الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق
الملتقى الحر للسودانيين بالكويت
الملتقى الحر يرحب بك ويتمنى لك يوما سعيدا
يرجى تسجيل دخول لمشاهدة المنتدى كاملا وامكان المشاركة بالكتابة والتعليق
الملتقى الحر للسودانيين بالكويت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الملتقى الحر للسودانيين بالكويت

مساحة لطرح ومناقشة قضايا وهموم أبناء الجالية بكل حرية وصراحة
 
الرئيسيةأحدث الصورالتسجيلدخول

 

 التجاني حاج موسى * ضل الضحى الرامي

اذهب الى الأسفل 
كاتب الموضوعرسالة
نعمات يوسف
عضو جديد
عضو جديد



عدد الرسائل : 103
تاريخ التسجيل : 30/10/2007

التجاني حاج موسى * ضل الضحى الرامي Empty
مُساهمةموضوع: التجاني حاج موسى * ضل الضحى الرامي   التجاني حاج موسى * ضل الضحى الرامي I_icon_minitimeالجمعة 11 أبريل - 2:21

التجاني حاج موسى
ضل الضحى الرامي
ـــــــــــــــــــــــــــــــــ

ضل الضحى الرامي
وشمس شتوية دفايه
وريحة البن لما يفوح في قلايه

جدي وفروة جدي وصورة
ولمان جيت أمد إيدي
جدي أديني تعريفه
بتقرأ الحمدو ياالمبروك
بقراها وعشان تعريفه القاها
أجود في القرايا كمان
وين يا دنيا ولى زمان

سعف حبوبة والحنقوق
والطورية والواسوق
وصوت سعدية بت جيرانا
تشحد ليها في طايوق
وصوت عرفه بتخنق الدلوكه غنايا
وحبة فريك لموه لى رمضان
مصرور فى مخلايه
صور محفورة في الداخل
صور محفورة جوايا
عشان الليله وعشان باكر وبعد باكر
عشان الزمان غدار و ما معروف
زماناً كلو خوف في خوف

مشتاق يا يمه لى ملاح النعيمية
وريحة صاجك المحروق لما تسوي طعمية
وغباشة روب وعنزه حلوب
بدور ارحل أجيكي هناك
ضاقت بيا يمة هنا
بدور اتمسى بى عينيك واصابحك يا صباحي انا
صباح الخير على عيونك
وأتاري الدنيا من دونك
شينة و مرة ما بتندار
ومرة مرارة يا يمه دي مرة وحارى زى النار
ولو بتدوري أحكي لك عن احوالي في البندر
من وين عايزا أبدا لك أبدأ بس من وين ؟
مو شيتاً غريب وعجيب وسيتاً كلو شين في شين
هنا الزول العديل يعيش يوماتي بى وشين
وزولتي الحتى حبيتا وحاتك انتي يا الغالية
لقيتا بلاي تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
خواطر تذهل الألباب واقابلك يا شوارع الجن
وفى جوايا حاجة تئن اشد وتر الحزن واعزف
تموت غنواتى يا يمه ويخنقنى الغنا وأنزف
وتنتر فى العروق حمى خيال بيتنا القديم يرجف
صور تنزاح وتتلم وتانى وتالت آيمه
واشوفك بى خيال حالم تشاورى وترقص السبحة
ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم
وهم غرقانه فى زخم الحضاره الغم
حضارة بتحصد الإنسان وتزرع فى مكانه نغم
وقصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم
.
.
الرجوع الى أعلى الصفحة اذهب الى الأسفل
 
التجاني حاج موسى * ضل الضحى الرامي
الرجوع الى أعلى الصفحة 
صفحة 1 من اصل 1
 مواضيع مماثلة
-
» التجاني حاج موسى * تباريح الهوي
» مولانا السيد / الميرغني يطمئن على التجاني
» المناضل التجاني الطيب في رحاب الله
» موسى: خطة الجامعة لاقت صدى جيدا في الخرطوم
» الأمة القومي بالإجماع يرفض إستقالة د.آدم موسى مادبو

صلاحيات هذا المنتدى:لاتستطيع الرد على المواضيع في هذا المنتدى
الملتقى الحر للسودانيين بالكويت :: المنتدي الثقافي للفنون و الأبداع-
انتقل الى: