق
الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق
الملتقى الحر للسودانيين بالكويت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةأحدث الصورالتسجيلدخول

 

 الديوك السودانية

اذهب الى الأسفل 
4 مشترك
كاتب الموضوعرسالة
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: الديوك السودانية    الديوك السودانية  I_icon_minitimeالأربعاء 27 أبريل - 16:25



أنا مثلي مثل كثير من الناس لا يعرف من الديوك السودانية غير ديك العدة المشهور ولو بالغت بعرف ديك البطانة,, لكن عملت بحث في الانترنت وكانت المفاجأة انو ظهرت لي كمية من الديكة السودانية بمختلف مسمياتها,,
ويا اخوانا الديك بسموهو حسب سلوكه وطريقة تصرفاته (هادئ او احمق او هباش او غتيت أو كسلان الخ) تماما مثل بعض النماذج البشرية في حياتنا العادية,,, وأقرب مثل ديك العدة المشهور,, كدي نمسك الديوك دي واحد واحد ::-

ديك العدة :- ديك العدة دا يا جماعة خطير مما الواحدة تكون بتغسل ليها فى عدة وخاتاها فى السرير يجى الديك التقول محرش ما يقعد ليك الا فى السرير وفى نص العدة ,,, كان خليتيهو بوسخ العدة وكان نهرتيهو بكسر العدة.

ديك البطانة :- يقال عن ديك البطانة هذا ان صاحبه عندما يهم ببيعه يقوم بربطه على سيخ اللورى,, ارجله الى اعلى ورأسه الى اسفل ومعنى هذا ان الديك اثناء سفره من منطقته الى السوق وحتى عودته الى منطقته مرة اخرى اذا لم يجد من يشتريه لم يلق من سفره هذا نصبا,, اى ان كل ما عرفه في هذه الرحلة لا يتجاوز لستك العربية وما بكون عارف ولا فاهم اى شئ ,,ويقال هذا المثل (زى ديك البطانة,, مشى مدلدل ورجع مدلدل ) يضرب هذا المثل لمن لا يدرى بما يدور حوله.

ديك المسلمية :- ( ديك المسلمية بصلتو فى النار وهو يعوعى)
ده يا اخوانا ديك (غبيان),, بيحمروا ليهو في البصلة وهو يعوعي ما جايب خبر ,, ويضرب هذا المثل للشخص الذى لا يعرف مصيره ,,ويكون فى قرار جمهورى بأعدامه تحت الطبع وصاحبكم ما ناقش حاجة وهو من اخطر الديوك نسأل الله السلامة لنا ولكم .

ديك السنوسى: ده ديك عجيب شوية ,,, قالوا السنوسى عندو ديك عجوز ضبحوهو لى ضيف جاهو !! أها قالوا الضيف يحاول فى لحم الديك للصباح ماقدر ينتش منو حته !! زي اللستك !! بقى يخت الديك في الثلاجة ولمن يجيهو ضيف يقوم يسخنو ليهو الضيف يحاول مايقدر يطلع ولاحتة لحمه من الديك,, الزى اللستك !! بقو ناس الحلة من يستلفوهو منو لمن يجيهم ضيف ثقيل,, ويرجعوه للثلاجة تانى.
أها اقتنعتو انو الديوك السودانية دي عندها وزن لا يمكن الاستهانة بيهو؟؟؟
حا اواصل في الموضوع لحدي آخر ديك يخطر على بالكم,,, جاييي ليكم

[center][img]الديوك السودانية  Deeek10[/img
]
الرجوع الى أعلى الصفحة اذهب الى الأسفل
https://q8sudan.yoo7.com
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأربعاء 27 أبريل - 16:52

جاييكم بي ديوك أخرى,,, حا اوريكم ديك الهايفات وديك سعاد المشاتر وغيرها ,,,

الديوك مرت من هنا


[center]الديوك السودانية  Diok10
الرجوع الى أعلى الصفحة اذهب الى الأسفل
https://q8sudan.yoo7.com
om ashragat
عضو نشط
عضو نشط



عدد الرسائل : 539
تاريخ التسجيل : 24/06/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأربعاء 27 أبريل - 23:01

Abdlwahab كتب:


ديك البطانة :- يقال عن ديك البطانة هذا ان صاحبه عندما يهم ببيعه يقوم بربطه على سيخ اللورى,, ارجله الى اعلى ورأسه الى اسفل ومعنى هذا ان الديك اثناء سفره من منطقته الى السوق وحتى عودته الى منطقته مرة اخرى اذا لم يجد من يشتريه لم يلق من سفره هذا نصبا,, اى ان كل ما عرفه في هذه الرحلة لا يتجاوز لستك العربية وما بكون عارف ولا فاهم اى شئ ,,ويقال هذا المثل (زى ديك البطانة,, مشى مدلدل ورجع مدلدل ) يضرب هذا المثل لمن لا يدرى بما يدور حوله.



يعنى ضحكنى ضحك ديك البطانة دا
لايدرى ماحوله ... ماعارف حاجه ساكت
تسلم اخوي عبدالوهاب واصل بالله
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأحد 1 مايو - 14:12

أم أشرقت شكرا على المرور,, وخليك قريب لأنو الديوك لسة ما خلصت,, ولا أظنها تخلص قريب,, كل يوم بينكشف لينا نوع جديد,,,
وقبلما نواصل عجبتني قصتنا اخينا دي ,, وهي كالتالي على لسان صاحبها:

في بورتسودان كان لي صديق من أبناء كوستي مهووس بالطبيخ..
مره قالي عازمك "ديك حجيري" ولم أكن أعرف مواصفات الديك هذا.. وهو لم يجده بعد
فبعد بحث و تحري من ناحيته.. عن طريق المعارف.. عرف بمكان وجود ديكه المنشود..
في أحد أحياء المدينة الجنوبية..
أوصاف الحجيري... ديك طاعن في السن
جميل المظهر.. زاهي الريش.. باهي التاج و العرف
حجمه نسبيا أكبر من الحجم المألوف للديك العادي.. ويبدو أصغر من عمره الحقيقي بكثير
حاد الطبع.. يحقر و يحتقر كل ديوك الحلة.. كل دقيقتين ساكي ليه واحد بكل شراسه و حمق
مكسرا في طريقه كل أناء.. مدفقا عده حلل.. هاتكا كم راكوبه
لا يلهيه عن هدفه.. سوي رؤيه أحدي حسناوات الدجاج
هنا يترك غريمه بكل بساطه... كأن شئ لم يكن..
يطأطي رأسه و ينفش ريشه المتلألئ تحت وهج الشمس
ويحوم حولها مهمهما بكلمات الغزل... كت..كت..كت..كت... وهي فرحي بوجوده
يغيب عن البيت... ويظهر متي ما طاب له الحال
كبير الأقدام ظويل الأظافر..
صوته يعلو علي ديوك الحلة.. ولايجرو أحدهم علي الصياح قبله..
ذهبنا لمكان وجوده.. صاحبته ما عارفه ليه مكان.. مامصدقه ح تتخلص منه..
ماخلا حاجه في البيت ما كسرا... ورتنا بعض مآسيها مرايه دولابها الما بتتعوض..
نادت دسته من أولاد الفريق و قالت ليهم كان قبضتوه بكريكم.. وديل ما صدقوا
... لمن وصلنا كانت بتقلي في البن... وهديك يا جبنه بي ودعها..
أنا لمن نسيت.. الحجيري الجايين ليه... قريب المغرب الأولاد .. جو.. عددهم زاد الضعف
وأختفت وجوه من من كانوا في المجموعه الأولي. وظهرت وجوه جديدة. منهم الفتر.. و النادوه أهله يتلمه
المهم يا بركه.. مرقنا بغنيمتنا.. أنا من شفته الحركات البعمل فيها الديك في أيدين صاحبي
قلت ليه ده مافي طريقه نركب بيهو مواصلات..
وقفنا تكسي.. قرب ينزلنا في نص المسافة من عمايل الحجيري..
صاحبنا ربطوا في البيت تقول عجل ولا تور.., والديك الليل كلوا يناتل..
الصباح شالوا مرق بيهو علي دكان المكوجيه عشان يضبحوهوا ليه..
أنا انتظرت.. صعب علي أن أري نهاية ذاك المغوار..
أتي صاحبي يحمله.. ذبيحه لاحراك لها..انتهت

دا ديك الحجيري ,, واعتقد سبب التسمية لأنو عجوزو وما ظاهر عليهو ,, ولا يهمه الشيخوخة ,, يعني في عمرو الكبير دا وهو بيشاكس ويناتل وعامل عمايل كأنو عمرو عشرين سنة,,

الرجوع الى أعلى الصفحة اذهب الى الأسفل
https://q8sudan.yoo7.com
om ashragat
عضو نشط
عضو نشط



عدد الرسائل : 539
تاريخ التسجيل : 24/06/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأحد 1 مايو - 21:39

قريبه جدا
كل مرة بعاين عايزه اشوف الجديد شنوRazz

سمعت بديك الهايفات؟؟؟
بالله جيب خبرو Exclamation
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالإثنين 2 مايو - 14:39

أم أشرقت شكرا لمرورك الجميل,,,
وجبت ليك خبر ديك الهايفات وديوك أخرى ,, والقائمة كل مرة بتكبر شوية,, وأنا متأكد أنو هنالك ديوك لم ترى النور بعد,, ياريت العارف يعوعي لينا هنا في البوست ده,,

ديك الهايفات :
تم نسبة هذا الديك إلى مجموعة النساء (هايفات الحلة) الماعندهن شغلة,, ويقولون المرأة الهايفة هي تلك التي لا تكف عن الحوامة والزواعة,, وقل وندر ان تجدها قابعة في دارها, ونجد ان التقاليد السودانية تمجد اختها الاخرى ( بت اللبيب عبدالله لا حامت فريق ولا جالست خلق الله) كما يصفها الشاعر المادح لها او المعجب بها ..
ولكن ما هو ديك الهايفات ..؟؟؟
باعتبار ان الديكة (العاقلة) لا تصيح قبل انقضاء الثلث الاول من الليل .. ديكنا هذا .. يصيح بعد صلاة العشاء مباشرة وفى تلك اللحظات تكون الهايفات من النساء قد اجتمعن فى مكان ما وهاك يا نقة وطق حنك وفجأة يسمعن صوت الديك (صاحبنا) ويعتقدن ان الليل قد تقدم فيتصايحن ( سجمنا الديك عوعا الليلة الرجال بورونا المكشم بلا بصل ) وهكذا يتفرق الشمل وينفض السامر نتيجة انذار كاذب,, وعليه سمى هذا الديك الشفقان والمتسرع بديك الهايفات ..

ديك سعاد المشاتر :
من منكم يدعى انه راى ديكا يغط فى نوم عميق على حبل الغسيل والشمس في كبد السماء ومن قال ذلك فاظنه كاذب الا ان يكون من قرية مريحلة لأنى انا الاخر لم اشاهد ديكا غير ديك سعاد يقوم بهذه المغامرة وهل صحا احدكم فى الثانية صباحا ليرى ديك يجرى بنشاط يحسد عليه متنقلا من مكان لأخر او ( ينقد ) فى بطيخة بايتة وهو فرحانا ...؟ ايضا اظن ان هذا الشرف لم ينله الا من كان من قريتنا وشاهد ديك سعاد المشاتر يقوم بالأعمال غير المتوقعة.

ديك العشرة :
العشرة (10) المقصودة هنا ليست هي حاصل جمع 5+5 بل هي المليمتين وصاحبة ديك العشرة كانت تستدين عشرة مليمات من حليمة مثلا ولكى يكون هنالك ضمان تترك ديكها النحيل مع من استدانت منها وتقوم هذه الاخيرة بالعناية بالديك حتى تبيعه صاحبته الاصلية بقرش او قرشين فترد العشرة لصاحبتها وتشترى بما تبقى ديكين صغيرين او اكثر وتكرر مسرحية الاستدانة وترك الديوك الصغيرة كضمان وهى تكسب دون ان تشارك بمليم واحد فى التربية بل تجنى ارباحا صافية.
الرجوع الى أعلى الصفحة اذهب الى الأسفل
https://q8sudan.yoo7.com
NIZAR
عضو نشط
عضو نشط
NIZAR


ذكر عدد الرسائل : 1187
تاريخ التسجيل : 04/03/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 3 مايو - 15:47

التحيات يا وهبة
ديوكك عينة يا صاحب.
لا ، بالجد ، وبعيد عن أي أجندة : الموضوع جميل وتثقيفي ، ، بيشرح أشياء مهملة في الثقافة الشعبية السودانية.
أنا متابعك باهتمام. فما تنسى (ديك المخفر) في أثناء تجوالك ده
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 3 مايو - 18:01

الأخ أبو رسيل ( أشرقت ما تزعل بس) ,, شكرا للمرور

أنت لو لاحظت فووووق أنا عامل كاريكاتير مرتجل اسمو الديوك مرت من هنا ,, ووالللله العظيم ده ما عندو أي علاقة بمرور الناس على هذا البوست
أما ديك المخفر,,, هههههه

أنت بتطلب التحلية قبل ما تكمل غداك ,,, أصبر شوية بس


هل سمعتو بي ديك القيامة؟؟؟؟؟

ده أكتر ديك مكروه من الناس ,ديك شليق شلاقة , ده آخر ديك ممكن تسمعو بيعوعي

ديك القيامة ده قالوا الناس بيكونوا في حالة هدوء وسكينة وسبات عميق فجأة بيقوم يعوعي بدون اي مقدمات أها بس بعدها تقوم القيامة ,, يعني لو مسك قدومو ده عليهو كان ممكن الحكاية تتنسي أو تتأخر شوية,, ديك شليق شلاقة!!!!

لسة عندنا قائمة طويلة من الديوك الدايكة والديوك المستديكة (على وزن العاربة والمستعربة). وديك المخفر يا نزار للمعلومية من الديوم المستديكة (يعني ما أسلي مية مية),,

سؤال بي جائزة عشرة دينار: الديك يبيض بيضة واحدة فقط في حياتو ,, لكن عارفين بتكون متين؟؟؟

وربي ما تحرم ديك من البيض


عدل سابقا من قبل Abdlwahab في الثلاثاء 3 مايو - 19:19 عدل 1 مرات
الرجوع الى أعلى الصفحة اذهب الى الأسفل
https://q8sudan.yoo7.com
NIZAR
عضو نشط
عضو نشط
NIZAR


ذكر عدد الرسائل : 1187
تاريخ التسجيل : 04/03/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 3 مايو - 18:40

Abdlwahab كتب:
الأخ أبو أسيل ( أشرقت ما تزعل بس) ,, شكرا للمرور
[/b]

أسيل دي منو الـ أنا أبوها؟؟؟؟
كده إنتَ زعلتَ رسيل زعل شديد، ولازمك أسف واعتذار وسف تراب بالكوم ياعمك..

الديك يبيض مرة واحدة عندما يصل سن البلوغ
(رسل العشرة دينار ويسترن يونيان)
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 3 مايو - 19:26

NIZAR كتب:


أسيل دي منو الـ أنا أبوها؟؟؟؟
كده إنتَ زعلتَ رسيل زعل شديد، ولازمك أسف واعتذار وسف تراب بالكوم ياعمك..

يا زول اقراها تاني كويس ,,, على العموم وصل أسفي للأنسة رسيل وجل من لا يخطئ

أما اجابتك فهي خطأ وإن جانبها شئ من الصواب ,, فعلا بعد البلوغ ولكن في أي وقت,, في أي حالة بالضبط؟
عايز تخمنا ساي!!
الرجوع الى أعلى الصفحة اذهب الى الأسفل
https://q8sudan.yoo7.com
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: ديك اليوم   الديوك السودانية  I_icon_minitimeالأربعاء 4 مايو - 14:17


ديك اليوم

الديوك السودانية  How-to-draw-a-cartoon-rooster

دديك كبير
منسوب لصاحبه, واسمو ( كبير)
هذا الديك نوع متفرد من الديوك , تلاقيهو مظعمط ومبهدل (مابيهتم بي اناقتو) وسبب البشتنة دي من كترة المناقرة والدخول الغلط وافتعال الخناقات وحشر منقارو فيما لا يعنيه
وقالو اصلو (كبير) سيد الاسم من يوم تصبح شايل ليهو 24 خطة شكلة جاهزة البقابلو كلو يرشو بواحدة والنيران تولع , لكن الميزة المنفردة في هذا الديك انو دايما هو الغلطان من غير فهم ودي الميزة الحقيقة الجمعت بينو وبين (كبير) لذا جاءت المقولة المشهورة:
الديك الغلب سيدو
الرجوع الى أعلى الصفحة اذهب الى الأسفل
https://q8sudan.yoo7.com
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالخميس 5 مايو - 17:33

حا ندخل في بعد كدة في الغريق,,,,

ومن يعوعي أخيرا ,, يعوعي كثيرا ,, والكلام ليك يا البتفرفر في جناحيك ما تعمل نايم : angry
الرجوع الى أعلى الصفحة اذهب الى الأسفل
https://q8sudan.yoo7.com
om ashragat
عضو نشط
عضو نشط



عدد الرسائل : 539
تاريخ التسجيل : 24/06/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالجمعة 6 مايو - 0:17

الديوك السودانية  Diok10


LooooooooooooooooooooooooooooooL
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالإثنين 9 مايو - 14:38

مازال هناك بقية من ديوك,,, ولا تحلموا بعالم سعيد ,, فخلف كل ديك يطير ,, ديك جديد

اتصل على أحد الأخوان وقال لي اقفل باب البوست بتاعك ده كويس لأنو الديوك ديك لو لحقت مرقت برة على باقي المنتدى ده بتخلي ريحتو طير طير,,,

وديك اليوم سموهو ديك الأنقو ,,, وما عارف سر التسمية لكن بفتش ,, المهم
ديك الأنقو والله اعلم يقال انه ود عم ديك العدة
ويمتاز بالحماقة الشديدة يعني اقل شي بنفش ريشه وقيل بنوم بي عين واحدة وما بحب الا الجداد الكويتي ودائما مزهو بي نفسه ونافش ريشه وما بيأذن اصلا لكن عامل فيها الامام ...وفي كل مناسبة هو متصدر, تلقاهو في المقدمة قايد الجماعة لكن في الحتات الغلط , تحت السرير وفوق الدولاب وجوة المطبخ وفوق العدة عامل بلبلة ,, وده الفرق بينو وبين ديك العدة انو ديك العدة بتشاقى براهو لكن ديكنا ده معاهو جماعتو وراهو ودي المصيبة,, وقيل انو بعد ده كلو خواف جدا جدا ,, مجرد ما يحس بي الخطر طوالي بينسحب من المظاهرة و يفارق ليك جماعتو ,, تلقاهو انزوى في ركن أو تحت الزير عامل فيها عيان . والله يا اخوانا عالم الديوك ده عالم عجيب وغريب.
الرجوع الى أعلى الصفحة اذهب الى الأسفل
https://q8sudan.yoo7.com
محمد التاى
عضو نشط
عضو نشط
محمد التاى


ذكر عدد الرسائل : 628
العمر : 41
الهوايات : القراءة والمراسلة
تاريخ التسجيل : 18/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأربعاء 11 مايو - 15:34

والله ياجماعة الملتقى دا جاب ديوك عجيبة رهيبة
سؤال لى الاخ وهبة انت وينك من الديك الحبشى ياخى دا مافى ديك اشهر منو
لية يعنى الظلم دا
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالأربعاء 11 مايو - 16:18


محمد تاي شكرا علي المرور من هنا,,

طلبك مقبول,, لكن خلينا نكمل الديوك السودانية بعدين نفكر في الهجرة إلى الحبشة, بس اظنو ديك الحبشة دا بيكون اليوم كلو يرقص ويعوعي حتى يأتي أجله وينتهي في حلة زغني حااارة,
انت زول بتاع رياضة كدي كلمنا عن الديوك الفرنسية,,

أسئلة للتأمل
ما علاقة شركة دايكن بالديوك؟
ما علاقة الديكتاتورية بالديوك الثورية؟
ما علاقة الدياليكتيك بالديك؟
أو الديكشنري
الرجوع الى أعلى الصفحة اذهب الى الأسفل
https://q8sudan.yoo7.com
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 31 مايو - 15:30

رجعنا لديوكنا بعد طول غياب،،،
طبعا الأيام دي شكلها موسم ديوك حااار جدا سخانة فوق الخمسة واربعين،،، وانتخابات وجمعية عمومية وقوائم تنسحب وقوائم في عتبة الباب وقوائم تتوكر لي جوة زيادة ،، وليس ثمّ من مفر كما قال أمل دنقل

لا تحلموا بعالم سعيد
فخلف كلّ قيصر يموت: قيصر جديد !
وخلف كلّ ثائر يموت: أحزان بلا جدوى..
ودمعة سدى !

هدية اليوم بوستر مجاني صورة جماعية لأعضاء القائمة بتاعتنا واسمها (نحن ديل منن؟)
وحا نعوعي ونعوعي ونعوعي ليكم في راسكم لااااااامن نفوز

[center][img]الديوك السودانية  Butana10[/img]

ولنا عودة ،، الكلام دخل الحوش
الرجوع الى أعلى الصفحة اذهب الى الأسفل
https://q8sudan.yoo7.com
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 28 يونيو - 15:19

العود أحمد بعد طوووووووول انشغال, ليس بالانتخابات ولا بجمعية الفنون لكن بالدوام والدوام لله وقالوا الغربة زي ساقية جحا تشيل وتدي البحر,, وحصاد الغربة(بعد الحمد لله) ممحوق
خلينا في ديوكنا
ديك الوجاهات (او ديك المناسبات)
ده ماعايز كلام كتير لأنو من الإسم واااااضح جدا
ديك الوجاهات ده شايف نفسو احسن من غيرو ,, دايما نضيف وزاهي ومتقندف
تلقاهو رافع راسو و راميهو لي ورا ومادي ليك صدرو برة زي عازف البيز جيتار,,,
لما يدخل في لمة عايز البيتكلم (اقصد البيعوعي) يسكت وقمة متعته هي لحظات الصمت حين يدش على الجماعة,,,
ديكنا ده تنفع معاهو أغنية صلاح بن البادية (الملك)
طبعا بيكون عايش في هذا الوهم طيلة وجود الناس حوله,, لكن مجرد أن ينفض السامر يرجع للحالة الديكية العادية كأنو ده ما الديك القبيل,, مسكين
ديك الوجاهات أو المناسبات يحب يكون محط أنظار الجميع بسبب وبدون سبب حتى لو اضطر لافتعال السبب, وهذا احيانا يكلفه غاليا وقد يخاطر بحياته في سبيل ذلك...
الرجوع الى أعلى الصفحة اذهب الى الأسفل
https://q8sudan.yoo7.com
NIZAR
عضو نشط
عضو نشط
NIZAR


ذكر عدد الرسائل : 1187
تاريخ التسجيل : 04/03/2008

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالثلاثاء 28 يونيو - 17:48

Abdlwahab كتب:


[center][img]الديوك السودانية  Butana10[/img]

يا ديوك حلتنا زوووووووووووووووووولن كان بعرفك يا حليلو....
ده شعار حملتنا؟؟ هو نحنا ديل منن!!! Very Happy
غايتو ذكرتني الأب فيليب غبوش أيام الانتخابات منتصف التمانينات.. كان رمزه الغزالة وتحتها مكتوب : الرمز غزالة / نفوزوا رجالة..
لكن ديوكك دي يا عمك إلا تحتسبها عند الله كمصيبة من المصائب والمحن .. وتسأله اللطف في القضاء.
ديوك دايخة .. وعدمانة من لحم الدنيا ، ومن ماء الوجه والحياء الذي هو شعبة من شعب الإيمان. وعلى قول المغني : الديوك دايخة وانت صاااااايم ،،،،

بالمناسبة: ديك القدال ، تتذكرو؟؟ خبرو شنو؟!؟
(ديك الجن
رفيق همى وغنايا وفنى
سوا طريقو فى نخبة
وصبح متهنى
ما هماهو باسط مية
سكرة ينى
كل ما شافلو زفة
جديدة فوقها يغنى)....

الرجوع الى أعلى الصفحة اذهب الى الأسفل
محمد التاى
عضو نشط
عضو نشط
محمد التاى


ذكر عدد الرسائل : 628
العمر : 41
الهوايات : القراءة والمراسلة
تاريخ التسجيل : 18/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالخميس 30 يونيو - 10:19

ياوهبة انا جايك لموضوع الديوك دا وراح اوريك قصة ديك وقر الباعوهو فى السوق واتنقر اتنقر دى للمابيعرفها بالغة اهل البادية يعنى جاء زول اتسلبط فيهو قال دا حقى نسبتاً للتشابهة وديك فرنسا دا كلامو براهو


لكن خذ دى هدية منى لى ديوكك دى عشات تضحك معانا شوية



دي الجرادة القاعدة بترضع في ولد الكديسة
صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة

الرجوع الى أعلى الصفحة اذهب الى الأسفل
محمد التاى
عضو نشط
عضو نشط
محمد التاى


ذكر عدد الرسائل : 628
العمر : 41
الهوايات : القراءة والمراسلة
تاريخ التسجيل : 18/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالإثنين 6 مايو - 3:41

عوععووووووووووووووووع ............ كوكووووووووووووووك
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالإثنين 6 مايو - 14:05

يا ود التاي بتعوعي مالك بالليل ـ،، نعل ماكو عوجة
الرجوع الى أعلى الصفحة اذهب الى الأسفل
https://q8sudan.yoo7.com
محمد التاى
عضو نشط
عضو نشط
محمد التاى


ذكر عدد الرسائل : 628
العمر : 41
الهوايات : القراءة والمراسلة
تاريخ التسجيل : 18/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالخميس 9 مايو - 2:56

ههههههههههههههههههههههههههههه ياوهبة شايف الديوك نايمة قلت نصحيهم بعوعاية واحدة بس حسادة لنومهم القطعو بيهو حبل الغسيل كلو
الرجوع الى أعلى الصفحة اذهب الى الأسفل
Abdlwahab
Admin
Abdlwahab


عدد الرسائل : 982
تاريخ التسجيل : 10/10/2007

الديوك السودانية  Empty
مُساهمةموضوع: رد: الديوك السودانية    الديوك السودانية  I_icon_minitimeالخميس 9 مايو - 18:40


الديوك نايمة .. وانتي صاحي
الرجوع الى أعلى الصفحة اذهب الى الأسفل
https://q8sudan.yoo7.com
 
الديوك السودانية
الرجوع الى أعلى الصفحة 
صفحة 1 من اصل 1
 مواضيع مماثلة
-
» رومانيا تجبر الديوك الفرنسية على التعادل
» الصحف السودانية
» الصحف السودانية
» صحافتنا السودانية
» صحفنا السودانية

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: