الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةالتسجيلدخول

شاطر | 
 

 الحاصل شنو ؟ مالكم يا جماعة !!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: الحاصل شنو ؟ مالكم يا جماعة !!   الأربعاء 21 مايو - 16:59


أحوال المنتدى لا تسر ، ومواضيعه بلا حراك ،
والمشاركات تواضعت ، وأغلبها ضغائن ومهاترات
وضربات تحت حزام الأخوة التي تنادينا إليها ههنا ..
مالكم يا جماعة ؟
الحاصل عليكم شنو؟

نحتاج وقفة نتأمل فيها مسار المنتدى ومآلاته ،
نحتاج ازاحة غلواء الغضب والبعد عن اغتيال الشخصيات ،
نحتاج بصر وبصيرة وحلم وسماحة خاطر .. ونحتاج احترام
احترام مطلق ،،
واحترام حتى في اللؤم والمساخة وطولة اللسان ،
لأنو حتى ديل ليهن أصول ..

البوست ده انا فاتحو لمناقشة احوال المنتدى مع كل الأعضاء والعضوات،
وفاتحو لنتبادل الاقتراحات حول ما نريده من هذا التجمع ،
وماذا نفعل ليكون مقاماً للرقي والمعاملة الفاضلة الكريمة بيننا ..
مقاماً للتنوير والتثاقف والتواصل الاجتماعي الحي ..
مقاماً للترفيه والتسلية .. مقاماً للتعاضد ..

يللا .. في انتظاركم /ن كلكم /ن
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 17:34

العزيز نزار,,, لك التحيات العطرات
ومبروك النيو لوك ,, شايفك ختيت نسوان راشد دياب

فعلا بد في ركود الأيام الفاءتة وغالبا مشغوليات الناس على ما أظن,,,
وطيور الظلام (رغم التطهير) يبدو أن هناك شظايا خلايا (كانت نائمة) وللا شنو ماعارف
_______________________________________________________________________
معليش بالرجوع إلى لب موضوع البوست
كلنا نعلم أن المنتدى هو مشاركات وحوار في كل مايخطر على بال,,وبدون مشاركات مافي منتدى ,, بل حا يكون عبارة عن موقع الكتروني للقراءة فقط ورويدا رويدا سيتلاشى ونرجع تاني مربع واحد
أنا شايف بعض الناس ما مازالو غير مستوعبين ضرورة المشاركة في المواضيع (حسب الاهتمامات والرؤى طبعا)
ولو لاحظت في كمية كبيرة من الأعضاء المسجلين من زمن بعيد ومشاركتهم _زيرو_ ماتفهم السبب في العضوية من أساسو شنو؟؟؟؟
الرجوع الى أعلى الصفحة اذهب الى الأسفل
http://q8sudan.yoo7.com
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 17:48

بدون ادنى شك يا وهبة ، المشاركات والحوار هما لبّ أن يكون هناك منتدى ،
وبدونهما لا يمكن أن نعوّل على شيء ..
وصحيح أيضا إنو المشغوليات سبب رئيسي في تواضع مشاركات الناس ..
على كل حال ، اتمنى أن يتم نوع من التفاعل الجاد في أحوال المنتدى ومساراته ،
شخصياً لديّ عدة مشاريع مؤجلة هنا ،
ويمكنني البدء بها في محاولة مني لتنويع مسارات النقاش التي أرى أننا بتنا مسجونين فيها ،
مثل (الاخبار المنقولة كوبي بيست ،، وطيور الظلام وخلاياهم النائمة ) ..

ده كوم ،
الكوم التاني يا صاحب ، ديل ما نسوان راشد دياب ..
ديل تبع صاحبي قاسم عثمان الـ كلمتك عنو ..
ودي ذاتها فرصة نعرّف الناس بأجواء هذا الفنان التائه في دواليب حياتو الـ ما معروف ليها راس ولا قعر //


محبتي
الرجوع الى أعلى الصفحة اذهب الى الأسفل
الصادق سليمان محمد امام
عضو نشط
عضو نشط


عدد الرسائل : 196
تاريخ التسجيل : 06/04/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 17:53

نتمنى ان تسرى المنتدي بما لديك من اششاء مدفونة فى الدواخل ام ان ولية العهد قد اخذت حيز من الوجود شغلك عن الباقي اتمنى لك دوام التوفيق والسداد
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 18:03

أخونا الصادق ،
تحيات زاكيات ..
الأهالي بقولو اليد الواحدة ما بتصفق ،
وعليه فإن إثرائي للمنتدى بما سميته (الاشياء المدفونة في الدواخل) لن تكون له قيمة ولا معنى اذا تجرد من مشاركات الأعضاء وتفاعلهم معه ، أما القراءة السلبية (الـ بدون مشاركة) فمصيبة كبيرة أرجو أن نتلافاها كلنا ..

شكرا لحضورك الجميل
الرجوع الى أعلى الصفحة اذهب الى الأسفل
ARIEBI



عدد الرسائل : 10
تاريخ التسجيل : 11/05/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 19:06

لك الشمس أبوأشرقت
دائما سباق فى عمل الخير,ورؤية لا تشوبها شائبه..
نعم للتواصل الودى ,بالرغم من إختلاف الرؤى
يلا تعالو كلنا نكون مع بعض لا على بعض


لك التحايا

ا
الرجوع الى أعلى الصفحة اذهب الى الأسفل
ARIEBI



عدد الرسائل : 10
تاريخ التسجيل : 11/05/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 19:34

على فكره حاولت افهم اللوك الجديد و ماعرفتْ...!
كتر خيرك عرفنا عندك ما يسر تجاه ذلك المنسى فى أرض الموحدين (أذا لم يعود)

وهبه هو الذى اعاد إلى إنسان عينى لكى أستنطقها ودا عشمنا فيه

وتحياتى
الرجوع الى أعلى الصفحة اذهب الى الأسفل
Wad Addaya

avatar

ذكر عدد الرسائل : 5
تاريخ التسجيل : 21/05/2008

مُساهمةموضوع: اسف لو الكلام دة ظهر مرتين , اصلو الفات راح شمار في مرقة   الأربعاء 21 مايو - 20:47

اسف لو الكلام دة ظهر مرتين , اصلو الفات راح شمار في مرقة .. الظاهر المفروض أطو نفسي تقنيا.. أو أبطل شراب القهوة .. لأنو بعدها المساهمة اترسلت ما عارف وين !!
سلامات و مرحبات
أول حاجة مبروك على انطلاقة المنتدى و أتمنى انو يحول و نسات تحت الكواليس الى تفاعلات بناءة.
بس عندي و جهة نظر أو رأي اخر. أبدأ بالتسجيل للمنتدى .. هنا أنا ما عايز أرجع الكورة للمرمى لأنو دي نقطة نوقشت و اتغربل منها قرار علينا أن نحترمه , بس من ناحية تنفيذية و تقنية لازم ننظر في الأمر. يعني الواحد العايز يدخل لازم يرجا في الصف لحدي ما يلقى طريقة .. يا جماعة ممكن نخت مثلا غربال بعد الدخول, في ناس ما معروفين أدوهم زمن تجريبي .. ثانيا حكاية المواضيع المفروضة من فوق و الشكل المضموني و ماشابه دي حاجات أكتر ما بتنفر ما بتلم. فخلو البنسخ انسخ فعلى الأقل بنقول راينا في الأخبار المنسوخة الملصوقة. و الراسو صغير بيكبر مع الكبار. فوردي و الكابلي هم نفسهم ظلوا بنفس القيمة رغم كترة (الأورغانات). فخلو الولادة تكون طبيعية و ما في داعي للقيصريات في المجال الفكري و الأبداعي و أسألوا حبوبتي ان كنتم لا تعلمون. و طالما أراد أحدهم أن يجعل من الشرارة ميدان و من العربية جزيرة و لم يفلح و البديه بالأشارة يفهم. نحن ياناس في عهد السوق الحر و العولمة.
الشي الأخير هو انو مافي دعاية للمنتدى دة و لا حتى بين أعضاء الجالية أو مجلسها. فاسلوب: كلم فاطنة أنو السكر جاء في التعاون , انتهى زمان (السكر بضم الســين و ليس هنك مغزى في ذلك) .. و دي مهمتك يأخ عبد الوهاب و نحن بنساعدك فيها ,, المفروض تترسل ايميلات للناس تدعوهم للأنضمام .. مش رسائل خشم زي بتاعت عريبي (أطال الله عمره و أدّاهو بت الحلال).
ود الداية
الرجوع الى أعلى الصفحة اذهب الى الأسفل
مصطفى يوسف فضل
عضو نشط
عضو نشط


عدد الرسائل : 588
تاريخ التسجيل : 11/10/2007

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 21:50

يا خويا نزار
رانا متفقين ويعطيك الصحة على هاكداشي هدرة
والله يا نزار فقدناك الأيام الفاتت ومما يبدو إنك اتفاجأت بكمية المصادمات الحصلت في غيابك عموما هي مصادمات بتمنى إنها تزول وأمنية تانية انه الناس توعى وتبطل مناوشات ،وبشد على إيد ود الداية في فكرته عن الغربلة وإعطاء مهلة ،عموما يا نوز يا رائع أنا بنادي بشدة انه الناس تلتقي انشالله ونسة شاي بما أنه مساعي لقاء الحرية شبه بائت بالفشل، لأنه من فوائد اللقاء إنه الناس حتناقش وتوضح وجهات النظر ولا الرأي شنو
ومالي مالي مالي هاكدا

_________________
أجمل التاريخ غدا
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 22:27

ARIEBI كتب:
على فكره حاولت افهم اللوك الجديد و ماعرفتْ...!
كتر خيرك عرفنا عندك ما يسر تجاه ذلك المنسى فى أرض الموحدين (أذا لم يعود)

وهبه هو الذى اعاد إلى إنسان عينى لكى أستنطقها ودا عشمنا فيه

وتحياتى
باعروووووووووب ، سلامات يا ابن أمي وأبي ..
المنسي لسة في أرض الموحدين ، هائم على وجهه ، يرسم اسكتشات النساء على برنسيس السجائر ويرمي بهن على قارعة المقاهي ، ثم لا يلوي على شيء ..
وأخيراً استطعت أن اقتلع منه 60 لوحة مصورة ، أرسلها لي لأختار معه ما يناسب العرض في صالة نادي الأسرة بالرباط .. وتمناني أن أكون حاضراً وكانت تلك أمنيتي كذلك ، لكن أنت أدرى ..
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 22:31

ود الداية يا صديقي الحميم ،
(قلتَ لي أكلم فاطنة إنو السكّر جا في التعاون؟؟) ، Very Happy Very Happy
ياخي مرحب بيك وبكتابتك الواعية ، مرحب بحضورك الفذ ، وسخريتك المبدعة
المنتدى صار أجمل ، صار أجمل .. بك وبكل الصحاب ،
ويداً بيد ، يللا نبدا الخطوة التانية
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الأربعاء 21 مايو - 22:41

سيد الاسم كتب:
يا خويا نزار
رانا متفقين ويعطيك الصحة على هاكداشي هدرة
والله يا نزار فقدناك الأيام الفاتت ومما يبدو إنك اتفاجأت بكمية المصادمات الحصلت في غيابك عموما هي مصادمات بتمنى إنها تزول وأمنية تانية انه الناس توعى وتبطل مناوشات ،وبشد على إيد ود الداية في فكرته عن الغربلة وإعطاء مهلة ،عموما يا نوز يا رائع أنا بنادي بشدة انه الناس تلتقي انشالله ونسة شاي بما أنه مساعي لقاء الحرية شبه بائت بالفشل، لأنه من فوائد اللقاء إنه الناس حتناقش وتوضح وجهات النظر ولا الرأي شنو
ومالي مالي مالي هاكدا
بوسطيف ، يا صاحب الأيام التي في البال ،
حكاية لقاء الحرية دي ذكرتني اجتماعات الطلبة الشيوعيين لما تغلبهم الحيلة وما يقدروا يحسموا موضوع نقاش بيناتم ، يقوموا يكتبوا في ختام المحضر : بانتظار تقارير المدن ،
أها هسة موضوع الحرية الـ قوّم نـَفـَـس أختنا إلفة أظنو منتظر تقارير الارياف ، ومن باب أولى إنو الناس تبارك لسامي الحاج ده من بعيد لبعيد كده ، وتسعى في إنها تتلاقى ساي ، ونسة عصاري ..
يازول ياريت والله الناس صدرها يتسع وتبتعد عن الشخصنة ، المنتدى ده مااااهل وبشيلنا كلنا
بس المطلوب إنو الأيادي تتلاحق وتتساند والاقدام / الأقلام تمشي خطوة للأمام ،
الرجوع الى أعلى الصفحة اذهب الى الأسفل
مصطفى يوسف فضل
عضو نشط
عضو نشط


عدد الرسائل : 588
تاريخ التسجيل : 11/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 0:41

حبيبنا نوز
والمقترح محفوظة حقوقه للرائع ود الشريف و بما أنه أعذارنا كلنا مرتبطة بانشغالنا بلقمة العيش والرزق فالكل تقريبا وبكل تأكيد عنده يومين الإجازة والفكرة يا سيدي ودون ما أطول وأدخل في دهاليز وأنفاق فكرية مافي ليها داعي انه نحدد جمعة أو سبت من الجمعات والسبايت البيروحوا سااااااااااااااي في الفارغة والنوم ونتلاقى انشالله ساعة زمن في أي مكان من أمكنة الكويت الترفيهية المعروفة و فيه نشوف الملتقى ده الناقصه شنو وبينتم كيف ،ملاحظ غياب تام للعنصر النسائي لعل المانع خير (الأخوات إلفة،نازك،نعمات يوسف،آمنة الصادق،سوسن،سارة).... وأتمنى أن لا أكون قد نسيت أي من العضوات الكريمات
ومالي مالي مالي هاكدا

_________________
أجمل التاريخ غدا
الرجوع الى أعلى الصفحة اذهب الى الأسفل
Amna Elsadig
عضو جديد
عضو جديد


انثى عدد الرسائل : 110
الهوايات : القراة الكومبيوتر نقاش المواضيع الجادة والمثمرة والحيوية.
تاريخ التسجيل : 23/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 3:52

[b]

أخى الفاضل سيد الإسم بالرغم من المواضيع الهادفة والتى تستحق النقاش والحلول الجزرية إلا أنها فجأة تنأى وتتلاشى وتتغطى بسحابات رمادية لا علاقة لها بالموضوع الشيق وتصبح نقاشات جانبية ولوم بين أعضاء المنتدى وسرد أشياء غير مفيدة.وهناك بعض الملاحظات أيضا أتحفظ لسردها لئلا يفهمنى الأعضاء خطأ وأننى ضد أحد منهم. أتمنى أن ينأى المنتدى عن الموضوعات الغير مفيده وجدابة للقارىء.من رأى أيضا أنه ليس هناك غضاضه ابدا فى الكوبى والبيست إدا كان الموضوع شيق ومفيد لأننا أحيانا نريد أن نعمم الفائدة المرجوه من الموضوع وأحيانا ليس لدينا وقت للكتابة لكثرة المشغوليات....بالدات هده الأيام لأننا نازلين أمتحانات ؟؟؟؟أعنى أولادنا هم نازلين إمتحانات .شوفوا الغرابة نحن شايلين الهم وهم لا هم لهم .على كل أرجو أن يكون المنتدى قاصا بالمواضيع الشيقة عالية المستوى لكى نعطيه صبغة الثقافة وأيضا يكون لنا صفحات للنكات والتندر والشات لكى لا يكون مملا ولا نعمل شات بين الأعضاء كتابة وسط المواضيع الجادة.أما إدا كان هناك إستفسارات جانبية فلا بأس بالتنوير والإستيضاح للأمور ولكن فى الحد المعقول لكى لا يصبح المنتدى غاصة بالمهاترات والفوضى العارمة الجانبية الخاصة.لكم منى جميعا إخواتى الفضليات وأخوانى الأفاضل خالص الإحترام والتقدير .
الرجوع الى أعلى الصفحة اذهب الى الأسفل
Amna Elsadig
عضو جديد
عضو جديد


انثى عدد الرسائل : 110
الهوايات : القراة الكومبيوتر نقاش المواضيع الجادة والمثمرة والحيوية.
تاريخ التسجيل : 23/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 4:53

[b] flower flower

أكثر موضوع هدنى هو موضوع البيت(( الرمادى)) أو البيوت الرمادية الغامضة أتمنى أن يسمعنا المسئولين وان يعاد النظر فى عملية الكنترول للبطاقات الشخصية للطلبة والمواليد الجدد والمواطنيين وان يكون هناك نقاط تفتيش فى كل ولايات السودان لحصر المواطنين والأجانب وأن لا يكون السودان مرتع لهولاء وأن يكون إستخراج البطاقات مشروطة بالتحرك فى داخل السودان لضبط الأجانب وتحركاتهم وسكنهم والتصريح للمطاعم المحترمة المفتوحة والهادفة لعرض الثقافة للشعب الأجنبى مالك المطعم سوى كانوا صينيين أو أثيوبيين أو أريتريين وتتبنى سفاراتهم أعيادهم الوطنية والصالات الخاصة المصرح بها لمناسباتهم الخاصة ونحن لسنا ضد أحد يريد أن يكسب لكمة العيش الشريف والكريمة ولكن بقانون وليس بفوضى آن لنا الأوان لكى نعطى قيمة لأهلنا السودانيين ونفخر بنعمة هدا الوطن الغالى الغالى بأهله ونيلية العظيمين الأبيض والأزرق ونيله الجبار نهر النيل العظيم ووالله إنه لمعجزة هدا النيل وإنسان السودان هو المعجزة الكبرى لقد حبانا الله بتميز عجيب فى أصل معدننا وأخلاقنا الكريمة ولقد ربط الإله معدن الإنسان بالكرم والتقوى به سبحانه وتعالى(وجعلناكم شعوبا وقبائل لتعارفوا إن أكرمكم عند الله أتقاكم))ووالله أرى أن السودانيين وهم فى داخل السودان ينطبق علينا هدا النص؟؟؟؟؟ يجب أن ندرك أهميتنا وبلدنا وأن نرسى قواعد الإحترام والتقدير قوية منيعة وأن يكون السودانى هو الأول فى بلده وأن لا يكون الأجنبى هو دو الشأن , نعم نقدرهم ونحترمهم ولكن لتكن الأولوية للمواطن فى الشأن والمقام لقد قصدت أن نتآخى ونمد يد التكاتف والحرية وننسى إنتمآتنا الحزبية وقبليتنا بانواعها حتى الديمقراطية وليكن هدفنا أولا وأخيرا البلد الوطن السودان العظيم الدى ليس مثله شىء.
الرجوع الى أعلى الصفحة اذهب الى الأسفل
بورسوداني
عضو نشط
عضو نشط
avatar

عدد الرسائل : 158
تاريخ التسجيل : 06/04/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 5:26

هلا مرحبتين أبو النيز

حمد الله علي السلامة..طبعاً من أول وهلة أتخيلت شعارك الجديد دا هامور (نوع من الأسماك البحرية) وعموماً

دوماً تأتينا ومعك البشريات الحلوة..

وأعتقد أن طيور الظلام والطابور الخامس أستطاع تحقيق إحدي مآربة في تشتيت المنتدي ..وهي الخطوة الأولي

بعدها إن لم نتدارك الأمر ياجماعة وننتبة لذلك فسنترحم ونتلقي التعازي علي ملتقنا ..

وياأبو النيز أدينا ثوابت أرقامك فقط تقطعت بي السبل للوصول لكل الأحباب!! فكنتم السابقون ولحقانا بكم!!



[url][/url]
الرجوع الى أعلى الصفحة اذهب الى الأسفل
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 13:34

Wad Addaya كتب:
فاسلوب: كلم فاطنة أنو السكر جاء في التعاون , انتهى زمان (السكر بضم الســين و ليس هنك مغزى في ذلك) .. و دي مهمتك يأخ عبد الوهاب و نحن بنساعدك فيها ,, المفروض تترسل ايميلات للناس تدعوهم للأنضمام .. مش رسائل خشم زي بتاعت عريبي (أطال الله عمره و أدّاهو بت الحلال).
ود الداية

عجبتني حكاية فاطنة دي,,,
بالتأكيد ماعندك شك أننا بذلنا ماوسعنا ليصل عنوان الملتقى لكل الناس ,, وفي ناس كتيرة جدا مسجلين لكن بدون أي مشاركة ,, وصدق أو لا تصدق ,, أفضل طريقة عشان توصل الناس هنا في الكويت هي طريقة فاطنة ,, بس الفرق أنو نحنا سكرنا كتييييييييييييير ومابيكمل
لكن أي أفكار جديدة مبدعة نحن على استعداد لتبنيها فورا ,, فياريت ترسل لي أي بريد الكتروني عشان نقدم الدعوات
ولك مني أحلى الأمنيات
الرجوع الى أعلى الصفحة اذهب الى الأسفل
http://q8sudan.yoo7.com
Abdlwahab
Admin
avatar

عدد الرسائل : 982
تاريخ التسجيل : 10/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 14:06

NIZAR كتب:

الكوم التاني يا صاحب ، ديل ما نسوان راشد دياب ..
ديل تبع صاحبي قاسم عثمان الـ كلمتك عنو ..
ودي ذاتها فرصة نعرّف الناس بأجواء هذا الفنان التائه في دواليب حياتو الـ ما معروف ليها راس ولا قعر //
محبتي

آسف والله ظلمنا أخونا قاسم ,, لكن تعرف انو راشد احتكر رسم الحريم في اللوحة التشكيلية حتى اصبح الناس يستدعوها من ذاكرتهم مجرد ما يشوفوا توب ملون في لوحة,, وده طبعا قصور تشكيلي معرفي وقع كتيييييير جدا من أخوانا التشاكلة وفيهو خطورة أننا بنختزل كل القيم الأخلاقية والإجتماعية والإرث العظيم المتراكم في معرفتنا الحالية في شخص واحد استطاع بذكاء أن يؤسس له مكان في ذاكرتنا الصورية ,, لكن يبقى التوب السوداني دلالة على الملامح الاجتماعية السودانية الما بتغباها عين,, وبالفعل هو سفيرنا في الخارج والمتحدث الرسمي بإسم السودانيين.

الفنان التشكيلي السوداني أوفر حظا من آخرين كثر لما لديه من زخم تاريخي وموروث حضاري هائل وتنوع اثني ثقافي بيئي ,,الخ. لذلك استطاع وبكل سهولة تبين أهمية التوب السوداني ودلالاته الغير محدودة بالشكل المرئي ليصبح (موتيفا) أساسية في فضاء اللوحة,,, وهذا التبصر لم يكن عصيا ولا متطلبا وقتا وجهد وخطط, بل هو واقع يعيشه الفنان من بين أهله وسط (أهله) ,, فيراهن مارقات للصفاح ومتجمعات في بيت بكا ومستجمات في ونسة مشاط,,أو يتهامسن في قعدة (جبنة) نهارية في البرندة البرانية أو الراكوبة أم رقراق.

أتمنى يانزار أن تبذل جهدك وتلم قدر قدرتك أكبر مجموعة من الصور عشان ننشرها هنا في الملتقى ,, ويايت لو جبت لينا قاسم زاتو ,, وبالمناسبة عندنا معرض ضخم جدا في السودان في شهر أغسطس الجاي بمناسبة افتتاح دار التشكيليين السودانيين) ياريت لو ممكن يرسل لينا عمل واحد بس ويشاركنا الفرحة الكاتمنها لينا ستين سنة ,, ستين سنة بدون دار ,, تخيل ؟؟؟؟؟؟
الرجوع الى أعلى الصفحة اذهب الى الأسفل
http://q8sudan.yoo7.com
Wad Addaya

avatar

ذكر عدد الرسائل : 5
تاريخ التسجيل : 21/05/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 14:20

سيد الاسم كتب:
أنا بنادي بشدة انه الناس تلتقي انشالله ونسة شاي بما أنه مساعي لقاء الحرية شبه بائت بالفشل، لأنه من فوائد اللقاء إنه الناس حتناقش وتوضح وجهات النظر ولا الرأي شنو
ومالي مالي مالي هاكدا

أثني بالعشرة على اللقاء , ليس فقط انانية مني لألتقي بكل الأحباب دفعة واحدة و خاصة انو قطاري صفَر, و لكن أيضا للنهوض بأفكار ثرة .. أنا من جانبي بأقترح نهاية الأسبوع القادم و بدل الشاي نخليها مشويات لأنو ما كل الناس بتشرب شاي Laughing
الرجوع الى أعلى الصفحة اذهب الى الأسفل
Gawasma
عضو نشط
عضو نشط
avatar

ذكر عدد الرسائل : 506
تاريخ التسجيل : 10/10/2007

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:22

UP

أبو اشرقت .. نشد دائما على يديك .. ونشيد بمادراتك ...


كل الوُد ...
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:32

صباحاتك يا بوسطيف ،،
ومعك أنادي على الاخوات الغائبات بأن يعدن لسد الفراغ وإعادة الوهج للمنتدى ..
وكمان أشدد على حكاية اللقاء في واحد من أيام الجـُـمَـع .. أما السبوتات فنحنا شغالين يا عمك
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:34

الأخت آمنة الصادق ، تحياتي
ملاحظاتك ( في مداخلتك الأولى) ممتازة ومهمة وفي حال انتباه الأعضاء والعضوات لها والالتزام بها فإنها ستعين كثيراً في تحقيق القدر الأوفى من التميز الواعي لهذا الملتقى . وأرجو أن تقوم الإدارة بتفعيل غرفة الشات حتى نتجنب التفرعات التي تذهب بالموضوع الأساسي إلى مهالك التهاتر .. واذا كانت هناك تساؤلات او استفسارات ملحة فيمكن للأعضاء والعضوات استخدام المسنجر الداخلي للكتابة للادارة أو إلى بعضهم بعضا ..
أشكرك مرة أخرى على الملاحظات القيمة في المداخلة الأولى .. أما المداخلة الثانية (حول البيوت الرمادية) فلم أفهم مغزى وجودها في هذا الخيط ..
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:47

يا بورسوداني ازيك ياخ ،،
طيور الظلام ربحت معركة ـ بدون شك ـ لكنها ستخسر الحرب . وهذا الخيط تم فتحه عشان نلتئم من جديد ونتضامن كي نذيق هذه الطيور العلقم .. لأن عذاب هذه الطيور يكمن في نجاح هذا المنتدى وتضامن ناسه ..
(خلاص ح نضوي شمعاتنا) شعار المرحلة دي عشان اي طير ظلام يموت بغيظه وكمده متعفناً في ظلام روحه وشرور أعماله
..
اتصلتَ عليك كم مرة ، وتلفونك مافي .. وكتبتَ ليك ملحوظة في بوست (طيور الظلام) علك تتصل بي لكن واضح أنك ما شفتها .. المهم أريتك والـ معاك طيبين .. ودي ثوابتنا في المكتب : 2431253 / 2404273
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:53

وهبة يا راقي ،،
اشكرك بحرارة على المداخلة الجميلة حول نسوان دياب وحريم قاسم ..
وسيكون لنا حديث طويل عن تلك التجاريب والتفاكير اللونية ومعابثاتها الهادفة،،
الرجوع الى أعلى الصفحة اذهب الى الأسفل
NIZAR
عضو نشط
عضو نشط
avatar

ذكر عدد الرسائل : 1187
تاريخ التسجيل : 04/03/2008

مُساهمةموضوع: رد: الحاصل شنو ؟ مالكم يا جماعة !!   الخميس 22 مايو - 15:55

Gawasma كتب:
UP

أبو اشرقت .. نشد دائما على يديك .. ونشيد بمادراتك ...


كل الوُد ...

بوركتَ أخي قواسمة ،
ولكَ كل الودّ وكلّ جميلٍ يـُـهدى ..
الرجوع الى أعلى الصفحة اذهب الى الأسفل
 
الحاصل شنو ؟ مالكم يا جماعة !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: الملتقى العام-
انتقل الى: